أسعار (هانكوك - دنلوب)

[محمد بن عمر]

بسم الله الرحمن الرحيم
السلام عليكم ورحمة الله وبركاته
من خلال السؤال عن الكفرات هاليومين أن الأسعار كالتالي :-
الهانكوك فيه النوعين اللي تركب للفورتشنر وهي
ديناميك اللي يجي خطها أبيض
دينابرو زي اللي انا مركبها وتجي نقشتها محفورة وكلها أسعارها (440) ريال بعد ما كانت بـ(370) ريال .
الدنلوب فيه الدعسة الجديدة وتجي كتابتها زي اللاند وجيب اللكزس الجديد وقيمته (580) ريال
والدنلوب الدعسة القديمة زي اللي ركبها اخونا ابو عزام قيمته (520) ريال وشكله حول ما ينقطع من السوق
طبعاً للتوضيح مقاس الفورتشنر 265/70/16

وآسف جداً على الإطالة ووفقكم الله

[@@عبودي@@]

أبوعمر وش رايك بالهانكوك

[ديسكـفري]

انا من رايي الهانكوك مو مضبوط لانه بعد فتره يحبل وصناعته كوري

الدنلوب واليوكهاما احسن بكثيير

[محمد محارسي]

الف الف شكر لك مشرفنا الغالي ......

تحيــــــــاتي

[محمد بن عمر]

عبودي والله الهانكوك ممتازة لكن حق ابو سنة سنة ونصف وغيرها لأنها ليست بجودة الدنلوب واليوكوهاما
ديسكفري نعم رأيك في محله الهانكوك لا يقارن بالدنلوب واليوكوهاما
محمد محارسي لا شكر على واجب طال عمرك

[أبـــو عـــزام]

الله يعطيك العافية

ليتك سائل عن كفرات جنط 17 لأن فيه ناس معهم 2009

وبصراحه الاسعار مبالغ فيها بالحيل الله يهدي السبب

فيه كفرات دنلوب اللي تجي راكبه على الشاص شد بلد يمدحونها الرجاجيل لكني ما أعرف عنها أي شي ياليت اللي عنده معلومه عنها يفيدنا

شكراً لك مشرفنا الغالي


سلام

[ع.ع.ع]

الله لا يهينك مشرفنا محمد ما قصرت ...

[محمد بن عمر]

ابو عزام الغريب في الأمر أن مقاس 275/70/16 أرخص من مقاس 265/70/16 اللي هو حق الوكالة للفورتشنر يفرقون عن بعض بحوالي 50 ريال ما أدري ليش يعني إذا قلنا الدنلوب بـ 580 اللي هو مقاس الفورتشنر تلقى المقاس الثاني اللي هو 275/70/16 بـ 530 ريال لكن عسى الأمور تهدى إن شاء الله وترجع الأسعار زي أول

[محمد محارسي]

استفسار : هل الكفر الواحد دنلوب بـ 580 ولا كلها ... نحنا في المدينة الواحد بـ 260 بس طبعا انا سألت للكامري معقولة في اختلاف بالسعر لهادي الدرجة بين الفورتشنر والكامري ... ولا الفرق بين الرياض والمدينة ....

تحيــــــاتي

[محمد بن عمر]

نعم هناك فرق بين الكامري والفورتشنر طبعاً السعر اللي انا ذكرته سعر الكفر الواحد 580 ريال يعني حط في حسبانك 2000 ريال عشان تغير كفرات الفورتشنر وطبعاً فيه فرق في المقاس عندك مقاس الفورتشنر 265/70/16 والكامري 256/65/15 على حد علمي لكن شكلي مخطي بالمقاس فأرجو المعذرة إن كان هناك خطأ

[الوشق]

مشكور يا مشرفنا

جهد تشكر عليه

يالله نبي نكشت

[محمد بن عمر]

الله يعافيك ويسلمك يا الوشق مشكور على ردك وترى عندي اقتراح وافق عليه ابو سرور و عاشق فورشنر اللي هو يوم 15/11/1429هـ يوافق يوم خميس نطلع بالنفود وقمره وسعة صدر هاه وش رايك

[أبوحمد]

ترى جنط الـ 17 الجديد اللي على 2009 نفس مقاس البرادو تماما 265/65/17

وهذا النوع نادرا مايجي كتابته بالابيض مثل الكروزر .. شفته مره على دنلوب بس صناعته أمريكي ..

[أبـــو عـــزام]

ترى جنط الـ 17 الجديد اللي على 2009 نفس مقاس البرادو تماما 265/65/17

وهذا النوع نادرا مايجي كتابته بالابيض مثل الكروزر .. شفته مره على دنلوب بس صناعته أمريكي ..

الله يعطيك العافية أبو حمد

[محمد بن عمر]

مشكور على التوضيح يا أبو حمد
ومشكور يا أبو عزام على طلتك

[اخوكم عبدالله]

والله غالي اجل الي جنطه عشرين بكم كفره 1500 هههههههههه
والله حرام عليهم كلونا اكل

[محمد بن عمر]

اخوكم عبدالله جنط 20 وصل 900 ريال وين ذولا ما يخافون الله

[أبـــو عـــزام]

دنلوب مقاس 265/65/17 للفورتشنر 2009 (6 سلندر) سعره 520 ريال- ياباني أصلي وكيل (سنة الصنع 2808) يعني تقريباً شهر 6 ميلادي (جديد) وحقات سنة 2007 يطيح فيها خمسين.

والكتابة فعلاً ليست بيضاء مثل ما تفضل أخي أبو حمد

المقاس الأعرض تجي كتابته بيضاء ولكن بإجماع أغلب محلات البناشر اللي في الغرابي يحك مع اللفات والميلان

سلام

[محمد بن عمر]

الله يعطيك العافية يا أبو عزام على المعلومات تسلم يمناك

[ابو جووودي]

جربت ليونة المطبات في ال 2009 وضغط الهوا 30 للأربع كفرات ممتاز جدا ماشاء الله ومطبها لين