[حالو]

يا شباب ابى اعرف الاسعار فى البازعى واليحيى اذا متوفر عندهم

[مدلل]

روح الشركة فرع الكعكية ولا العمرة اذكنت في مكة

[الكرولا الذهبي]

انا اماراتي ....اذا تبي روح

الفطيم

Rak Motors

الملا

المشروعات التجاريه

واي خدمه انا حاظر...واذا تبي الاسعار عدنا انا حاظر بعد وبالشوووووفه

[حالو]

المشاركة الأصلية كتبت بواسطة الكرولا الذهبي

انا اماراتي ....اذا تبي روح

الفطيم

Rak Motors

الملا

المشروعات التجاريه

واي خدمه انا حاظر...واذا تبي الاسعار عدنا انا حاظر بعد وبالشوووووفه

كلك خير وبركه اذا عندك لاسعار وما نبى نتعبك يا الغالى

[الكرولا الذهبي]

مرحبا

سعر الفل 117.000.........ماادري اعتقد اغلى من عندكم

سعر رقم اثنين ب 104.000

سعر السياحي ب 95.000

واي خدمه ثانيه انا حاااااظر

[حالو]

اوووووووووووووووووف

اولا مشكور وما قصرت
ثانيااا الاسعار جدااااااااا خياليه
عندنا ارخص بكثير
فل اوبشن كامل المواصفات مع شاشه ملاحه وجلد وزينون وبصمه 7800 دينار
درجه ثانيه بدون جلد وبدون شاشه 7100
السياحى 6200

[مدري يمكن هنري]

حالو تحياتي
معقول السعر هذا
يعني اقل من سعر اخوي الكورلا الذهبي 10.000 هذا لو حسبنا عموله وصرافه

[حالو]

الاسعار انا بنفسى رايح وسائلهم امس

[غريب الوقت]

السياحي عند الكفاح الدمام بــ 82000 ريال

[حالو]

المشاركة الأصلية كتبت بواسطة غريب الوقت

السياحي عند الكفاح الدمام بــ 82000 ريال

بارك الله فيك ومشكور
لا زال عندنا ارخص

[عنكبوت . كوم]

سلام للحلو
بانسبة لسعر الاوريون السياحي بالخبر 87000 رس تقريبا
وبتاكد عقب يومين
أما بالنسبة للدايخ الذهبي الادمي من الكويت تبيه يسال في الكعكية الله يسمحك

[بويوفي]

بووووووووو
غالية كلش

[ابو وليدتتت]

السلام عليكم ورحمة الله انا يااخوان الحمد لله اخذت اوريون ابيض glx وممتازة والحمد لله ولكن ذهلت

لما عرفت انه سعرها ب 83000 انا ماخذها قبل اسبوع من وقت رسالتي هذي ب 86500 بعد مع الإستمارة

شوروني هل سعرها طبيعي والا كانت زيادة سعرها عليه ؟

[طعس دافور]

المشاركة الأصلية كتبت بواسطة ابو وليدتتت

السلام عليكم ورحمة الله انا يااخوان الحمد لله اخذت اوريون ابيض glx وممتازة والحمد لله ولكن ذهلت

لما عرفت انه سعرها ب 83000 انا ماخذها قبل اسبوع من وقت رسالتي هذي ب 86500 بعد مع الإستمارة

شوروني هل سعرها طبيعي والا كانت زيادة سعرها عليه ؟

السعر هاذا منطقي للون الابيض..

سعر السيارة بالوكالة 83000 رحت على المعارض اللي بالنسيم عشان اسعرها (وطبعا متوقع انو السعر ايكون ارخص) تفاجأت انو السعر اغلى ... بحدود ال 86000 فلما سألت صاحب المعرض قاللي اللون الابيض سعره كذا .. لانو مو متوفر بالوكالة حاليا ...

تحياتي

[سوبر انفينيتي]

في الدوحة ........ الفل أوبشن جلد بدون شاشة .... 105 آلاف ريال وبدون جلد 100 ألف ....

أما الشاشة ... الوكالة عندنا مو معترفين فيها ولا يفكرون يجيبونها ....

[ابو وليدتتت]

طعس دافور يعطيك العافية اخي العزيز على ردك وجزاك الله خير والله يباركلنا واياكم اما بالنسبة لأخي الكريم

سوبر انفنيتي صراحه شي عجيب انه عندكم السعر اغلى لهذي الدرجة الله يعيننا وياكم ويرزقنا وياكم كل خير يارب وشكرا على ردكم اللطيف المفيد.

[الفارع]

للتصحيح في الكويت اوريون شاشة مع فتحه ومخمل شريتها من الوكالة الساير 7700 كويتي
يعني 100.000 ريال سعودي والالون متوفرة وخصوصا الابيض !

والحمدلله اولا واخرا

وسعيد بانضمامي الى تويوتا العرب