شارك بخبرتك (أسعار قطع غيار Lexus Ls 430 )

[وارد أمريكي]

طبعاً انا غيرت البارح فحمات خلفيه من عبداللطيف جميل

250 ريال بعد الخصم الظاهر بدينا لعب النصب

والزيت يالغاالي نفس الزيت اللي تستعمله ومدته طبعاً 10000 ك الا اذا غيرته بحدود السته او السبعه تغيره بدون فلتر

وتحياتي

[مغلي]

المشاركة الأصلية كتبت بواسطة رافع عفريته

فرامل بريك امامي وكاله 464ريال محل قطع نهدي 390ريال البحرين 353 ريال
فرامل بريك خلفي وكاله 291ريال محل قطع نهدي 245ريال البحرين 215 ريال
كراسي مكينه وكاله 498ريال محل قطع نهدي 415ريال البحرين 337 ريال للحبة وهما حبتين اصلا
مساعدات خلفيه للحبة وكاله 960ريال محل قطع نهدي 856ريال البحرين 480 ريال
مساعدات امامي للحبة وكاله 733ريال محل قطع نهدي __؟__ريال البحرين __؟__ ريال


ويا هلا بيكم

وش تقصد بالبحرين
وهل هل هناك اصليه او ماذا

[Mr.Elegent]

الفلنجات الخلفية 1260 ريال

فلتر القير 220

كرسي القير 150

المقصات الامامية 950 ريال للواحد

سير التايمن 200

تصفية المكينة 800 ريال

[دودج تشارجر]

السلام عليكم

كيف الحال يا شبااب ان شالله تكونون بخير

امس بالليل صدمت عمود ما انتبهت له بسبب ولد خالي كان يكبس لي بأخر الليل وروعني على بالي فيه شي

وتفاجأت بعمود بارز .. والحمدلله جت سليمه تفاديتها بنسبة 90% ..بس ضربت بزاوية السياره من الجهه اليمنى

وسبب لي .. الي هو رشاش المويه طلع من مكانه .. وصار خفيف .. ما ادري انكسر ولالا ..؟!

و قطعه من زوائد الكزس الي تحت الصدام انكسرت قاعدته ..

وحساس الزاوية طاار ودورته ولا حصلته .!

يا شبااب الي يعرف اسعارهم يفيدني او محل اسعاره معقوله غير الوكاله بس بنفس جودتها
ــــــــــــــــــــــــــــــــــــــــــــــــــ ــ ـ ــــــــــــــــــــــــــــــــــــــــــــــــــ ـ ـ ــــــــــــــــــــــــــــــــــــــــــــــــــ ــــ
(( وسؤال للغالي - رافع عفريتهـ - ولا يهونون الأخوان .. انا عندي الزينون ما تشتغل وكل شوي اعلب بالسويتش حق اللمبات اطفي واشغل وبالقوه تشتغل معي لمبه وحده ..!< السؤال هل عمر اللمبه انتهى ..؟! او فيه مشكله بالأسلاك .!؟ ))
اذا اشتغلت لمبه بعد ما العب بالسويتش .. لو طفيتها وشغلتها تطفي وما تشتغل الا بعد ساعه

وكل مرره ابي اروح اركب لمبات جديده وخوفي ان المشكله ما تكون باللمبه ..!

فما رأيك/ـم رافع عفريته ..؟! ويا شبااب ..؟!

صور الضربه
؛ ؛ V ؛ ؛

[حبيبـ الروحـ]

كيفكم شباب

عندي مشكلة بالمكيف
وهي تنسيم من عند الرديتر حق المكيف
رحت لورشة الشعيل وقالي لازم يتغير الرديتر
لكن ما فيه حل ثاني غير التغيير لان الرديتر اكيد مو رخيص
واذا احد يخبر ورشة صح في المكيفات ممكن يدلني عليها في الرياض
واللي يعرف سعر الرديتر يقول لنا
وكم يكلف في حالة التصليح
او في حالة تركيب الجديد

ومشكورين

وهذي صورة الرديتر ومكان التنسيم



ومكان التنسيم من فوق لان الزيت مجتمع فوق القطعة السوداء

[.LS.]

