[سلومي لديره]

انا يشباب اشتريت اورين السياره رائعه وقويه لكن فيه مشكله ياشباب اذاوصلت السياره سرعة230 تفصل السياره وشلحل ياشباب مريت لوكاله ورفضويفتحون السرعه وش لحل تكفون

[محـمـد]

السلام عليكم
على البركه الله يعطيك خيرها ويكفيك شرها وشر الحساد
أخوي هذي المشكله لها حل بس صدقني دامها تجيب وتقفل عند 230 فأعتقد أنها خطره عليك الله يحفظنا ويحفظك من كل مكروه تعوذ من الشيطان وخل عنك السرعه وأما لخط القصيم وغيره من الخطوط أشوف أن المشي فيه كحد أقصى 200-180 إذا كانت سيارتك راسيه
وحلها عن طريق تعديل في كمبيوتر السيارة إذا ماني غلطان بس انتبه تروح لواحد مايدري وين حاطه ربه فيه ويخرب لك الكمبيوتر ويالله عاد أبلش به ونصيحتي أنك تخليها في حالها
المهم هاه كيف إنطباعك عن السيارة وما شاء الله وش معك إي فئه؟
وتنصحني فيها لاني ناوي بمشية الله عليها؟
كيف التنسيم فيها والرساوة؟
وقيادتها ممتعه أو عاديه؟


مع السلامه

[حمد التميمي]

اما السياره ياناس رووووووووووووعه واما انا فشريتها خلا وانتظرها تجي على الطلب


يااااااااااااااااااااااي ودي اعيد بها بس مافيه حظ

[كتكووت]

يا شيييييييييييخ رووح طيحت قلبي على البلاط ... هههههههههههه

انا قلت فيها مشاكل فنيه .. طلع انها ماتمشي الأ 230

ههههههههههههههه الله يهديك افصل عدادها وامش ...

وانا انصحك انك ما تسوي في أي شي لات والله تندم في النهاية

وتسلم على الموضوع والله يعطيك خيرها ويكفيك شرها

تحياتي كتكووت

[الكرولا الذهبي]

230 مش معقووووله

معنى كلامك ان مستوى الاوريون هو نفس الكامري جراند 2006

الله يعييييينك والله....بس والله بسك....شو يعني تبغي توصل لل 260

خطر والله السرعه خطيييييييييييييييييييييييييييييييييييييييييييييييي ييييره

[سلومي لديره]

في محل معين تنصحنى اروح له لانها والله قهر تاصل سرعه 235 بسرعه خياليه وتاقف فجاءه اذا وصلت لهذي السرعه تصدق انها تمشي معى 170 وظغط الماكينه ماوصل 3 تمشي سياره وهي مرتاحه نوع المعى قراندي بدون مفتاح وسياره بصراحه مافيها عيوب ولاا اصوات والله يوفق الجميع وس\شكر لكل من من شارك امر على الموضوع

[عطر الحياة]

يعني بكذا سيارتي الكامري تجيب سيارتك الأريون ؟؟؟

انا مشاء الله تبارك الله تطبق سيارتي 240 زي الحلاوه .

[عنكبوت . كوم]

وووووووووووووووووووووااااااااااااااااااااووووووووو ووووووووووووو
الله يهديك عاد تمشي بها اكثر من 200 والله أنك بايع روحك
ريح بالك وخذلك فيراري تمشي 360 عاد إذا فصلت عند ال300 مو مشكله
ههههههههههههههه
على العموم على البركة السيارة ويعطيك خيرها ويكفيك شرها
وعقبالي

[خفايا انسان]

هههههههههههههههههههههه حلوووة فيراري

الله يهديك بس وش لك بالسرعة الزايدة والله ماتنفعك

انا امشي 190 ويطيح قلبي كيف لو امشي فوق الـ 200!!! وااو

[لهايب]

ههههههههههههه

يارجال وش تبي اكثر من كذا

مع اني مثل حالتك موتري يفصل عند 248

ودي اصفي الطبلون بس ياخوك العمر غالي

اي زلة نروووح هوى والله يستر على الجميع

خلها زي ماهي نصيحتي لك والاخوان عطوك الحل

القصة كلها في برمجة الكمبيوتر حق السيارة

وتقدر تشيلها من هناك وهي افضل طريقة واخطر طريقة

اذا طحت في يد واحد مايعرف وين الله حاطة ويحوس السيارة عليك

المشكلة مافية محلاث ثقة لاكن والله ماودي اسمي لك محل

وبالاخر يصير لك شي ونا السبة ...

اخووك لهايب

[اميرة الفهد]

اخوي سلومي
وشلك وللسرعة - يا أخي راحت أرواح بسببها
وبعدين ترى الـ200 كافيه إذا عندك هوايه السرعة الزايدة ؟؟

سؤالي هو - كيف الحراره للسيارة وخاصة عند السرعات الزائده
وهل هي انسيابية لدرجة عالية أم لا

وشكراً

[سلومي لديره]

مافيها حراره الحراره ثابته واصوات مافيها اصوات انا كنت استخدم كامري 2004 اربعه كان فيها صوت واضح وبصراحه للي يستخدمها يسرع بدون مايحس والله يوفق الجميع

[المكيانيكي]

يا شباب دلونا على حل حنا ما اشترينا الا مكينة نبي نجيب كل الاجصنة اللي فيها وش فايدة الاحصنة اذا كانت تفصل لو اني داري انها تفصل كان ما اشتريتها شوفو لنا واحد متخصص يفك لنا الكت اف حق الموتر 230 مهيب شي كان معي كامري تورينغ 2001 كانت تجيب تحت 245 وبعتها واشتريت اوريون عشان سعرها معقول ومكينتها قوية بس ما دريت انها مأمنة بسرعة محددة لاتقولون وش تبي بالسرعة انا ما اسرع الا بالطرق السريعة وبعدين المكتوب لك بيسير اسرعت او جلست في بيتكم
عطونا حل

[فيغو(7)]

تصدق بحياتي كلها ماتعديت الـ160
وانت الله يهديك 230 ولا اعجبتك

وبعدين المكتوب لك بيسير اسرعت او جلست في بيتكم

المولى عز وجل قال "{ ولا تلقوا بأيديكم إلى التهلكة )"

الله يهديك بس ويعطيك من رايك مايدلك

[المكيانيكي]

بالله لا تغيرون الموضوع ممكن مانبي كل واحد يجيب مواعض عن السرعة يعني وش فرقت 230 عن 260 كلها سرعة يعني اذا حددو السرعة 230 محد بيموت او ينقلب الا اذا تعدى 230 كبرو عقولكم لو الواحد يمشي 100 ومكتوب عليه في ذاك اليوم يموت بيموت وسرعة 100 تعتبر من التهلكة

اللي عنده حل يقولنا عليه وبلاش مواعض تكفون