نظام البيع بالإيجار عند عبداللطيف جميل

[سفروت]

أود أن اسأل عن نظام البيع بالإيجار عند عبداللطيف جميل :

1- مطلوب كفيل؟ وهل هو كفيل حضوري أم غارم؟
2- اذا أردت استرجاع السيارة بعد ستة أشهر أو سنة فماذا يترتب على ذلك؟
3- كم قيمة القسط للسيارة الكامري التي سعرها في حدود 80,000 تقريباً؟ وكم شهر يستمر القسط؟
4- ما هي ميزات البيع بالإيجار والبيع بالتقسيط ؟
5- هل يستمر الضمان وتستمر الصيانة طوال مدة الإيجار؟
6- هل هناك دفعة أولى أو أخيرة لإمتلاك السيارة؟ واذا لم يتم سداد الدفعة الأخيرة مثلاً فماذا يترتب على ذلك؟

شكراً لكم وآسف على الإطالة .

[موسى السميري]

بتفصيل الممل طبعا بتكلم عن التأجير المنتهي باتمليك في عبدالطيف جميل...فقط
1 إذا انت موظف شركه او وظيفه مدنيـــــــــــــه مومطلوب كفيل خير شر... إذا موظف عسكري يطلبون كفيل غارم فقط... تبقى السياره بأسمهم لحد ماتنتهي اقساطها
2 المده على ثلاث سنوات ونص يعني 42 شهر وإذا انت منتظم بسدام ووصلت لوقت الدفعه الخيره يمددون لك لحد سنه زياده حتى تقدر تسدد الدفعه الخيره على اقساط ميسره..يعني توصل المده اربع نوات ونص
3 في حاله مليت من السياره وتبي ترجعها او تستبدلها كان في السابق مسموح ويثمنون لك سعرها ويخذوها منك ...لكن الأن تروح لقسم المستعمل ويشتروها منك او تجيب شخص من برا يشتريها منك ويعطيهم الفلوس ويشوفو ايش ناقص تكمله... طبعا يعملولك الخصم الازم
4بصراحه مادري عن طريقه الضمان ,,,بس يعطوك تأمين لك للغير اتوقع لحد نهايه مده الأيجار ...
5 بصراحه تكون الأقساط على حسب الدفعه الأول ..طبعا مو شرط دفعه جامده يعني 4000 فما فوق.. ماقدر احدد لك كم يكون القسط.. وبأمكانك تقدم دفع الدفع الأخيره "دفعه التمليك"...
اهم شئ ترا انا موشغال في عبداللطيف بس اخذت سياره منهم بنفس الطريقه بس جلست ثلاثه شهور وانا اسأل لما مخمخت ....اتمنى اكون افدتك .. اهم شئ لو مادفعت لمده شهرين او ثلاثه تقريبا يتصلو فيك ويبلغوك واذا رفضت يبلغو في السياره او يجو يسحبوها من امام البيت وعلى فكره ترا عندهم نسخه من مفاتيح سيارتك

الفرق بين الأقساط والايجار المنتهي باتمليك.. الأقساط يشترطو كفيل غارم "وظيفه مدنيه" وكفيل حضوري "اي شئ" ومافي دفعه اخير وتكتب السياره بأسمك مباشره وعلى 42 شهر فقط غير قابله لتمديد
والأقساط تكون عاليه شوي مو شرط دفعه اولا على مااعتقد....



وسلامتك ... انشالله افدتك اخوك مــــــــــــــــــــــــوسى

[سفروت]

انت متأكد انه مافي كفيل خير شر لو الواحد موظف حكومي؟

[موسى السميري]

ماقلت موضف حكومه ...قلت "وظيفه مدنيـــــــــــــــــ (حكوميه )ـــــــــــــــــــــــه او قطاع خاص يعني شركه "


بعدين توقعت رد افضل من كذا...... مومشكله اتمنى توضح لك الصوره ومثل ماقلت لك انا قبل ماخذ السياره منهم جننتهم من كثر الأسأله

[* النهيم *]

المتطلبات اللي يطلبونه منك هي :

(( ملاحضه ))

هذي جبته من موقع عبداللطيف جميل


(( تتوفر خدماتنا لكافة موظفي الدوائر الحكومية (القطاع العام) بالإضافة إلى موظفي القطاع الخاص. لإنجاز معاملات التأجير يُرجى التأكد من توفر المتطلبات التالية:

1- كفيل غارم

2- كفيل حضوري

3- المشتري

4- أن يتناسب القسط مع الراتب (بحيث لا يزيد القسط الشهري عن ثلث الراتب )

5- أن يُحضر جميع أطراف المعاملة الوثائق التالية:

أ. صورة من بطاقة الأحوال أو الإقامة لغير السعوديين

ب. خطاب تعريف موضحاً به الراتب ومدة الخدمة

ج. ما يثبت مقر السكن (فاتورة هاتف ـ فاتورة كهرباء ـ عقد إيجار ـ صك ملكية)

6- أن يكون مقر العمل وسكن المشتري في منطقة الفرع.

