[القريب]

سؤالي عن سيارة المشتراه من البريمي هل يسقط الضمان ؟
مثل الى أخذتلي في اك ار V X R من البريمي وجيت السعوديه وصدرته وكمل الالف كيلو هل يستقبله بو جميل ولا لا لتشييك الالف
ولو صار شي كبير فيه مثل الماكينه او المكيف او القير او اي شي قبل نهاية الضمان (3 سنوات او 60 الف كيلو) يستقبله ابو جميل ولا لا
افيدونا

[حالو]

السلام عليكم
والله يا اخى انا شريت vxr قبل 8شهور من البريمى وسألت عن الضمان وقالولى سارية فى عمان
والبياع قالى اذا العطل كبير جيبه عندنا ونصلحه على الضمان اما اذا صغير ما اعتقد ان بتستاهل العنوه من الكويت لعمان على 10 او 20 دينار تصليح
وسلامتك

[القريب]

بس يا عزيزي المشوار من الكويت او من السعودية الى عمان مــشــوار طويل لماذا لا يكون ضمان خليجي او ضمان تويوتا ويكون مضمون بالكويت او عندنا عند ابو جميل
وشكر على ردك

[فديت الكامري]

يا خوي اكيد ما بيخلون الضمان خليجي

لان اسعار السيارات تختلف من دولة لدولة .

و لو سوو مثلا الضمان خليجي بتحصل وايد ناس بتشتري من الكويت و عمان و البحرين .... الخ

معناته بتسبب خسارة حق الوكيل اللي موجود في الدولة

[الدينار]

المشاركة الأصلية كتبت بواسطة القريب

سؤالي عن سيارة المشتراه من البريمي هل يسقط الضمان ؟
مثل الى أخذتلي في اك ار V X R من البريمي وجيت السعوديه وصدرته وكمل الالف كيلو هل يستقبله بو جميل ولا لا لتشييك الالف
ولو صار شي كبير فيه مثل الماكينه او المكيف او القير او اي شي قبل نهاية الضمان (3 سنوات او 60 الف كيلو) يستقبله ابو جميل ولا لا
افيدونا

خبر عاجل0

في اكس أر

لايسري الضمان عند ابو جميل0

[حالو]

والله يا القريب كلامك صح لكن الرجال والله ما ادرى هو من جده يتكلم ولا يضحك قال اذا الخراب كبير حمله بسطحه وهم يدفعون اجر السطحه بس لما تخلص السيارة انت تجى تستلمها
وبالنسبه للضمان الخليجى انا شبه متأكد اذا بتراسل الشركة الام فى اليابان وتشرح الموضوع احتمال كبير جدا يضمنها لك وكيل تويوتا فى بلدك والدليل ليش يكتبون على الباب ( طبقا لمواصفات الخليج والسعودية) وسلامتكم

[الكرولا الذهبي]

حسب معلوماتي اذا شيكته برع الوكاله اللي انت ماخذ من عندهم السياره مايضمنوها

لان بيقول لك يمكن سامان الوكاله اللي عنكم تجاري...المهم انه يبري ذمته

وانت اقول لك لاتفاول على موتر بالخراب....قول انشاء الله يتم صاحي طول الزمان

[مؤيدينو]

والللللله مايندررى


اخووووووووووووووووي

[القريب]

شكرا للجميع والله لايجيب المشاكل لسيارتكم
ويسعد الجميع

[بوزايد]

السلام عليكم اخواني الأعزاء ،
هذه اول مشاركة لي في هذا المنتدى المتميز بمواضيعه المهمة بصراحة

بالنسبة لأستفسار القريب هو انه عادي عندنا اذا مثلا اشتريته من البريمي وتبى يسووله سيرفيس مثلا في الأمارات الوكالة تقبل بس بيزيدون السعر تقريبا 25% لانه طبعا يقولولك انك اشتريتها من برع.

اما بالنسبة للضمان ماعندي اي خلفية وشكرا.....

[صافي الود]

اخوي مضمونه 100 بالمية واي عطل مصنعي ملزم اي وكيل بتصليح السيارة واي مشكلة تواجهك تقدر ترسل ايميل للمصنع الام في اليابان ويلزم بتصليح السيارة ,, انا صارت لي شخصيا مع البي ام دبليو وراسلت المصنع ورجعو الايميل وطلبو العنوان ورقم الاتصال اقل من ساعتين يتصل مدير الصيانة في الناغي

[القريب]

يليت احد من صيانة ابو جميل يرد

[أ أ أ ا ا ا]

السلام عليكم ورحمت الله ..

اخي .. الضمان يمشي عند عبداللطيف جميل ..

أسال مجرب انا معي لكزس 2007 عماني والاسبوع الماضي مسوي له سيرفس بعد ما مشاء الف بـ 140 ريال وقالي بعد مايمشي 5000 تعال .. وخلاص بعد كذا يكون مضمون .. ؟

تحيتي

[أموت باللكزس]

أنا عندي لكزس خليجي أخذتها على الزيرو من الخليج وجايه عن طريق الامارات
وماشي مع عبداللطيف جميل على الصيانة الدورية وغيرو كم شغله عندي على الضمان
ولا واجهة أي مشكلة معهم

أهم شيء على ما اعتقد انه لازم تكون ماشي على جدول الصيانة، ويضمنون السيارة ما عندك مشكلة

وإذا كنت ماشي على جدول الصيانة يمددون لك الضمان إلى 50 ألف زيادة أو خمس سنوات

[حنتوش الثالث عش]

أخوي القريب

لا تشيل هم

الضمان ساري وغصب على ابو جميل لإنه ضمان تويوتا وليس ضمان ابوجميل

المعلومة هذي من احد الزملاء الذي يعمل في تويوتا ولو رفضت الوكاله من حقك الشكوى على الوكالة سواء الى المركز الرئيسي في جدة او اليابان

[القريب]

اشكر الجميع