10-07-2008, 02:57 AM
| رقم المشاركة : 1 (permalink) | ||
 مسلسل انفجار العصير . مرحباً بكم مجدداً على قناة شيخ البانوراما ونأمل ان تكونون دائماً "مستانسين"  العلم .. طلعت انا والاخ راكان (ولدي) نجيب عشاء الساعه وحده وشوي بالليل (والله المسكه)  المهم .. من ضمن العشاء كنت جايب عصيرات ماسك كيستها في يدي من طلعنا من المحل اللين وقفنا قدام البيت ، من زود الحرص لا ينكبون.. وكان عندي اغراض في المرتبه اللي ورى والولد راكبن على كرسي الراكب ، قلت انزل الاغراض اللي ورى اول وارجع اجيب الولد.. فجأه طلعت نافورة عصيرات غرقت كرسي السواق من تكاية الراس الى المقعده ! اثري ناسي كيس العصيرات على الكرسي ويوم جلست عليها ضغطته ضغطه محترمه سببت ثوران بركان العصير اللي غرق الكرسى مشكلتي هي ان مسامات التهويه اللي في الكرسي بتتسكر (كوكتيل يحبه قلبك) الآن غير الريحه و ((التملصق )) اللي بيصير للمرتبه.. سؤالي هو ما الحل في رأيكم .. ووشي الخطوه السريعه اللي اسويها انا عساس اتدارك الامر قبل لا تندمر المرتبه.. والحقيقه انا اصلاً كنت ابودي السياره عشان تتلمع الكراسي اللي قدام لأنها منها بدت تسود من الزوايا اللي داي يجي عليها الاحتكاك مع الركوب والنزول .. ولكن قد سمعت من كذا واحد ان اللي يسوونه بعض محلات التلميع المعروفه من " حمايه للجلد " ممكن انه يشيل السواد ولكن ما يفيد بأي شئ على المدى البعيد (كحمايه) مجرد تضييع فلوس .. واذا احد يعرف محل يمدحه عن تجربه فيا ليت يزودنا بالتفاصيل.. ويعطيكم العافيه... اخوكم ابو راكان،،، .
| |||
|
10-07-2008, 04:39 AM
| رقم المشاركة : 2 (permalink) | ||
| رد: مسلسل انفجار العصير الله يحفظ لكـ راكان .. ويخليه لكـ .. غير كذا .. أنا جربت تلميعة الوكالة الداخلية .. وربي إنهم رجعوها مثل ما أخذتها من عندهم أول مره .. يا رجل جديييييييييييدة .. وأنت روح وشوف وش يقولون لكـ .. والله أعلم ..
| |||
|
10-07-2008, 05:58 AM
| رقم المشاركة : 5 (permalink) | |||
| رد: مسلسل انفجار العصير اقتباس:
هلا والله اخوي تقدر تقول كم كلفت ، وقد ايش اخذت وقت عندهم.. وضمان التلميع - اذا فيه - وش يشمل.. .
| ||||
|
10-07-2008, 09:33 AM
| رقم المشاركة : 8 (permalink) |
| رد: مسلسل انفجار العصير صباح البردقان..! الله يخليلك ولدك انشاء الله ويحفظه لك شف يا صديزي خذ لك خرقه وفيها ماء دافي مسح المرتبه الحين وودها كانك من سكان الرياض للعربه خلهم يلمعون المراتب ولا زيبارت<== بيجلدونك بالسعر بس شغل نظيف وانشاء الله اخر المصايب | |
|
10-07-2008, 09:49 AM
| رقم المشاركة : 9 (permalink) |
| رد: مسلسل انفجار العصير صباح الخير ابو راكان ..... والله من زمان عنك وانا اخوك .... اول شيء حللني جلست اضحك يوم قريت السالفه وصفك كان دقيق جدا في الموضوع  انا من رايي الشخصي ان المسامات حقت المرتبه صغيره جدا ما اتوقع يكون العصير يقدر يدخل فيها بسهوله هم صمموا المرتبه واكيد حطو في راسهم شي ممكن يصير زي اللي صار معك انا اقتراحي انك تنظف المرتبه تنظيف عادي ثم تشغل التهويه على الحار ممكن يساعد في ازالة بعض الضرر الحقيقه اذا جتهادي الشخصي وتقبل مروري ...وما صار الا العوافي | |
|
10-07-2008, 09:57 AM
| رقم المشاركة : 10 (permalink) | |||
| رد: مسلسل انفجار العصير اقتباس:
يا صباح الكوكتيلات (خلاص تعقدت منه) اخوي موسوس.. انا كبدايه مسحت الرطوبه بمناديل اللين تأكدت انها راحت كلها تقريباً.. ولكن ترددت اني استخدم المويه لأني سمعت ان المويه تسود بالجلد ويطلع كنه وسخ (والله اعلم).. يعطيك العافيه .. شاكراً لك مرورك الكريم،،، .
| ||||
|
10-07-2008, 10:04 AM
| رقم المشاركة : 11 (permalink) | |||
| رد: مسلسل انفجار العصير اقتباس:
هلا والله اخوي الهزيم محلل وانا اخوك بس ابيك تدعي لي بصلاح الذريه.. الله يصلح ذرياتنا أجمعين... هو فعلاً المسامات صغيره ، ولكن يبدو لي انها تسمح بدخول المواد مثل السوائل والاتربه.. انا بروح اشيكها في النهار واشوف وش يطلع معي.. بارك الله فيك وما قصرت, .
