متى يتم تغيير زيت القير و فلتر القير ؟

[الخبرة]

يا شباب ....

متى يتم تغيير زيت القير و فلتر القير ؟

لاني من زمان موقف الصيانة من عند الوكالة ( بصراحة نصابين درجة اولى )

سيارتي ماشية 90 الف ، و ابغى اسوي لها صيانة بنفسي عند 100 الف ، وش راح احتاج من قطع غيار و تغيير زيوت او سيور ؟

و مشكورين

للمعلومية قطع الغيار اشتريها من عند وكالة الرشيد ( قطع اصلية و اسعار معقولة ) .

[هزاع]

زيت وفلتر القير يعد 40 الف كيلو وتقدر تتأكد من دليل السيارة

[المــمـــيــز]

زيت وفلتر القير للافالون بعد 100 الف كيلو

فلتر بنزين سيور مكينة بواجي ووزن بلوف فقط

[عاشق الذكريات]

افاادك المميز

يعطيه العافية

[الخبرة]

مشكورين و ما قصرتوا

[أ ف آ ل و ن]

زيت القير والسيور والبواجي

[هموس جده]

مشكوووووووووورين يالغالين

[علاااااااوي]

الخبره كان ودي افيدك بس افالونتي توها كتكوته ماشيه3800 بس يعني

مالي خبره=====****اجل وش دخلك لقافه بسقولوا ماشاء الله

احبكم واحب كل موضوع تكتبونه حتى الحروف ابوسها من حبي لكم

اتمنى الشباب افادوك ومايقصرون

تحياتي وتقديري لك

[الحـ(درب)ـب]

اللي عندهم 2009
اتمنى مايغيرو الزيت ابد حق الجير
إلا بإستشارة الشركة فقط


لان ماعندهم بالمكينه معيار للزيت حق الجير؟
واللي اعرفة ان الزيت حق الغير مايتبدل ابد من 2009 و 2008

[المــمـــيــز]

نعم يا بو سعد (درب الحب ) ويت قير موديلات 2008/2009 لا يتغير

[تي اّر دي]

على كلام المهندسين الا في صيانه تويوتا يقولون ان هم يغيرون زيت القير في 80 ألف كيلو
وأسأله طيب كيف اذا بغيت اشيك زيت القير يعني هل يوجد له معيار مثل زيت المكينه يقول لي
احنا نشيك في كل تشيك

[م.عمر]

مستحيل زيت جربكس مايتغير
اذا ماتغير راح يثقل الزيت بعد فترة (فترة طويلة) ويتعود عليه الجربكس ثم يضرب
عشان كده في السيارات القديمة يحطوا نشارة خشب مع الزيت سواءا في الجربكس او الدفرنس عشان ثقلوا الزيت
وانا مستغرب انه مافي عيار لزيت افالون 2009 اكيد في طريقة معينة مستحدثه في الشركة

حتى مثلا بعض المكائن تلاقي فيها مسامير يبغالها مفكات بزاوية معينة مخصصة لهذه السيارة عشان تضطر تروح الشركة لانه اصحاب الورش يقولواما ماعندنا فلوس نشتري كل انواع العدد والمفكات

[محتاريشن]

اما مافيه معيــار ؟
طيب ما اغير الزيت ابد يعني ؟
< 2009

[م.عمر]

غيره كل 100 الف وتغير معاه فلتر الجربكس يكلفك في الشركة حدود 500 ريال
300 شغل يد فك فلتر والزيت 80 ريال والفلتر نسيت سعره بس مو غالي او مع صيانة 100 الف

[الخبرة]

صحيح مهندس عمر

انا شريت جالون الزيت 4 لتر بـ 80 ريال
و فلتر القير بـ 200 وشوي تقريباً
و شريت فلتر هواء
و فلتر مكيف

و ما باقي لي الا فلتر البنزين و البواجي و السيور

بس عندي سؤالين :
هل يغير السير اللي داخل المكينة و الا بس السيور الخارجية ؟
و اعتقد انه يوجد فلترين للبنزين ، واحد خارجي و الثاني داخل خزان البنزين ، ايهما يغير ؟

