السلام عليكمورحمة الله وبركاته................
بالنسبة للسيارة يا شباب فهي خيال بمعنى الكلمه...............
وبالنسبة لي المقاعد الخلفيه مو حيل ضيقة بل اني ركبت اثنين من اخوياي طولهم وسط
وكانو مرتاحين جدااا.........لكن السياره قيادتها مريحة جدا وما ودك تنزل منها وبالنسبه للموتر اللي عندي بقول لكم بعض المواصفات الجميله ومنها:
كاميرا خلفية واضحة بالليل جدا. واذا كنت واقف طوليا وعلى يمينك سياره ويسارك سياره فإن الكاميرا لا يقتصر تصويرها على الخلف فقط وانما على الناحيه اليمنى واليسرى الخلفيه.
تلفون بلوتوث بحيث انك ترتاح اول ما تركب السيارة يشبك تلفونك على شاشة السياره وتقدر تتصل من الشاشه وترد من المقود ايضا
اذا وضعت القيير على R تنزل المرايات الجانبية والستارة الخلفيه اتوماتيكيا واذا غيرت وضع القيير ترجع على ما كانت
وهناك ثلاث وضعيات لتخزين وضع المرايات والاسيات ومستوى المقود بحيث اذا شغلت السيارة تكون على الوضع المخزن
نضام التشيل جميل جدا وهو ضغطة زر
ونظام فتح الابواب بمجرد وضع يدك على مقبظ الباب
ونظام الملاحة رائع جدا بحيث ترى الشوارع والمخططات ويظهر لك المساجد بأسمائها والمطاعم باسمائها وارقام هواتفها وتصنيف المطعم وجبات سريعه ام صيني ام فرنسي ام هندي ام مطعم بحري وغيره
ومحطات البنزين والمدارس والمستشفيات والمحاكم واماكن السينما (طبعا مو في السعوديه) واماكن البولينق ومحلات تاجير السيارات ومواقع شركة لكزس والبنوك وغيرها الكثيــــــر تقريبا حوالي 40 شي
واذا ضغطت على مكان ما يتم التوصيف لك بالشاشة وصوتيا ايضا وبالعربي ان اردت يعني ما في امل تضيع
ونظام المساحات للزجاجة الاماميه تشتغل اوتوماتيكيا مع نزول المطر وتسرع على حسب سرعة المطر
ومن خلال الشاشه لو انك اعطيت السيارة احد اقاربك تستطيع معرفة اين ذهب فهناك خيار بحيث يظهر نقاط على الطرق المسلوكه.
الانوار زينون واذا جا منحنى او لفه لفت الانوار قبل السياره فيتضح لك الطريق
وبالجهاز تستطيع قفل وفتح الابواب والنوافذ والفتحة. وتستطيع ان تشغل فيديو على الشاشه سواءا DVD او CD والصوت يشغل MP3 , WAV والباقي لا اعلمه
ويوجدهيتر في الاسيات
وبالنسبه للقياده:
فهو مريح وراسي وخاصه في المطر تسرع على المنحنيات ولا كانه فيه مطر
ومشيت على السياره ( مع اني اخاف من السرعه) 235 كم\ساعه وكان الطريق زحمه فما استطعت الدعس زياده فخففت
وكان الموتر ما شاء الله راسي وثابت
وهو دفع خلفي بخلاف ES350 والديكور الداخلي اجمل بكثير من ES350 واحكم بنفسك
والشكل الخارجي جميل جدا ورياضي وانا انصح به وانا قبل ما اخذ السياره مريت على BMW
,اودي و كرايسلر فما اقتنعت الا ب IS-300 ومن عدة نواحي
الشكل
القيمة وقت البيع
قطع الغيار
التحمل
الاســـــــــــــــــــــــــــــــــم............ ...
واسف على الاطاله وهذه صورة سيارتي.............
