[بيكي]

السـلام عليكم ورحمه الله وبركاته ،،

كـل عام وانتم بالف خـير حبايبي ،،

انا الحمد الله اشتريت لكزس ES350 الون ابيض لؤلؤي ،،

بس عندي مشــاكل اخواني وابي الحـل ،،

1) المسجل والسي دي مو شغـال اخواني عندي ،

2) الانارهـ الداخليه مو شغاله نهائيا اقصد انوار السقف الداخليه ،،

3) المرايا مو شغاله عندي يعني اضغط الزر من الداخل ماتنصفط وهل با الاشاره تشتغل الانوار الي با المرايا الجانبيه ،؟

4) تنظيف الانوار موشغال عندي اضغط الزر الدخلي ماتنظف ، ؟

5) فيه عندي اخواني المثلت الاحمر با الطبلون طالع ؟؟؟ وفيه صوره مانع الانزلق السياره طالع برضو با الطبلون ،،؟

والله اشيــاء تقهــر ؟؟ ؟؟؟

انا طلعت السيـارهـ اخر يوم للدومات يوم الخميس من عبدالطيف جميل بحايل بس المشكله ما احد شرحلي للاسف ولا فهموني شي ؟؟ ؟؟

شغلت ومشيــت لان المهندسين كانو خارج العمل بـ نهايه الدوامـ ،، ؟

وش الحل شبــاب ..؟

وشاكر ومقـدر لكم ،،

اخوكم / بيكي

[المسـافر]

شكلها جايتك عين تمشي مليووون ...!!!

او انك ما عرفت للسيارة !!!




انت لو عندك 300 Es كان ساعدتك ..... بس 350 Es ماعندي خلفية عنها ...!!!


عموماً انت راجع الوكالة بصيانه الـ 1000 كم ( اذا قدرت تصبر ) .... او يوم السبت .. وان شاء الله مايقصرون معك .

[الجوفلي]

روح لهم وقول لهم السالفه للحين بضمانهم ممامشت 1000 وفيها كل هالخراب

او اطلب يرجعون فلوسها واذا ارفضو ارسل رساله لليابان ويرجعونن قروشك ريال ريال

[من الخفجي]

أخوي بيكي على حسب توقعاتي مشكلتك بسيطة وهي الفيوزات مو مركبة عندك وهذي كل السيارات الجديدة مايركبونها ويتركونها للتسليم النهائي حسب ماقلت انت اخذتها على طول بدون تشيك وخاصة الفيوزات صارت مع اخوي كان فاك سيارة نيسان وحصلنا الساعة والانوار الداخلية وكثير مو شغال واكتشفنا عند كهرباي ان الفيوزات مو مركبة معمول لها بلوك ارجو اني افدتك
تحياتي

[بيكي]

مشكــورين اخواني للافـــادهـ ،،

وانا رايـح لهم يومـ السبت بأذن الله ،،

واعــطيكم وش صـار معــي ،،

شـاكر ومقدر لكم ،،

[هاتوري هانزو]

ممكن تطلع من الفيوز مثل ماقال أخونا من الخفجي بس نصيحة اذا طلع عيب في السستم طالب في البدل يعني يعطونك غيرها وهذا حقك انتبه من عيب التصنيع وانشاء الله كل خير وماتطلع الا فيوزات وحط القرآن الكريم في الدرج ومبروك عليك الموتر يعطيك من خيره ويكفيك من شره ماشاء الله

[حسن لكزس]

يبيلك تقرا شوي في الكاتلوج حتى تتعرف على مميزات السياره اكثر
واذا في مشكله راجع الوكاله

[ابوصالح]

والله ياخوك لو انك ماقلت لنا وش سيارتك ونوعها وموديلها كان قلنا لك ودها تشليح اصرف

معقوله تطلع معك كل هالاشياء.............الا على قولت المسافر شكلها عين حويره

ضروري تراجع الوكاله

[بيكي]

بســمـ الله الرحـمن الرحيــمـ ،

اليومـ السبت وفي الصبـاح ذهـبت للوكـاله ،،

وتـدخل السيـارهـ الصيـانه وانا زعــلان

وانا اكـلم المهنــدس عن كل المشـاكل وقالي مـاعليكـ المشكله بسيطه وانا ارتـاح شوي ،

ويفـتح الكـبوت ويضبط الفــيوز وقال شف الحـين واشغل السيـارهـ وصـار كل شي شغـال الحمد الله ،،

وكـل شي طـبيعي الحمد الله على كل حـال ،،

السيـارهـ بس كانت مفصول عنه فيوز الكهـرباء الداخليه من يومـ كانت با البـاخرهـ حسب كلام المهندس

ولم يتـم التشيك عليه عند وصوله للوكاله لانه مثل ماذكرت اخذتها بنهايه الدومـ ولا يوجد مهندسين ،

والحـمد الله السيـارهـ كل شي فيهـا اوكــــــــيه ،،

بس حبيت اقولكم وش صـار معـي ،،

[أبـوفـهـد]

مبروك اخوي بيكي والحمدلله انها جت على فيوز مثل ماذكروا بعض الاخوان في ردودهم

[بيكي]

الله يبــارك بعــمرك حبيبي ،،

[رونالدينهووو]

الحمد لله .. على سلامة سيارتك ... وان شاء الله تكون اول واخر مشاكلك

[راوردي]

مبرووك يابكي .. وياشينها واحد يشتري سياره جديده ويتخرع زي ماتخرعت

ههههههههه .. يعطيك خيرها

[ابوصالح]

والله اثر اخونا الي من الخفجي طلع جيد

ومبروك عليك السياره اخوي

[الـبـرنـس]

مبروووووووووووووك يالبيكي

[بيكي]

جــزاكـم الله خيــر جميعــا ، ،