حبيب الروح

ما يحتاج تروح تغير الأديتر وانا أخوك
انا حصلت معي نفس المشكلة ورحت للصناعية القديمة مخرج 17

فيه محلات بعد ما تدخل الصناعية على يدك اليمين متخصصه في الأديترات فقط
انا فكوا لي الأديتر طبعاً الوجه اللي فوق .......مثل اللي بالصورة على ما اتوقع
وركب وجه جديد مع التنظيف والتلحيم طبعاً وصب ماء اديتر اصلي من الوكالة
والحمد لله لها تقريباً أكثر من سبع شهور ولا اروع ما شاء الله

الشغلة كلها تقريباً كلفت 200 ريال


تحياتي لك

[حبيبـ الروحـ]

المشاركة الأصلية كتبت بواسطة .ls.

حبيب الروح

ما يحتاج تروح تغير الأديتر وانا أخوك
انا حصلت معي نفس المشكلة ورحت للصناعية القديمة مخرج 17

فيه محلات بعد ما تدخل الصناعية على يدك اليمين متخصصه في الأديترات فقط
انا فكوا لي الأديتر طبعاً الوجه اللي فوق .......مثل اللي بالصورة على ما اتوقع
وركب وجه جديد مع التنظيف والتلحيم طبعاً وصب ماء اديتر اصلي من الوكالة
والحمد لله لها تقريباً أكثر من سبع شهور ولا اروع ما شاء الله

الشغلة كلها تقريباً كلفت 200 ريال


تحياتي لك

مشكووور اخوي على الرد
\لكن المشكلة في رديتر المكيف اللي قدام الرديتر العادي
والمشكلة اني فكيته ونفخت هواء بالضغط ولا بين التهريب
وراعي الورشة يقولي انه ممكن يكون في تهريب ينفتح مع الحرارة

وانا ضايع الحين السيارة مفكوكة ولا ادري وش اسوي معها؟؟؟ ابي نصيحتكم

[مغلي]

المشاركة الأصلية كتبت بواسطة حبيبـ الروحـ

مشكووور اخوي على الرد
\لكن المشكلة في رديتر المكيف اللي قدام الرديتر العادي
والمشكلة اني فكيته ونفخت هواء بالضغط ولا بين التهريب
وراعي الورشة يقولي انه ممكن يكون في تهريب ينفتح مع الحرارة

وانا ضايع الحين السيارة مفكوكة ولا ادري وش اسوي معها؟؟؟ ابي نصيحتكم

هذي سلمك الله

حطها بموضوع مستقل
واطلب مساعدة الاخ = رافع عفريته

وان شاء الله بيفيدك اكثر واكثر

[user]

السلام عليكم ورحمة الله

أشكركم جدا على التواصل والتفاعل مع الموضوع


من القطع الاستهلاكية التى تتلف بشكل ملفت ( مساعدات الشنطة )

في حالة تجاهل هذا القطعة عند تعطلها فان اغلاق الشنطة تكون خطرا جدا على سلامة الاطفال وحتى الكبار حيث انها تغلق بكل ثقلها في حالة تلف احد هذة المساعدات *

سعر هذ المساعدات 260 للحبة - منيف النهدي رقم القطعة (50031-64530 بينما في الشركة 330*

[user]

السلام عليكم ورحمة الله

أشكركم جدا على التواصل والتفاعل مع الموضوع


من القطع الاستهلاكية التى تتلف بشكل ملفت ( مساعدات الشنطة )

في حالة تجاهل هذا القطعة عند تعطلها فان اغلاق الشنطة تكون خطرا جدا على سلامة الاطفال وحتى الكبار حيث انها تغلق بكل ثقلها في حالة تلف احد هذة المساعدات *

سعر هذ المساعدات 260 للحبة - منيف النهدي رقم القطعة (50031-64530 بينما في الشركة 330*

[حبيبـ الروحـ]

السلام عليكم

اشكر كل من اهتم لمشكلتي وهي تنسيم في رديتر المكيف

وكان الحل اني اغير الرديتر وارتاح
فرحت للوكالة وقالي 1901 ريال بعد الخصم والفلتر حق الفريون ب 179 ريال بعد الخصم
ثم نقزت لتشليح الحاير ولقيتهن على الف ريال ولا تدري عنه
المهم نقزت ثانية لدوار الخرج
لقيت في محل العضيب رديتر تجاري ب 850 ريال ضمان 6 شهور
ولقيت في البيان نفس الرديتر ب 800 ريال وضمان 6 شهور وتوكلت على الله وركبته

طبعا المحل اللي فكيت عنده وركبت وعبيت فريون اخذ 450 ريال
بينما الشعيل قالي اعبي لك فريون ب 500 ريال ؟؟!!!