| ||||
|
10-07-2008, 11:18 AM
| رقم المشاركة : 12 (permalink) | |
| رد: مسلسل انفجار العصير اقتباس:
والله ابو راكان انا شبه متاكد ان المسامات ما تسمح بدخول السوائل وطبعا الاحتياط واجب من جهتك هي بالعافيه يالله تطلع هوا فما بالك بماده سائله بلا ما تروح تكلف على نفسك خذلك ماده اصليه خاصه بتنظيف المراتب الجلديه وامسح وشغل المكيف على الحار عشان تجفف بسرعه | ||
|
10-07-2008, 11:38 AM
| رقم المشاركة : 13 (permalink) | ||
| رد: مسلسل انفجار العصير عندي حل .. تجيب أبره وتمشي على كل مسام في المرتبه < < يحب يعقد ههههه الله يعينك أخوي ان كأنك حريص ودها للوكالة , وترا بعض محلات التلميع يحطون طبقة على الجلد وعلى ارضية السيارة تمنع السوائل من اختراق الجلد والارضيات وحلووه مره ومو واضحة ابداً .
| |||
|
10-07-2008, 12:51 PM
| رقم المشاركة : 16 (permalink) | ||
| رد: مسلسل انفجار العصير بصراحة قال لي هذي من اصعب المشاكل الي تواجه مقاعد السيارات الي فيها تهوية  لكن نصحني وقال لي عندهم مادة اسمها All purpose بس لا ترشها مباشرة على الجلد اولا على اسفنجة وبعدين افرك بيها الجلد ولو تدعمها بشوي بخار عند مغاسل السيارات الي بالبخاري راح يكون افضل بس لا يكون البخار قريب وان شاء الله راح تنحل عندك المشكلة
| |||
|
10-07-2008, 02:09 PM
| رقم المشاركة : 17 (permalink) | |||
| رد: مسلسل انفجار العصير اقتباس:
الحقيقه ان الوكاله احد الخيارات ، ولكن انا حقيقةً من الناس الي تؤمن بالتخصص يعني اوديها لمحل متخصص بالتلميع ، وعلى قولتهم عط الخبز لخبازه.. يعطيك العافيه, .
| ||||
|
10-07-2008, 02:12 PM
| رقم المشاركة : 18 (permalink) | |||
| رد: مسلسل انفجار العصير اقتباس:
هلا بك والله بوسعود ابد على قولتك ابتلاحق نفسي.. بس هاه مهوب اروح لي خمس دقايق وارجع القاك مقفل الموضوع... ترى لسى ما خلصنا..  شاكراً مرورك.. .
| ||||
|
10-07-2008, 02:19 PM
| رقم المشاركة : 19 (permalink) | ||||
| رد: مسلسل انفجار العصير اقتباس:
يا مال العافيه والله اخوي فالكم طيب ما شاء الله اسم على مسمى انا ابدور الماده هذي ، وبشيك محلات التلميع اللي بيوصون عليها الشباب والله يكون بالعون.. اقتباس:
شكلك والله نفسك في حبه بخاري.. ، وهي والله فكرةً ما هي بشينه..يعطيك الف عافيه ، ما قصرت رايتك بيضاء.. وتكفى لا تزعل وانا اخوك تراي رجال مزوح ، واذا ودك والله نعزمك ويا الشباب على مفاطيح ترى والله ماهي بحقكم ، حقكم والله اكبر من كذا ما اقول الا جزاك الله خير،،، .
| |||||
|
10-07-2008, 03:24 PM
| رقم المشاركة : 20 (permalink) | ||||||
| رد: مسلسل انفجار العصير اقتباس:
الله يعافيك ياشيخ البانوراما وبالنسبة لمحل مجواير بعد وكالة سماكو "بورش" الي في التحلية اقتباس:
كانك حاس فيني مداوم وجوعان في خاطري حبة على الفحم اقتباس:
اقتباس:
لاتقول كذا كلنا اخوان وتراك على قلبي زي العسل لكن متى العزيمة "واحد ماصدق"
| |||||||
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
المواضيع المتشابهه | ||||
| الموضوع | كاتب الموضوع | الموقع | مشاركات | آخر مشاركة |
| مسلسل سوداني......... | & عزوز & | استراحة الاعضاء | 3 | 09-08-2008 11:45 PM |
| مفتي المملكة: مسلسل نور منحط منحل إجرامي ضال | إماراتي.. | المنتدى الاسلامي | 19 | 08-12-2008 03:23 PM |
| إمام يخير المصلين بين مسلسل «باب الحارة» والتراويح !! | بو سعود | المنتدى العام | 9 | 10-19-2007 05:02 AM |
| ماذا تفعل عند انفجار الاطار ؟؟ | فيصل البرقاوي | المنتدى العام | 14 | 03-22-2007 10:29 PM |
| (يوميات مناحي) أول مسلسل سعودي كرتوني للكبار على Mbc | منبع الشوق | المنتدى العام | 12 | 10-02-2006 04:41 PM |
الساعة الآن 06:37 AM.
تويوتا العربية هي لمالكي ومحبي سيارات تويوتا ولكزس ولا تمثل المواضيع او المشاركات المطروحة رأي الموقع او ادارته بل تمثل وجهة نظر كاتبها
© 2009 Toyota4arab.com, All Rights Reserved.
