[محمد إبراهيم]

هلا بيكم أنا عضو جديد في المنتدى
والمنتدى جميل ومفيد وكان عندي طلب من
أصحاب الخبره في تيوتا كورلا

أنا أريد أشتري تيوتا كورلا 2007 رقم 1 1.8 فل أبشن
جلد ورنجات وفتحة سقف وجناح وتخشيب كامل يعني كامله المواصفات

وكنت أريدكم تساعدوني في إني أعرف سعرها في أبوظبي
والمواصفات الموجوده بيها عند الفطيم وكم سعرها كاش وكام تقسيط
وهل بيكون فيها زينون عالي وواطي ولو ماكان فيها كام يكلف إضافته في الوكاله
ولو حبيت أضيف شاشة قدام كم تكلف في الوكاله
وأريد صور توضيحية عنها ياريت ياشباب بالتفصيل

أرجوا انكم تساعدوني بسرعة

أنتظر الردود بأسرع وقت

[ســواق الفــان]

هلا اخووي ماني من اهل الامارات ومااقدر افيدك

لكن اللي اعرفه الزنون وكالة يجي بالوااطي اكيد

وياليت يفيدونك الشباب

تحيااتي

[محمد إبراهيم]

وينكم وين الردود

أرجوا الردود بسرعة


باااااااااااااااااى

[خفايا انسان]

ان شاء الله يردون عليك اهل الامارات او الكورولا الذهبي

[الكرولا الذهبي]

مرحبا اخوي.....الكرولا 1.8 الفل ابشن عدنا بالفطيم ب 68.000 درهم اماراتي

المواصفات.....طبعا مااااافيها زنون.......

اما اللي عدنا

رنجات 15
تخشيب كامل وحتى على المقود
جناح
فتحه
حساسات
وهناك لونين جديدين.....ذهبي فااتح.....ابيض ثلجي..لؤلؤي
جلد
رموت كنترول...ومرايا جانبيه اوتوماتيكيه
كشافات

وهذه تقريبا كل المواصفات ويمكن فيه اكثر

ومثل ماقلت لك....السعر 68.000

بالتقسيط عاد ياخوي على حسب البنك اللي انت فيه...وانت ماخبرتني انت باي بنك

لان نسبة المرابحه تختلف من بنك لآخر.....

وانا بقول لك....تقريبا بالتقسيط بيصير سعر السياره ب 85.000 تقريبا اذا كانت من دون دفعه اولى

اتصل 181....اسأل عن البنك اللي انت فيه...قسم تمويل السيارات...واسأله وراح يفيدك اكثر مني بالحسابات

واي خدمه ياخوي انا حااااااااااااااااااااااظر

[محمد إبراهيم]

مشكور أخوي الكورلا الذهبي بس كان عندي سؤال
لو حبيت أطلب من الوكاله يركبون شاشة جدام وزينون كامل
للعالي والواطي والضباب كم بياخذون زيادة عليهم .

وتسلم يالغالي .

[الكرولا الذهبي]

مثل ماقلت لك ياخوي الشاشه تقريبا ب 6000 او 7000

واذا بتاخذها ع البنك خلها على البنك وايد احسن

بس اصلا مافي زنون للكرولا.....كيف الوكاله بتركب لك زنون

نصيحتي لك ركب زنون من برع افضل وارخض...وتحياتي لك

[خفايا انسان]

الله يعطيك العافية يالكورولا الذهبي ماقصرت مع محمد ابراهيم

[الكرولا الذهبي]

الله يعافيك

وعيدك مبااااارك

[بو سعود]

انا مب من بو ظبي انا من الدمام

اخ لو اقدر اساعدك

بس اخونا الكورولا الذهبي ما يقصر وما قصر

وحيااك

[الكرولا الذهبي]

فالكم طيب يااخواني

واي واحد محتاي اي خدمه من الامارات على طول يسألني

ومابقصر وياكم انشاء الله....التعاون فيه الخير

[محمد إبراهيم]

تسلم الكورلا الذهبي وما قصر

وعيدكم مبارك

وتسلمو كلكم يا جماعه