[السكروب]

يا الربع صارت عندي مشكلة في طبلون سيارتي الكامري 2007
يطلع منه أصوات عند كل مطبه
وأكتشفت إن الطبلون يتحرك من جهة اليمين ويحوش بالقزاز الي قدام ويطلع أصوات صرير
والشي المحزن إن واحد من زملاء أخوي عنده كامري 2007 ويقول إن الأصوات ماتطلع عنده
ولما ركبت سيارته وهزينا الطبلون هزه خفيفه طلع صوت إحتكاك الطبلون بالقزاز الي قدام
والضاهر إن هذي المشكلة في كل الكوامري 2007 وابيكم تفحصون سيارتكم وتردونلي خبر
وش تنصحوني يا الربع أروح للوكالة وأقولهم يبدلونه لي أو هذا شي عادي

[عطر الحياة]

انا اكثر واحد يطمر في البران والرمله والحجار ولاسمعت شي ؟

[السكروب]

أخوي عطر الحياة هز الطبلون ونت راح تكتشف إن طبلون الكامري 2007 كبت ماهو طبلون
هزه وسمع الأصوات

[لجلك تعنيت]

كلامك صحيح اخوي السكروب

انا معي كامري 2007 اذا كنت داخل الديرة اسمع اصوات الاحتكاك في منتصف الطبلون

بجانب المسجل تقريبا او خلف المسجل المهم اصوات طقطقة

صوت احتكاك الطبلون مع القزازة الامامية ظهر معي اثنا السفر اذا تجاوزت الـ 160 تقريباً يكون الصوت واضح

وتأكدت ان الصوت من القزازة لما طلبت من الراكب دفع القزازة للامام اثناء السرعة عندها اختفى الصوت

مشكلة احتكاك الطبلون مع القزازة ممكن حلها بوضع اي قطعة قماش بين القزازة وعلبة الحساس الامامية اتوقع تختفي

المشكلة هي بصوت احتكاك الطبلون الصراحة انها مزعجة لكن اتوقع انها مؤقته فقط في الشتاء وراح تختفي

فيه صوت ثاني اسفل السيارة بعد ماتشغلها وتمشي بثواني يطلع صوت طقه من تحت

تقريبا قبل لا تغير السيارة اول تغييرة ( لاحظ ان السيارة تماتيك )

فيه ناس كثير يقولون الصوت طبيعي في الشتاء واتوقع هو نفس مشكلة الطبلون بتكون في الشتاء

[السكروب]

الله يرحم والديك أخوي نفس المكان الي يطلع الصوت منه عندي ولاكن ينقطع وفي بعض الأيام يرجع
ما أدري أخوي أنا أروح للوكالة وأناشبهم ولا لا

[مبرمج]

صوت الصرير اللي عند المكيف عندي في السيارة كمان ... لكن امس وانا جالس مع خويي ندور مكان الصوت اكتشفت انه من المسجل .... وعشان تتاكدوا رصو (اضغط) على المسجل من أعلى جهة اليمين وراح تشوفون انه الصوت راح ...

[عاشق الكمر]

يا أخوان هذي الأصوات ماتطلع ألا مع البرد ..

في الصيف ماراح تسمعونها بس ..

و أسألوا مجرب

[روح البوح]

السلام عليكم
وبحمد اللله وفضله علي انه كامريي مابها اي صوووووت الحمد الله

[لجلك تعنيت]

اخوي السكروب مثل ماقال مشرفنا عاشق الكمر

سبب الصوت هو البرودة العالية واتوقع لو بتروح الوكالة بيقولون لك طبيعي

لاحظ الاوقات الي يكون فيها الجو معتدل مايطلع الصوت او خل نقول نادر انه يطلع

عموماً مايمنع زيارة الوكالة واحتمال امر عليهم هاليومين واردلك وش قالو

[السكروب]

تكفى أخوي لجلك تعنيت
لو ماعليك كلافه إذا جيتهم قلنا وش الي صار معك

[مبرمج]

ايه بالله تكفى ... ونبغى واحد دعوجي يقلب لهم الوكالة فوق عرض راعي لسااان ...

[العديم النداوي]

جاري التجربه

[سوبر انفينيتي]

هذي أصوات عادية ... قرقعة استرالية ....

ما اعتقد ان الوكالة يسوون شي ... وخوفي يخربون شي ثاني .... مثل ما صار معاي في كامري 2004...

[ق ق س]

والله يا أخوان الكامري عندي سليمه وما بها أي شي ولله الحمد ....




ق ق س