[ابوعبدالملك]

السلام عليكم ورحمة الله وبركاته ..

انا عندي برادو vx موديل 2004 وكاله وودي اسوي له فحص شامل مثل تغيير زيت القير والدفرنس والبواجي وتشحيم الموتر كله لكن محتار اوديه للوكاله او ورشه عاديه لكن نبي فزعتكم وش الورشه المناسبه ومتى المفروض اسوي صيانه شامله علما ان السياره مشت 100000 كم ..؟


تعرفون مقبلين على بران وكشتات وسعة صدر .

[عسكـــــريم]

عندنا هنا بالاحساء
ورشة (اوتو سيرفس)...ممتازه

مثل هذي الشغلات الخفيفه تلقى مرادك بأي ورشة محترمه
يعني مايحتاج وكالة ومصاريف لأنهم راح يغيرون لك اي قطعه ولو فيها نص عمر

[Blue Tooth]

أخوي أفحصها عند أبو جميل لو أنت شاري السيارة منه

وهذا ألي عندي

أخوك بلوتــــوث

[هادي جدا]

فيه ورش في الصناعيه القديمه تخصص تويوتا أنصحك تروحلها

[الـــديـــم]

كنت اسوي الصيانة هذي للاند كروزرgx r 2001

تغيير حمبع الزيوت والفلاتر والسيور والبواجي

بحوالي 900 ريال بعد الخصم عند شركة نويوتا

مادري عن البرادو وترى الصيانة هذي ضرورية

وتحافظ على اداء السيارة بشكل ماتتصوره

وهي ليست صعبة يعني اي ورشة تقدر تسويها

[الحقائق]

اخو ابو عبدالملك وديها للوكاله افضلك ما بتاخذ اكثر من 1000 ريال والله افضل من الورش وتمش عليها وانت مرتاح ويعطيك خيرها ويكفيك شرها انشاء الله

[ولد الشايب]

اخواني الاعزاء السلام عليكم ورحمة الله وبركاته

انا معي برادو نفس الشي والصيانه اللي طلبتها انت سويتها عند عبداللطيف جميل وتكلفتها 1750 ريال فرع السويدي بالرياض رغم اني سألت فرع خريص نفس الشي ويسمونها صيانه 120 الف كيلو ويقولون انها ضرورية كل 40 الف كيلو
شمل الصيانة تغيير جميع الزيوت في السيارة والسيور والبواجي والفلاتر والفحص واذا فيه شي اضافي يحسبونه بقيمته
بعدين لاتنسى عط الخبز لخبازة لو كلا نصفة

والبرادو يستاهل مثل ما يدلعك دلعة الله يعطيك خيرة ويبارك لك فيه انشا الله