[مجنون لكزس 11]

السلام عليكم ورحمه الله
اخواني حبت انقل لكم بعض التفاصيل عن الكزس Es2005
انا شريت وحده الون اسود لماع
ملاحظه الون الاسود يتعب بلغسيل
السعر كاش ؟
ميه وسبعه وعشرين الف وخمس ميه
من عند وكيل لكزس بلعلياء
ملاحظه هامه جداء جداء
فيه بلمعارض لكزس Es مو اسعودي خليجي وهذي ما يشملها الضمان عند الوكيل بسعوديه
سعرها اقل من عبدالطيف لكن ما عليها ضمان الى بيشتري من المعارض لازم يتأكد انها مو خليجيه

انا كنت طالب كابرس اس اس 2005 قبل ما اشتري الكزس
ولكن بطلت عنه السبب انه تأخر ازياده والحمد لله الحمد للله انه تأخر وما خذيته
لن ابصراحه السيارتين ما بينهم اي مقارنه مع ان الفرق بينهم ياصل تقريباء الى عشره الف
الكابرس ولا شي بلموصفات عند الكزس
يكفي الصوت بس صوت الكابرس عالى جداء وصوت الكزس ما تسمعه
غير الموصفات الداخليه للكزس
من الداخل جناح ملكي بدون مبالغه
1- تكييف بلمراتب الاماميه
ملاظه التكييف فقط بارد
2- اربع حساسات خلف واثنين اماميه
3- انوار زينون
وغيرها من التفاصيل الداخليه الممتعه
انا سافرت فيها مسافه 1300 كيلوا متر
السياره سريعه
والحمد لله ما شفت فيها اي شي مو طبيعي
انصح كل الى بيشتري سياره بحدود السعر هذا انه يشتري لكزس لن السياره ياباني ومواصفات احلى


انشاء الله ان الموضوع ايكون خفيف ومفيد لكم واانا حاظر اي استفسار عن السياره

[qwqwqw]

اول شي الف مبرووك


والله يعطيك خيرها ويكفيك شرها ..



انا بسالك فيه اسود عادي واسود لماع ؟؟

ثاني شي

انا ودي اخذ اسود من جوا ومن برا مادري متردد مره

محتار بين الؤلؤي ولا الاسود

ياليت تفيدني اكثر

ولك تحياتي

[مجنون لكزس 11]

اللله يبارك فيك وعقبالك
الاسود من برا ومن الداخل بيج افضل بكثر
اما بنسبه للون اعتقد ان الون الاسود هذا نزل بس السنه هذي الماع وما اعتقد فيه اسود مطفي ولماع بس لماع
والصراحه ان الون هذا فيه عيب
الى هو انه اذا لاسمح الله انصدمت السياره صعب ترجع السمكره نفس الوكاله لو لو اتصلحها عند الوكيل لنه مره حساس
الون هذا
وانا بيني وبينك تندمت اني ما اخذت لؤلؤي لن الون الاسود معقد ولا الشكل عندي انا احسن الاسود اكثير
ولا تفكر بي شي السياره حلوه مره اتوكل على اللله
حتى من قدام من بعيد اتحس انها قريبه لشكل 430 لنهم شدوا المقدمه مع الانوار الجدد الى نفس 430
من بعيد صعب اتفرق بينهم بس طبعاء من قدام
والف مبروك مقدماء

[سمووو]

شباااب انا معي لكزس 300 as موديلها 2002 بقلب اصطباتها الاماميه 2005 وين تنصحوووني اغيرها؟ كم تكلف تقريبا ؟ بتصير مشاكل في الكهربا ولا لا تكفووون ابي الرد سريع علا الايميل

[احذرالكابرس وصل]

اخوي فقط لتصحيح

الكابرس تجي حساسات امامية وخلفيه الجديد

وقوتها زادت الى 340 حصان

وكذلك توفر فيها نظام الاقتصاد في الوقود

وكذلك الانوار فيها الهيدروجينية ماهي عادية ( اتمنى تشوفها من بعيد على شان تحس بالفرق)

شكل الطبلون الاس اس افضل من طبلون الكزس

والكابرس يمديك تتحكم في مراتبه من ناحية اليونه والقساوه اما الكزس قاسية

الكزس دفع امامي ومشابه للكامري من الخارج

الكزس تحط فيه 128 الف واخرتها كل سنتين يغيرون فيها اشياء جزرية وكل 3 سنين يتغير الشكل كامل ..؟

