[شـكـسـبـيـر]

السلام عليكم ورحمه الله وبركاته

اخوتي رواد هذا المنتدى العزيز هذي اول مشاركه لي بهالمنتدى وحبيت اطرح بعض الاستفسارات لعلي اجد اجوبه منكم :

بصراحه انا عندي لـكـزس GS300 موديل 98 , طلع لي بسحب على جوائز شاي ليبتون , وفي كم زر كل ماركبت السيارة اسال نفسي ايش شغلتهم , بصراحه اخاف اضغط لي زر يطلع مخصص لإطلاق الكرسي من الفتحه في حاله الانقلاب واتوهق , وحيث اني اعمل في ديرة مافيها احد عنده خلفيه - ولا شاشة توقف - عن هالازرار , قلت اسالكم

الـزر الاول هذي صورته ( اسف بس الصور ماهي واضحه حيل )



إذا ماهو واضح لكم هو زر عند القير ومتكوب عليه VSC OFF

الزر الثاني



وبعد اذا الصورة ماهيب واضحه الزر وكتوب عليه PWR ...... ECT ...... NORM

اما الزر الثالث



وهو موجود ورا الدركسون

هــذا الاستفسار الاول ......... اما الاستفسار الثاني

هو اشلون اثبت السرعه ؟؟ رجاءً لاحد يضحك على هالسؤال

وسلامتكم جميع ......

[الحزيمي]

عزيزي ... اولا مبروك على السيارة وعقبال 460

Vsc Off: لإلغاء خاصية التحكم في الثبات ... يعني لو ودك تفحط تراه خويك
Pwr ...... Ect ...... Norm: للتحكم في سلاسة تغييرات القير ..
اما الزر الثالث: فهذا مثبت السرعة ... العب فيه لين تثبت السرعة بس انتبه الشاص اللي قدامك
تثبيت السرعة : 1- اضغط الزر في الصورة الثالثة للداخل (تظهر لك لمبة خضراء في الطبلون)
2- لتثبيت السرعة ارفع الزر للاعلى
3- لزيادة السرعة ارفع الزر للاعلى
4- لتخفيف السرعة اضغط الزر للاسفل
5- لالغاء تثبيت السرعة اسحب الزر باتجاهك او المس الفرامل
6- للرجوع للسرعة المثبتة ارفع الزر للاعلى( لمسة واحدة)
7-لايقاف نظام التثبيت اضغط الزر للداخل
8- يتم الغاء السرعة المثبتة عند وصول السرعة اقل من 40 كم/س

آمل اني افدتك