والى الان السيارة تمام الحمد لله صح يبي لها زيادة فريون بس المشكلة ما عرفت كم الضغط المضبوط له؟؟

[mhab]

با نا فع لقطع الغيار الى بشارع الاربعين انتبهو تراه سلاخ في القطع يبيع اغلاء من الشركة وبعدين تحس الموضفين حرراااامية

[المتصفح]

هل قطع الأمريكي مثل السعودي؟؟؟

[حبيبـ الروحـ]

ارجو حذف المشاركة من قبل الادارة

[حبيبـ الروحـ]

السلام عليكم

كيفكم شباب؟؟؟

جايب لكم اليوم وجبة دسمة من الاسعار
نبدا
سير المكينة 287 ريال
سير التيمن 241 ريال
مشدات لسير التيمن يقول لازم تغير انا مدري وش يكونن ثلاث قطع 161 و164 و147 ريال
زيت القير 79 ريال مع الفلتر 221 ريال مع الوجه حقة ب 41 ريال
فلتر هواء 122 ريال
طبعا الاسعار اللي فوق بعد الخصم 15 %
عند محل قطع غيار عبداللطيف جميل اللي في شارع العروبة مقابل مجمع الاتصالات

عندنا بعد قطع بس الاسعار قبل الخصم
حساس امامي 602 ريال
حساس المطر اللي يتحكم في سرعة المساحات 605 ريال
السماعة اللي ورا اللي هي سب ووفر 645 ريال
مقص امامي يمين 1429 ريال ( هذا سعر مو تاريخ سنه) للمعلومية


طبعا الشغل ما بعد سويت فيه شيء ان شاء الله على الاسبوع القادم ان الله يسر راح ابدل القطع ونشوف كم تكلف

ومشكورين على التفاعل

[حبيبـ الروحـ]

وللمعلومية البطارية 80 امبير
وسعرها قبل الخصم 261 ريال او حولها طبعا عادية مو الكترونية وعند نفس المحل

[ابـو فهد]

السلام عليكم,,,

استفسار يالغالين؟؟ كم سعر الفرشات الي داخل السياره الزوالي او الدواسه ...لأن جاتني السياره
من امريكا وفالمينا شلحوها بو هناد مايطوفون شئ
وسعر الأريل بدون القاعد الويلس وشكرا"
430 / 2006
تاريخ 28/6/2009 بكون بالرياض وحاب اشتريهاهناك..

اخوكم ابـو فهد من الكويت

[متالق]

وانا طالع الاسبوع اللي راح للامارات مريت الوكيل الفطيم وشريت منهم
فحمات(بريكات)امامية وخلفية للكزس 460 حصلتها بـ 760 ريال يابلاش وشريتها علطول بدون مناقشة
عندنا بالرياض اغير الفحمات كاملة بـ 2500 ريال حسبنا الله ونعم الوكيل على الوكيل عبداللطيف جميل

[ابو فيصل سلطان]

من كم يوم غيرت هالقطع ...

اصلاح علبة الدركسون ..... 74 ريال
فلتر البنزين ... 191 ريال
البواجي ... 63 للحبه وعددها 8 يعني = 504 ريال
فلتر الهواء .. 144 ريابل
شداد الرمان ... 242 ريال
جلود المقصات .. 179 ريال

المجموع = 1513 ريال

بعد الخصم = 1280 ريال

وبعد خصم الكاشير النهائي من عنده = 1250 ريال

هذا من مركز تويوتا الشامل بجده ..

[ابو فيصل سلطان]

اخوي بو فهد ..

سعرها بالساير بالكويت 90 دينار انا احسبها بالكويت ارخص لاني ابحث حاليا ..

وعندنا بالرياض 1200 ريال

والله غالي سعرها .. بس يقولون تلقى عند العضيب شي مقارب له بـ 250 ريال

طيب ممكن اسألك كم قطعه تجي الفرشه ؟؟؟ باخللف 2 او 3

وقدام اكيد 2

لان سيارتي جات من امريكا وما حصلت الا اربع 2 قدام و 2 بالخلف