[هاتدوس]

السلام عليكم

اليوم سويت الصيانة الاولى بعد الالف وهي لـ 5000 كم وقالوا علينا المرة ذي قلت الله يجزاكم خير قالوا بس ادفع 112 ريال حق الزيت . ؟؟؟؟ 112 زيت ؟؟؟
قلت هذا والصيانة عليكم كيف لو كانت علي ؟
قالوا اذا عليك وهي في المرة القادمة فراح تدفع وانت تضحك 400 ريال ؟؟؟
قلت على شو 400 ريال ؟؟؟ قال حق الفحص . اي فحص واي خرابيط .

بصراحة قمة النذالة والاستغلال تغيير زيت بـ 112 والصيانة 400 ريال ؟؟؟؟
يعني زي المنشار طالعين ماكلين ونازلين ماكلين يا عبد اللطيف جميل

وبعدين الله اعلم اذا كانوا راح يسوون صيانة باالـ 400 ريال السيارات مكدسة في الورشة ومستحيل يفحصوها كلها في ساعتين او ثلاث بل حتى في يوم .

والمصيبة انك اذا ما دفعت الـ 400 وسيت الصيانة يروح عليك الضمان حسب ما سمعت .

[كلام كثير]

الله المستعان

[هاوي افالونه]

شوف يا حبيبي انت ادفع قروشك وخلك ورا سيارتك في الورشه وشوف وش قاعدين يسوون ..
زي واحد من الشباب ضحكو عليه قالو غيرنا لك الزيت .. وراح شيك عند ورشه طلع الزيت القديم نفسه

[خالد راشد علي]

ياخواني انتبهو تراها قد صارت لواحد من اقاربي قالو عطنا 400 حق تغير الزيت الرجال عطاهم يوم شاف الزيت لقاهم ماغيروه لقاه اسود حسبنا الله ونعم الوكيل الله لاتوفقه اذا كان بيلعب على الناس بالطريقة هذا الله لاتربحة معليش اخواني تراى هذامن القهر.

[هاتدوس]

السلام عليكم
شوفوا يا اخوان خلونا نحن الظن بالرجل
واحتمال يكون العيب من العاملين
انا بصراحة من خلف الزجاج شفت شغلهم كله ضحك وتريقة
مجموعة شباب يضحكون ويمزحون مع بعض ووالله يسوي شغله بسيطة وهو يطالع في خوية ويضحك وانا شفته ينفخ كفر احد السيارات وهو يضحك ويسولف مع خويه وسحب اللي ولا طالع كم القياس ؟؟؟

وواحد طول الوقت ماسك الجوال وضحك بالله كيف تبونهم ينتبهون للسيارة ؟؟
والمثل يقول جلد مو جلدك جره على الشوك ،طبعا هذا المثل يخالف ديننا لان الرسول صلى الله عليه وسلم يقول : (تمنى لاخيك المسلم ما تتمناه لنفسك ) .

بالنسبة لسيارتي كلمتهم على الحساسات تطلع صوت فجأة ولا صار فيها شي بالعكس صارت تطفي مرة وشفت آثار زيت واصابع عليها بصراحة وسخو السيارة وانا راح ارجعلهم ضروري
ومشكلة تنسيم الهواء ولا صار فيها شي .

[عاشق الكمر]

فعلاً ... هذا الواقع المرير

أبو جميل خسر في المبيعات و حاب يعوض خسارته في قطع الغيار و الصيانة

و نصيحتي .. اذا بتشيك على سيارتك لا تشيك الا بعد ماتمشي 200 الف ..

طبعاص لابد من تغيير الأشياء الدورية أمثال ( زيت المكينة و فلتره ، زيت القير و فلتره ، السيور بعد 100 الف كيلو ... إلأخ )

شكراً لك

[فيصل الموسى]

كلام فاضي الشركه الي بالخبر ماقصروا بصراحه انا عند تشيك 10000الاف طلبوا مني 400 ريال صارت 300 بعد الخصم غيروا الزيت +الفلاتر كلها +تربيط عام والسياره زي الحلاوه بعدين يا شباب الي يقول انو الزيت ما يغيروه فلا تنسا انو السياره مؤمنه ادا طقت الماكينه هم بغيروها
اخوكم فيصل

[خفايا انسان]

والله عندنا بالأحساء ماشاء الله عليهم شغلهم حلوو

[@ابو رسيل@]

اخوي انا فحصت خمس الاف وغيرو لي الزيت بدون السيفون ب 60 ريال يمكن انت مغيرين السيفون مع الزيت

[هاتدوس]

السلام عليكم

الحقيقة الموظف قالي 112 ولكن بعد كتابة هذا الموضوع واستلامي للسيارة اخذ مني 95 زيت مع سيفون
ولكن هل تستحق صيانتهم ال 400 في المرة التالية ؟

[انا عزوز]

انا اول مره دفعت 86 على ما اذكر بعدها 400 بعدها 68 ريال

وانا اروح فرع المروج واعرف الشباب هناك بس الله يستر والله خوفتوني لاني ماشوف وش يسوون ولافيه شاشه اقدر اتابعهم زي فرع خريص

ملاحظة : هذة الفروع في السعودية - مدينة الرياض

[ماسول]

عندنا في قطر 500 ريال الصيانه بس يغيرون الزيت والفلتر ولايعملون شي اضافي

[سوبر انفينيتي]

المشاركة الأصلية كتبت بواسطة ماسول

عندنا في قطر 500 ريال الصيانه بس يغيرون الزيت والفلتر ولايعملون شي اضافي

عدل كلامك .... لا ويخلون السيارة عندهم كذا يوم بعد......