[وسـ افالون ـط 600]

السلام عليكم ورحمة الله وبركاته

تحيّه طيّبه وبعد ..


مع هالشتاء تظهر أصوات غريبه بالسيارة ، أحياناً خربشه بالطبلون ، وأحياناً صوت مع المشي طبعاً يجي ويختفي هالشي ،، لكن فيه شي رآفعن ضغطي زود ..

1- صوت من جهة الشكمان طقطقه متواصله بعض الأحيان شوي وتروح ..

2- اليوم طلع صوت كأنّه عصافير من جهة فتحة البنزين ،، هل هو طبيعي أو فيه مشكله؟ بالرغم من أنّي رحت للوكاله قبل كذا للصيانه وماكان فيه الصوت ، وما أبي كل ماسمعت شي أروح لهم وتجلس كم يوم على حساب مشاغلي ..


أفيدوني الله يجزاكم خير ..

[رولزرويس]

لاتستغرب شي طبعي حتى سياراتي الهايلوكس اقصد الرولزرويس :d يطلع فيها اصوات في تانكي البنزين
وشويه حركات بالطبلون لاكن عصافير اول مره اسمعه فيها لايكون داخل التانك عصافير وانت ماتدري :d

[رومنسية البدر]

صوت عصافير التانكي كان موجود بسيارتي وكان يطلع إذا خليت السياره شغاله لفتره طويله شوي
يعني تقريبا 15 دقيقه او إذا جريت على السياره وصفطت تسمعه
المهم انا رحت الوكاله وخليت السياره شغاله ودخلت عندهم وطلع الفني معاي وسمع الصوت
وبدلوا قطعه صغيره ( هوز صغير عند غطى البانزين ) وانحلت المشكله

والأصوات الثانيه طبيعية بس يروح الشتا تروح
صوت ربلات جامده من البرد فقط لا غير

وشكرا

[رومنسية البدر]

وأحب أضيف

1- صوت من جهة الشكمان طقطقه متواصله بعض الأحيان شوي وتروح ..

هذا طال عمرك صوت الجيك ( العفريته ) لو فتحت الشنطه بتلقاها تتحرك ومو ثابته في مكانها الصحيح
حاول تثبتها عدل وتشدها وإن شاء الله تروح المشكله

ملاحظة : صارت معاي واليوم انتبهت انه من الجيك

[وسـ افالون ـط 600]

المشاركة الأصلية كتبت بواسطة رولزرويس

لاتستغرب شي طبعي حتى سياراتي الهايلوكس اقصد الرولزرويس :d يطلع فيها اصوات في تانكي البنزين
وشويه حركات بالطبلون لاكن عصافير اول مره اسمعه فيها لايكون داخل التانك عصافير وانت ماتدري :d

يمكن من كثر المطامر في البرّان

والصراحة أنّي كنت غافل ذاك اليوم ومادريت الا وأنا داخل أثله متربّعه بنصف الطريق ، وأحذف الموتر من جهة تانكي البنزين وأشوف عصافير تطير منها ، وأنتبهت بالأخير أنّي قشعت عش عصافير معي وشكله علشان كذا ههههههههه
<***** دخل بالجو

[وسـ افالون ـط 600]

رومنسية البدر

عسى الله يسلّم قلبك ، مآقصّرت بيّض الله وجهك

فعلاً صوت تآنكي البنزين مآيطلع إلآ إذا احتمت السياره ..

بس وش هالقطعه؟ ووش سبب هالصوت؟ وهل تسبب مشاكل ؟

[رومنسية البدر]

القطعه سلمك الله هوز صغير عند غطى التانكي حق تنسيم الهواء اللي داخله
وبعض السيارات يكون الهوز فيه عيب مصنعي او شبه امصكر من الوصخ
يتبدل وتنحل المشكله

وأي إستفسار حاضرين

[رومنسية البدر]

هوز يعني ( لي ) )))))))

[فيصل الموسى]

كلام سليم يا رومنسيه البدر

[الحب لك وحدك]

مثل ما قالوا الشباب ..
انا موتري بعد فيه نفس الصوت و شركة التيوتا بقطر صراحة زحمتها مو طبيعيه .. انا قلت لهم المشكله وقالوا القطعه مب متوفره راح تجي بعد شهر من استراليا !!
و ذكروا ان هالشي ما يسبب اي مشكله على السياره وهو شي طبيعي ..

بس الصوت الي بالطبلون انا معاك هالايام يطلع خاصه لين جيت اكسر لليسار يطلع هالصوت اتقول كنه حد يتمغط و طلع صوت ززززز .. لووول ..

[التايغر]

هلا والله ومسهلا اخوي حلم العالم

بالنسبه للصوت اللي في فتحته التانكي

هذا سلمك الله اول ما طلعت السياره كان يطلع معي وما كنت اعرف وشو ودخلتها لهم في صيانه ال5000 وقلت لهم بس ما سمعتهم الصوت ولا غيروه لي ؟!

وبعدين اكتشفت انه اذا احتمت السيارة يطلع الصوت مثل العصافير

ودخلتها لهم في صيانة ال10الاف وعرفوا وش المشكله وهي قطعه صغيره مدري وش اسمها بس مثل ما قال اخوي رومنسية البدر هوز والمهم غيروها لي على الضمان والحمدلله راحت المشكله

واما الاصوات اللي في الطبلون وفي السياره شي طبيعي في البرد تطلع اصوات لان السياره جامده وكل الاشياء تتقلص عشان كذا تطلع اصوات

انا الحين عندي في الدركسون يطلع صوت طقطقه وعادي لانه ما يطلع الا في البرد او اذا كان السياره بارده مره وما قد سمعته في الصيف نهائياً

واسف اخوي على الاطاله

وشكراً