[كلي مشاعر]

أصدقائي الأفالونييين المحترمين

السلام عليكم ورحمة الله وبركاته،،

وكل عام وانتم بخير بعد الزحمه





مافيه الاسلامتكم .. اليوم كنت عند عبداللطيف جميل علشان صيانة ال25 الف،وسألتهم عن نظام الملاحه

وقالولي حقين قطع الغيار نطلبه لك من اليابان اذاحبيت ب18الف ريال ههههههههه <***** حسبي الله عليهم

انابصراحه ماصدقت الرقم سألت موظف قطع الغيارثلاث مرات علشان ابي اتأكد لين ارتفع ضغطه ههههههههه

المهم يوم قلت للفني صديقي اللي يشتغل عندهم قال: سعرها مبالغ فيه جدا وحق القطعه مايتعدى 7000 ريال

بالله وش رايكم في النصب عند ابوجميل؟؟؟

تحياتي لكم جميعا

[أبو ريان]

اللي اعرفه ان ابو جميل ما يركب نظام الملاحة

وشكل اللي فيالصيانه عطاك سعر خيالي علشان يخليك تنحاش

[نايت مير]

السلام عليكم يا اخواني
أخي كاتب الموضوع احببت ان أوجه سؤال اليك الا وهو
هل تستطيع تركيب شاشه في اي سياره غير الأفالون اذا كنت تستطيع فلم نخرج بنتيجه
اما اذا كنت لا تستطيع فهنا نخرج بالنتيجه الجديده والتي تكبر سيارة الأفالون في اعين أصحابها وذالك لان سياره اوريون نزلت بشاشه وهذا كان غير متوقع قياسا على الأفالون التي كان من المفروض ان تنزل بشاشه ولاحضو ان الوكيل لم يستطع خلع ما يسمى بالشاشه (الزرقاء) من الافالون حتى من ال xl

[لكزس]

في اي فرع هذا
لانه ودي اركب شاشة الملاحه هذة
وانا متاكد انها صعبة لانه فيها تغييير للظفيرة وهذة مكلفة
هي حقها بالكثير 10 الف ريال

[كلي مشاعر]

السلام عليكم ورحمة الله

أخوي أبوريان: والله مااعقد أن مديرقطع الغيارراح يكذب وكل شي يجي بالفلوس وأنااخوك

أخوي نايت مير: شاكرلك مرورك العطريالغالي

أخوي لكزس: الفرع اللي كنت فيه أمس هوفرع طريق خريص بالرياض لكن هذامايمنع أمكانية تركيبهافي اي فرع في المملكه لان هذي وكاله. شاكرلك مرورك العطريالغالي

تحياتي لكم جميعا

[مستشار العين]

شباب وبنات

انا حصلت محل بيركب لي شاشة و نظام محلاحه للخليج كامل
الشاشة طبعا تشمل dvd / tv/ mp3/ كميرة للرجوع للخلف و تشغل جميع انواع السيديات بالاضافة الى بوكس دي في دي في الخلف سعة 6 سيديات


بسعر 8100 درهم اماراتي فقط لا غير مع ضمان سنه

[كلي مشاعر]

حياك الله أخوي مستشارالعين..

لكن أهم شي وين راح يكون مكان الشاشه؟؟

تحياتي لك وشاكرلك مرورك يالغالي

[جداوي غير]

معلومه جيدة مشكور اخوي كلي مشاعر بس السعر غالي

[كلي مشاعر]

حياك الله أخوي جداوي غير

فعلاالسعرغالي جدا..

وهذابسبب الأحتكارالذي بدت بوادرانتهائه تلوح في الأفق

تحياتي لك أخي الكريم

[مستشار العين]

الشاشة بتكون مكان السي دي
السعر غالي لان نظام الملاحة بروحه سعرة حوالي 4000
اما الشاشة و الباقي بحوالي 3900

[كلي مشاعر]

الله يعطيك العافيه أخوي مستشارالعين ماقصرت..

بصراحه اذا كان شكلهاراح يكون حلو..أركب من اللي تقول عليه أحسن وأرخص

تحياتي لك

[نايت مير]

ياليت يفيدنا أحد بموقع الشاشه أين يكون موقعها هل هو في مكان الكست أو بدل الشاشه الزرقاء؟
ولو كانت في مكان الشاشه الزرقاء هل سيتغير غطاء الكست والكست كذالك ليحل محله لوحة تحكم الشاشه ؟
وهل يلزم تغيير الضفيره عند تركيب الشاشه أو لا ؟ أفيدونا الله يوفقكم وشكرا

[خفجاوي]

18000 الي يتكلم عنه الموضف اشتري فيها سياره مو ملاااحه خخخخ وشكررررررررررررررا

[انا عزوز]

انصح الجميع الانتظار لان افالون 2008 بتزل بشاشه ملاحة وسيكون التركيب ارخص بكثيير من السعر اعلاه

اما المستعجل فيركب حق اللي بالوكاله والله يقويه

[هادي جدا]

والله من جد حراميه

[بورغد]

والله انا اشوف بلاش خساير وكذه احسن مادام انها جايه شد ابلادها