[خالد المالكي]

بسم الله الرحمن الرحيم
واحد من العيال معه هايلكس غماره 2006
والموتر مازال شد بلد...
وجربه بالنفود بس الوجهية تصافق
...
وهو يبي يركب مساعدات جبريال بالخلف...
ويركب يايات استرالية
ويدبل المساعدات الأمامية ويحط مساعدات مرسدس
==
ما ادري هل الطريقة تنفع ولا فيه طريقة ثانية عشان يصير الموتر 100% بالنفود
وكم تكلف الطريقة؟
وياليت تقولون لي وين المكان الي يزين الأشياء الي قلتهن
ومن وين اشري القطع وكم اسعارهن؟
مع العلم اني بالرياض

[Blue Tooth]

يمكن الي يضبط هذي الأشياء في شارع الغرابــــــــي

ومشكور

[خالد المالكي]

طيب وش المساعدات الزينة

[ذيبــــــان]

اما انا اخوي جربتها في الطعووس نفس المشكله يضرب الوجه ورحت وركبت كعكات 2 سنتمتر
وتقريباا انحلت المشككله ولله الحمد خفت الضربات
لاكن عن مساعدات ومدري ايش مااعرف عنها شي واسف على الازعااج بااااي

[خالد المالكي]

انا درت الصناعية القديمة كله ادور احد يرهم لي مساعدات قدام
مالقيت الا واحد (( محل المبارك ))
قال ادبل المساعدات بـ 500 (( 200 المساعدات و 300 شغل ايده ))
ويركب لي كعاكات قدام بـ بـ 250 ريال (( 150 شغل ايده و 100 الكعكات ))
ويركب لي سسته مقوسة بـ 150 ريال (( 100 السسته و 50 شغل ايده ))
يعني كله على بعضه 900 ريال
هل السعر زين
وهل التعديلات زينه ******** (( تدبيل مساعدات مرسدس + تركيب كعكات 2.5 سم + سحب سستتين وتركيب سسته مقوسه ( امراتيه )

[خالد المالكي]

جاري الإنتظار...

[ذيبــــــان]

المشكله اني مااعرف ولا محل في الرياض الا اللي في الغرابي (ماسويت شي)
لا كن انا ركبت الكعكات ب200 ريال لاكن بالنسبه
تدبيل مساعدات اي الورا تقصد الياي اللي قدام ولا الي ورا ؟؟
الشي الثاني سحب سستين وتركيب مقوسه ليش يعني ؟؟ ممكن تفيدني

[خالد المالكي]

المشاركة الأصلية كتبت بواسطة ذيبــــــان

المشكله اني مااعرف ولا محل في الرياض الا اللي في الغرابي (ماسويت شي)
لا كن انا ركبت الكعكات ب200 ريال لاكن بالنسبه
تدبيل مساعدات اي الورا تقصد الياي اللي قدام ولا الي ورا ؟؟
الشي الثاني سحب سستين وتركيب مقوسه ليش يعني ؟؟ ممكن تفيدني

انا اقصد تدبيل المساعدات الأمامية... عشان يكون الوجه ثابت
بالنسبة لسحب السستتين عشان الهايلكس مصمم عشان التحميل... والهايلكس يناقز اذا ماحملت بصناديق
عشان كذا.. نفك سستتين حقات التحميل ونحط سسته مقوسه..عشان مايناقز الموتر ويكون مريح