[أبوالفهد]

السلام عليكم والرحمه : ياشباب عندي لاندكروزر 2002gxr , فيه رجفه لا تعديت الميه تروح وتجي أحسها بالموتر تحت رجلي . الكفرات زينه . وقالوا لي أن هذا عيب باللاندكروزر . وفيه من قالي أنه عمود الدبل أو عمود الدوران الخلفي . أللي عنده علم يرد الله يخليكم , لأني أتفلت على بيعته وهو غالي عندي .

[Blue Tooth]

أخوي يمكن من الاذرع الخلفية للسيارة

الموضوع أخوي مو مكانة هنا سوف أنقله إلى مكانه...........

وشكرا على مجهودك........

[سراج]

اخوي ابو فهد تأكد من البواجي؟

[ع ن د]

ابو فهد حبيبي
فيه شخص مثلك بس مو جيب كامري
حدث معه الرجه اذا جاء 100 راح وعمل للكفرات ترصيص ومانفع وغير العكوس ومانفع وغيرالرمان ومانفع وفحص الجنوط بنفسه وماحصل اي ضربه فيهن
وفيه يوم من الايام طلع ولقى الكفر مبنشر على الجنط وراح فيه الى البنشري وحصل الكفر فيه ورم من الداخل رغم ان الكفر صار له 8 اشهر فحص الكفرات كله حصلها مثل الاول رغم ان الكفر صناعه يابانيه
وهي من نوع تويو وغير كل الكفرات وضبطت بعدها السياره
فا قبل كل شي افحص الكفر من الداخل
وآسف على اطول السالفه بس حتى تعرف من البدايه

[أبوالفهد]

الاخ : أنا لو أشوفك غير أشغل الدبل الثقيل على نافوخك والهزاز على جنوبك ؟ وش جاب البواجي بالموضوع , بس تدري أنت معذور لأن الاعضاء اللي يتفلتون بالفزعه نايمين .
تحيه للجميع بدون زعلللللللللل ؟

[عسكـــــريم]

اخوي ابو الفهد

بالنسبه لرجفة الاندكروزر اذا كنت متعدي الميه..أغلب الرجفات في الجيوب تكون من

عمود الدبل...وحله انك تركب (لوكات) (اقفال الدفرنس) في الدفرنس الامامي عشان يفصل عمود الدبل عن الدوران في الطريق...ونصيحه لاتغير عمود الدبل لأنه ماراح ينفع معك..

ولاتواخذنا ياقدع على التأخير

[تــ تيربوــــون]

مررررحبتين طويل العمر

الرجه ذي ثابته على الميه؟

او تصير اذا شليت رجلك من البنزين؟

وهل هي ترج الموتر كامل يعني ( وجه) ( وجيج )

او انها تنفض الموتر من قدام....؟

واخيرا

هل هي قووووووويه يعني قويه بمعنى الكلمه.؟ ولازم تحاسب علشان توقف ..؟ والا وشو

لانه ياخوي فيه مليون نوع من الرجات في الجي

وان شاء الله ما يصير خاطرك الا طيب

ولا عليك أمــــــر اذا هي وجيج يعني الموتر كامل يرج حتى الغماره والبيبان وكذا

فهي بالتأكيد يا عمود الشفت اللي ورى ( ويبغي له تربيط اذا ما كان مايل ) أو عمود اشفت القدام ( عمود الدبل ) ويبغي له تربيط اذا ما كان معووج ( مايل )

واذا مهب نفس ذي الرجه خبرني وفااااالك طيب....

والسموحه على التاخير....

واياني واياك تبيعه هههههههههههههههه

أخوك تون تيربو

[أبوالفهد]

أجملللللللللل تحيه للمشرف عسكررررررريم . وللذيب تون تيربو ؟ على النصيحه , ولكم شكري وتقديري