[المخاطر الرهيب]

بسم الله الرحمن الرحيم
السلام عليكم

يا جماعة الخير ... رحت بشتري أفالون من أبوجميل .. قالوا لي تبي بلوتوث .. وش سالفته
وهل تركيبهم يشوه منظر السيارة من الداخل .. وهل تنصحوني اركبه أو لا .... أرجو الرد بأسرع وقت
لأن أوراقي جاهزة ما بقي الا أوقع معهم بس


ياليت إذا فيه احد مركب البلوتوث يصوره لنا مع شرح بسيط


تحياتي للجميع

أنتظر ردودكم على أحر من الجمر

[ماجد نت]

من الافضل ان تركبه وهو يكون في اسفل الدركسون على اليسار

ولا يشوه السيارة ابدا

بالتوفيق

[المخاطر الرهيب]

أخوي ماجد نت

ياليت تصوره لي .. لاهنت

وياليت تشرح لي كيف طريقة استخدامه

أتمنى ما أكون ثقلت عليك

تحياتي لك اخوي

[معاً لكي نرحل]

معليش اخوي المخاطر الرهيب..

بس حبيت اسأل كم سعر البلوتوث في الوكاله

[@ أبو سلطان @]

السلام عليكم

أخي

المخاطر الرهيب

تشتري أفلون 2006 أ و 2007

وإذا كانت 2007 هل هي نزلت ولا لا وهل فيها تغيرات ولا لا

وأي وكالة ستشتري منها السيارة

بارك الله فيك

[المخاطر الرهيب]

المشاركة الأصلية كتبت بواسطة معاً لكي نرحل

معليش اخوي المخاطر الرهيب..

بس حبيت اسأل كم سعر البلوتوث في الوكاله

هلا فيك أخوي .. الوكالة ( عبداللطيف جميل ) ويقول بركب لك البلوتوث والتضليل بـ 2000 ريال ( عرض 2006) وبالنسبة لـ (2007) يقول بركبها لك بـ 3000 ريال
إذا كنت تعرف أماكن ثانية تركب البلوتوث بسعر أقل .. ياليت تقول لاهنت

المشاركة الأصلية كتبت بواسطة @ أبو سلطان @

السلام عليكم

أخي

المخاطر الرهيب

تشتري أفلون 2006 أ و 2007

وإذا كانت 2007 هل هي نزلت ولا لا وهل فيها تغيرات ولا لا

وأي وكالة ستشتري منها السيارة

بارك الله فيك

هلا فيك أخوي .. والله انا أبحث عن 2006 لؤلؤي ما حصلت ، واحتمال اشتري 2007 إذا كتب الله
وبالنسبة هل هي نزلت ، على كلام وكالة عبداللطيف جميل فرع العليا يقول احتمال تنزل ذا الاسبوع إن شاء الله
وبالنسبة هل فيها تغيير أو لا .. الوكالة توقل ما تغير فيها ولا مسمار
والوكالة اللي بشتري منها بمشيئة الله ، وكالة عبداللطيف جميل

إذا كنت تعرف مكان اشتري منه أفضل من عبداللطيف جميل عطني خبر وبكم اسعارهم وكيف عروضهم
ومشكور مقدماً اخوي

تحياتي للجميع

[الدب_الداشر]

بالنسبة للبلوتوث انا طلبته وركبوه قبل استلم السياره شكله غير مؤثر مجرد (مايك) صغير بين الدركسون والطبلون وزر واحد للتحكم بنظام البلوتوث (وهذا اللى مصعبه شوي ) والزر مكانه بجنب زر التحكم بالستاره الخلفيه .
وبالنسبه للعيوب في البلوتوث انهم ما يشبكون الا على سماعه وحده فقط من بين سماعات السياره كلها !
يعني اللى يكلمك يسمعك زين بس لو فيه ازعاج بالسياره ما راح تسمع زين لانها سماعه وحده تشتغل بس .
وراح يعطونك ورقه مشروحة بالصور لارشادات استخدام البلوتوث.