[الفرت الحمر]

السلام عليكم

صبحكم ومسيكم بالخير يالربع وطلبت فزعتكم

أنا نويت اشتري لاندكروزر جي أكس .. هدد يعني 2007

لقيته فل أوبشن في اليحي في الدمام 148000 هل سعره معقول؟؟

وياليت تخبروني عن الفرق بين اليحي والبازعي والبريمي وهل الفرق بينهم في الموديلات 2007

شاسعه وهل الخطوط نفسها ؟؟ لأني لقيت جي اكس وارد اليحيي في الدمام فل ابشن ذهبي وعاجبني

فحبيت اسمع رأيكم وش الافض الذهبي ولا الأبيض مع الملاحظه ان الخطوط 2007 لحد ينسى

لأن كني ماني هاضم الخطوط يعني مانيب مقتنع فيها .. عالعموم تكفون ابي الفزعه وتراي

مامريت معارض البازعي والبريمي لانهم في الرياض وانا رجال ماعندي اجازه الا الجمعه فهل تنصحوني

اشوف المواتر اللي هناك ولا اليحيي بيكفي ويوفي ! أتمنى التجااوب منكم يالربع ولاهنتم

[الفرت الحمر]

تكفون لربع لاتبطون علي ويالليت لو في صوره لجي اكس فول ابشن 2007 لوارد البريمي والباازعي

واكووووون مشكووور ولله وادعي له من كل قلبي

لاهنتم

[الاعصار]

مبروك مقدما والله ياخوي ما عندي علم على البازعي والبريمي لكن بالنسبه لليحي فرع الدمام انا رايح له قبل فتره وقال لي ان الفل ابشن بـــ140 الف يعني فرق بين الي قال لك والي قاله لي
بالنسبه للمواصفات انا وشوفها ممتازه جدا لاني انا بعد ناوي على واحد بس خلال الشهر هذا انشاء الكريم
والله يوفقك ويعطيك خيره ويكفيك شره
وانا بعد متظر رد الشباب بالنسبه للبازعي والبريمي

[ابو مثنى]

أخي الكريم
السلام عليكم
أنا انصحك بالبريمي أحسن مواصفات ويختلف عن البازعي بأن فيه بلوتوث داخلي شد بلد ...
والسي دي حقه عالطبلون مو على الثلاجه ...
بالإضافه الى مراتب جي اكس ار عند البريمي هي مراتب في اكس ار ... اما البازعي لا ...
اما اللون حسب ذوقك ...
وأنصحك اذا أخذت بريمي من معارض الرياض موديل 2007 تأخذ عليه ضمان عبداللطيف وما تلقى الا في معرض الفلاح بالرياض عنده بريمي مع ضمان عبداللطيف

[الاعصار]

مرحبا ابو مثنى واسف يالفرت الاحمر برد بدالك
الرجال بينشد عن الهدد (لايخفاك وانا مثله)
فالله لايهينك اذا عندك علم لاتبخل علينا بالمشوره