[دمع العينين]

شباب منتدنا الغالي 00000000
نبغا نعمل مقارنه بين Es350 و Is300
من حيث000000000
القوه والشكل والجاذبيه ياريت نتفاعل كلنا0000
انا شخصينا اشوف انه شكل Is افضل من Es
والقوه ان Is اقوي من Es
طبعا هذا من خلال تجربتي للسيارتين000000

[المستقبل الماضي]

انا اشوف انهم عينين في راس

بس Is للعزوبيه
وes للمتزوجين

وبس

[القسوري]

السلام عليكم......

طبعا هذي اول مشاركة لي في هذا المنتدى الأكثر من رائع......وأشكر القائمين عليه.....

الموضوع جميل ومفيد جدا......وأتمنى أن يتم التفاعل معاه على أساس موضوعي علشان الكل يستفيد وانا أولهم......
أنا حجزت 300is.....وانشاء الله راح نستلمها خلال شهر......بس للحين أفكر وأعمل بعض المقارنات مع 350es......لأن السعر عندنا با البحرين يفرق 400 دينار (4000 ريال) للصالح 350es.....طبعا أنا أتكلم عن الفول أوبشن......المشكلة يا أخوان أن 300is سياره جديده في الخليج والمعلومات المتوفره عنها من واقع تجربة قليله جدا او تقدر تقولون تقريبا معدومه.....بينما 350es....لها أنتشار لابأس فيه أو على الأقل تجارب الأخوان معاها كثيره ويمكن نقدر نستفيد منهم أكثر......

300is دفع خلفي بينما 350es سحب أمامي....
350es أوسع خصوصا في المقاعد الخلفيه بينما 300is ضيقه وخصوصا المقاعد الخلفيه.....والسؤال هل هذا راح يأثر على فخامة السياره ....
قوة المحرك في 350es 3.5 بينما 300is 3.0......
شكل 300is جذاب وجميل وعلى حسب تجارب أنسيابية الهواء على السيارة كانت 300is هي الأفضل مقارنة مع 350es الي فيها بعض مشاكل صوت الهواء أثناء القيادة وخصوصا من المرايا الجانبية......
مؤخرا كشف الأخوان عن مشاكل بسيطة في جير 350es وهذا شي ايجابي لأننا على الأقل نعرف مشاكلها ...بينما 300is فيها شوي غموض وفيه بعض الأخوان يقولون أنهم يمتلكونها بس للأسف ما شفنا من عندهم أي شي مفيد عن السيارة ومشاكلها للحد الآن ........
تصميم الأطارات في 300is أفضل بحيث الأطارات الخلفية تكون أعرض من الأطارات الأمامية......

هذي مقارنة بسيطة ونتمنى من الأخوان انهم ما يبخلون علينا بأي معلومات .....

أسمحوا لنا على الأطالة....

تحياتي

[ولد أمه]

ما قصرت أخوي القسوري !

[سيف الصقر]

انا اشوف ان Es افضل من ناحية الشكل والفخامة

لكن Is افضل من ناحية الدفع الخلفي ( اقل خرابا ) من الدفع الامامي

[عاشق البي ام]

يعطيك العافيه اخوي القسوري

وبغيت اقولك عني انا شخصيا انا عندي لكزس Is 300 وخلال تجربتي في السياره انها من اروع ماتتصور والسياره فيها متعه في القياده وعلى فكره انا لاحظة في السياره انها ثابتة في اللفات

بس انا اتوقع سعرها في البحرين ارخص من الدوحه وبالنسبه لي انا خذتها بـــ 147.000 ريال قطري فل اوبشن مع الشاشه

واذا عندك اي استفسار عن السياره ترى انا حاضر وفي اي وقت

[القسوري]

المشاركة الأصلية كتبت بواسطة عاشق البي ام

يعطيك العافيه اخوي القسوري

وبغيت اقولك عني انا شخصيا انا عندي لكزس Is 300 وخلال تجربتي في السياره انها من اروع ماتتصور والسياره فيها متعه في القياده وعلى فكره انا لاحظة في السياره انها ثابتة في اللفات

بس انا اتوقع سعرها في البحرين ارخص من الدوحه وبالنسبه لي انا خذتها بـــ 147.000 ريال قطري فل اوبشن مع الشاشه

واذا عندك اي استفسار عن السياره ترى انا حاضر وفي اي وقت

تسلم حبيبي عاشق البي أم......
أولا أحب أبارك لك با السياره...تستاهل اخوي....يعطيك خيرها ويكفيك شرها أن شاء الله....