بعكس الكابرس

واخيرا Es لو تلاحظ ان مكاتب التأجير تتجنب تأجره ودائما تشوف الاس اس او الرويال جنب البي ام و430 والمرسدس والجموس والجيوب


وبالاخير انا اليوم مجرب لكزس Es 2005 العزل الصوتي فيه سيئ جدا جدا على سرعه 120 فيه صوت حنه وكذلك الشارع تسمه القرطاس الي تمشي عليه ........؟

وثانيا ياليت تقراء الكتالوج اخوي حق الكزس السرعه المهيئه للسياره 225 وطبلونه 240

اما الكابرس السرعه المهيئه له 250 وطبلونه 260


تحياتي لك

[أبو تركي]

وثانيا ياليت تقراء الكتالوج اخوي حق الكزس السرعه المهيئه للسياره 225 وطبلونه 240

اما الكابرس السرعه المهيئه له 250 وطبلونه 260



بتسابق انت يوم تقول السرعة المهيئة انا صراحة اعتبره مهبول الي يتعدا 160 على سفر فما بالك داخل المدينة ياخي تخيل ضرب عليك كفر وش بيكون موقفك وياما مواتر فخمة تقلبت

انتبه وانا اخوك ترا السرعة ما فيها فائدة
وانا ما كتبت الموضوع الا ناصح لك وبإمكانك تتقبلها او ترفضها


والف شكر لك ياالكابرس



أبو تركي

[اسير الجرح]

مع احترامي للي يمدح للكابرس الكابرس قوته فوق اللزوم يعني صرفية بانزين على الفاضي
بينما الكزس معروفه بانها عمليه وفخمه في نفس الوقت ويكفيك انها تمسك قيتها حتى لوتغير شكلها
يعني سياره لك ولزمن يعني اذا حدتك الدنيا واحتجت سيوله تجيب قيمه باختصار شيك
وانا معي كابرس اس اس 2005 وتوني بايعه وباذن الله بشتري لكزس es 300 سبب بيع الكابرس
لان سلبياته غطت على ايجابيته وهذي هي الايجابيات والسلبيات الي لاحظتها على الكابرس فتره استخدامي
الا ان ابعتها وهي ماشيه 21000
===============================================
اولا الايجابيات
1 - قوة المكينه يعني السياره فعلا مكينتها قويه واستجابتها سريعه
2 - شكل حلو يعني السياره نوعا ما انيقه
3 - الرساوه يعني السياره رساوتها لاباس بها وذلك بفضل التعليق الرياضي
===============================================
ثانيا السلبيات
1 - صرفيه مرتفعه للبانزين يعني بتحفظ اماكن محطات البانزن من كثر ماتجيهم ومخباك بيكون دايما فاضي
2 - السياره غير مريحه بسبب التعليق الرياضي يعني الي يتمشى على كورلا مرتاح اكثر منك وهو يسوق سيارته
3 - السياره نازله ويمكن تحك حتى في بعض المطبات الصغيره مما يؤثر على اسفل السياره
4 - عدم كفائة البريك بالنسبه لقوة المكينه يعني لاتغريك السياره بقوة المكينه وتسرع لانه لوحصل ظرف طارئ وحبيت توقف بسرعه لن يسعفك البريك لانه ليس بذيك الكفائه
5 - عدم جودة الديكوارت الداخليه للسياره يعني بعد فتره من استخدام السياره بتسمع اصوات من البلاستيك الداخلي للسياره
6 - انخفاض السعر يعني لو بغيت تبيع السياره بعد فتره من الاستخدام راح ينزل من قيمة السياره الكثير
7 - سوء معاملة الوكيل

واسف على الاطاله

[كود]

السلام عليكم ورحمه الله وبركاته
اول شي انا اؤيد اسير الجرح علي كلامة
وثاني شي حبيت اقول
العزل الصوتي ما فيه اي شي وهو ممتاز جدا بحيث ان احد الشباب كان جالس جنبي وانا ما شي 190 كم وغطيت العداد وشألته قال ما شي 140كم بعكس الكابرس فالعزل فيه لك عليه اعرف ناس باعو السيارة علشان الصوت الي فيها
ومن ناحيه السرعة انا جايب فيها 230 كم في الدائري الشمالي
طبعا ماتتقارن الكابرس بال es
فهي 6 سلندر دفع امامي
والكابرس 8 سلندر دفع خلفي
ومن ناحيه التغيير الكامل فصارلها حدود 6 سنوات ما تغيرت

[المسـافر]

اتوقع عمليه تجديد موديل اللكزس عن طريق الاصطبات جدا عاديه وبدون اي صعوبه لاني اشوف كثيرين مجددين