7- أن لا تقل مدة الخدمة عن ستة أشهر لمنسوبي القطاعات الحكومية وسنة لمنسوبي القطاع الخاص (قد تطلب الشركة وجود معرف في بعض الحالات)

مدة التأجير تتراوح من 12 شهراً إلى 42 شهراً

معلومات إضافية

- في حالة عدم وجود وظيفة (متسبب) يمكن أن يقبل الطلب عند وجود ضمان بنكي

- بإمكانك أن تحدد الدفعة الأولى بما يتناسب مع الراتب على أن لا تتجاوز قيمة القسط الشهري 30% من الراتب
))

[موسى السميري]

مشكور اخوي البرق اللامع..

سمعـــــــــــــت
المثل اللي قول " اسال مجرب ولا تسأل طبيب"
اخ سفروت ادري انك قريت الموضوع ولا رديت بس روح الوكاله وشوف كلام مين الصــــــــــح؟؟
تحياتي

[سفروت]

الأخ موسى أشكرك شكر جزيل على الرد الكافي الشافي ولو ان الشكر جا متأخر
واتوقع ان كلامك اقرب للصحة لأن المعلومات اللي حطها الأخ البرق اللامع من زمان موجودة في موقعهم
وبإختصار أخ موسى اذا كان الواحد موظف خطوط سعودية وراتبه عالي يحتاج كفيل ولا ما يحتاج؟

[موسى السميري]

مومتأكد لكن انشالله لآنهم يأخذون بأعتبار مبلغ الراتب ... مااعتقد يطلبون كفيل نهائيا بالنسبه لموظفي الخطوط.... بعدين اذا تبي نصيحتي ادلك على فرع مايعقد لك الشرووووووووووط إذا انت في الرياض

تحياتي لك

[ابوثامر]

المشاركة الأصلية كتبت بواسطة موسى السميري

مومتأكد لكن انشالله لآنهم يأخذون بأعتبار مبلغ الراتب ... مااعتقد يطلبون كفيل نهائيا بالنسبه لموظفي الخطوط.... بعدين اذا تبي نصيحتي ادلك على فرع مايعقد لك الشرووووووووووط إذا انت في الرياض

تحياتي لك

ليش كذا تكتب هذي الكلمة
الصحيح : إن شاء الله :

واذا مالك قدرة في كتابتها أكتب ان الله اراد ، او بمشيئة الله او بحول الله وقوته

هذا عتاب ولكن المحبة في القلوب .

[محمد آل مانع]

يا أخوان وش الزحمة الي انتم مسوينها كفيل غارم وواحد يقول لا والثاني يقول كلامي صح... الخ
وش ذا الله يصلحكم بس

ولكم مني الرد المبين حول ما اختلفتم فيه
1- بالنسبة لنظام التأجير لا يتطلب كفيل غارم المطلوب فقط معرف وهذا المعرف لا يتحمل أي وزر.
2- ليه تطولونها وهي قصيره أقرب وكالة لعبد اللطيف جميل سلام وش نظامكم ووش متطلباتكم وكم الاقساط وصلي الله وبارك

لكم مني التحيه والسلام عليكم ورحمة الله وبركاته

[اسيرالدرب]

اخوي ابعد عن نظام التاجير المنتهى بالتمليك لا اني بقولك قصتي
امس رحت ابي اشترى افالون مستعمله موديل 2005 اكس ال وانت عارف سعرها في حدود 75000 لكن هم عارضينها ب 85000 يعني زياده عشرة الاف عن السعر المعقول وقلت لهم با اعطيكم دفعة 20000
وقام يطقطق قدامي بالحاسبة وقال راح يكون القسط الشهرى عليك 2100 ريال وهناك دفعة اخيرة 13 الف ريال قلت ليش كم تاخذون نسبه قال ناخذ 8% والتامين 4% والمجموع كله 113 الف ريال قلت لا لا غاليه ما تستاهل وطلعت من عنده وانا اتمتم بكلمات لا بارك الله في الاحتكار اللى خلا عبداللطيف جميل وغيره يتحكمون بالاسعار
وانت تبي سيارة ب 80000 ماعليك اللا تحسبها كم دفتك وتخصمها من ال 80000 وتضرب الياقي في 12% وتضربها في 4 يعني اربع سنوات وتجمها وحوسه راح تطلع عليك ب 100 الف وفوق