با النسبة الى السيارة هل واجهتك مشكلة مع المقاعد الخلفية؟؟؟.....يعني أحد ركب معاك وشعر بضيق السياره؟؟؟؟
هل لاحظت أي مشكلة من المشاكل الى قالوا عتها الأخوان والي لاحظوها في 350ES.....مثل مشكلة الجير....وصوت الهواء؟؟؟؟؟

هل قيادة السياره فيها اختلاف عن با قي موديلات الكزس؟؟؟؟........يعني قصدي أنك جربت أحد موديلات سيارات الكزس والحين جربت 300IS.....وشفت أن في أختلاف من ناحية ثبات السياره وفخامتها؟؟؟؟

وأسمح لنا عزيزي طولنا عليك با الأسئلة....

طبعا با النسبة الى الأسعار عندنا با البحرين.....شوي أغلى منكم.....يعني الفول أوبشن 14800 دينار(148.000 ريال).....بينما الأوبش العادي....والى يكون بدون الشاشة 13800 دينار (138.000 ريال)....وعندنا بعض الأشياء موب موجوده.....مثل جناح السياره......وهذا السعر بدون التأمين.....

تحياتي

[عاشق البي ام]

اولا اخوي القسوري الله يبارك فيك والفال لك انشاء الله

اخوي القسوري بغيت اوضحلك بعض النقاط مشكلة المقاعد الخلفيه هي ضيقه ناحية الرجل واما ناحية الظهر يكون الراكب مرتاح ناحية الظهر

النقطه الثانيه : المشكله اللي لاحظوها الشباب في الــ Es 350 القير مافي اي مشكل عليها...... وصوت الهواء لا أصوات في السياره لان فيها نظام كاتم الصوت في جامات السياره كلها

النقطه الثالثه : واما قيادة السياره انا اشوف ان فيها اختلاف كلي بين سيارات اللكزس كلها ليش؟ لان السياره مصممه رياضيه وليسة سياره عاديه ....... وناحية التجربه , احنا عندنا في البيت ثلاث سيارات لكزس (es 300,lx470,واخر شي سيارتي Is 300)...... واما ثبات السياره انا اشوف انها اثابته وهي تقارن وتنافس الــ Bmw 320, 2007 .....

النقطه الرابعه : السعر , لاتنسى اخوي فرق العمله الريال قطري والدينار البحريني يعني احنا اغلى من عندكم .

واسمحلي طولت عليك اخوي القسوري ... ومبروك عليك مقدما على السياره

[القسوري]

المشاركة الأصلية كتبت بواسطة عاشق البي ام

اولا اخوي القسوري الله يبارك فيك والفال لك انشاء الله

اخوي القسوري بغيت اوضحلك بعض النقاط مشكلة المقاعد الخلفيه هي ضيقه ناحية الرجل واما ناحية الظهر يكون الراكب مرتاح ناحية الظهر

النقطه الثانيه : المشكله اللي لاحظوها الشباب في الــ Es 350 القير مافي اي مشكل عليها...... وصوت الهواء لا أصوات في السياره لان فيها نظام كاتم الصوت في جامات السياره كلها

النقطه الثالثه : واما قيادة السياره انا اشوف ان فيها اختلاف كلي بين سيارات اللكزس كلها ليش؟ لان السياره مصممه رياضيه وليسة سياره عاديه ....... وناحية التجربه , احنا عندنا في البيت ثلاث سيارات لكزس (es 300,lx470,واخر شي سيارتي Is 300)...... واما ثبات السياره انا اشوف انها اثابته وهي تقارن وتنافس الــ Bmw 320, 2007 .....

النقطه الرابعه : السعر , لاتنسى اخوي فرق العمله الريال قطري والدينار البحريني يعني احنا اغلى من عندكم .

واسمحلي طولت عليك اخوي القسوري ... ومبروك عليك مقدما على السياره

تسلم أخوي عاشق البي ام......كفيت ووفيت....الله يبارك لك با السيارة ويعطيك الي أحسن منها....