انا كان عندي هوندا اكوورد سابقاً و كنت محافظ على صيانتها كل مائة الف اغير الاتي :
السيور الخارجية و اللي داخل المكينة ، فلتر البنزين ، فلتر الهواء
اما زيت القير و البواجي اغيره كل 20 الف لان الاكورد 98 ما يجي فيها فلتر قير
و الحمد لله بعت السيارة و هي ماشية 328 الف و القير و المكينة زي الحلاوة

و طبعا اشتريت بعدها الملكة

لهذا نصيحة يا شباب
لا تهملون الصيانة ابدا

[م.عمر]

فلتر البنزين تلاقيه تحت المقاعد الخلفية
اسحب المقاعد بقوة تنفتح معاك تراها كبس
تلاقي في النص غطاء مقفل بغراء سيليكون اسود مافيه مسامير
ينفتح بسهولة وتخرج طرمبة البنزين كاملة
وبعدين يشتغل الميكانيكي نص ساعه الين يفك الفلتر من الطرمبة تطفش شوية انا طلب مني 80 ريال اعطيته 100 بعد ماشفت قد ايش يطفش فك الفلتر (سهل بس يطفش)
في فلتر صغير يجي مع الطرمبة هذا مايجي لحاله يجي مع الطرمبة
وبصراحه فلتر البنزين غيرته عند 100 الف كان نظيف نسبيا مقارنة بفلتر الماكسيما لما غيرته زمان وانا ماشي عليه 40 الف بس

===============
السير هوا واحد خارجي، الداخلي مايتغير
بس والله غالي ب300 ريال غير التركيب
===============
البواجي اشتريتها خارج الشركة ب42 ريال الواحد على مااتذكر في الشركة ب50 وزيادة
الواحد طبعا
التركيب في الشركة قلي 350 ريال شغل يد وتاخذ يومين كاملة قلت ليه يقول فيها فك ثلاجة
وبالفعل لازم تفتح ثلاجة المكينة (intake manifold) عشان تغير ال3 بواجي الخلفية
كلمت ورشة خارج الشركة قلي فتح الثلاجة بس 250 ريال فيعني احتمال اغيرها في الشركة بس بعديييييييين لما تبدا تتفتف السيارة

[الريسي وبس]

مساء الخير.
بالنسبة لزيت الجير ما يحتاج تغيير ابداً حسب كلام الوكالة عندنا في عمان لانه من نوع long life في كل موديلات الافلون من 2005 الى 2009 حتى لو تلاحظوا مكتوب على الاستيكر الموجود على فاحص الزيت في المكينة انه ما يغير الزيت في ظروف القيادة الطبيعية. وانا دورت في موقع التويوتا في قسم الصيانة ونفس الشي لم يذكر انه يحتاج تغيير. عشان كذيه في الموديلات 2008 و 2009 شالو فاحص الزيت عشان يأكدولنا انه ما يحتاج تغيير ابداً.

[افالون رياضية]

عزيزي انا خرطت راس المكينه ويوم شافو السيارة فكو المكينه
وقالولي الشنبر عندك مايل وراح تشرب زيت السيارة ..
المهم ويوم عطيتهم السيارة خليتهم يبدون فيها من الالف الى الياء
وغيرت البواجي لأول مره وللعلم السيارة ماشيه 127
وقالي المهندس انه غير زيت الجربكس ..
وقالي زيت الجربكس عندك كان معدوم ولو ماغيرته كان صارتلك مشكله كبيرة .!!

ما ادري هو صادق او **** ؟؟؟
وهذا الي صار .

[علاااااااوي]

تمام ياشباب يعني مانغير فلتر وزيت القير ابد بجد فله...

طيب سؤالي؟؟بعد السفر مايتغير بعد او هذا اللي مايسافر بربي عطونا حل؟؟؟المميز العب؟؟؟جاوبني

[عرعرينو]

المشاركة الأصلية كتبت بواسطة علاااااااوي

تمام ياشباب يعني مانغير فلتر وزيت القير ابد بجد فله...

طيب سؤالي؟؟بعد السفر مايتغير بعد او هذا اللي مايسافر بربي عطونا حل؟؟؟المميز العب؟؟؟جاوبني

زيت المكينه والفلترهم اللي يتغيرون بعد السفر