مشكلة في حرارة السيارة

[أبا ناصرلاند]

مشكلة في حرارة السيارة

الفزعه يا أخوان ، عندي مشكلة وأصحاب الفلسفه واجد واللاند اللي عنديإذا مشيت 140 وفوق وصلت الحرارة قبل النص بشوية وإذا مشيت 130 وتحت فجأة تنزل للربع ، الله لا يهينكم علموني وش الحل ، Gxr 2000

المصدر: تويوتا العربية

[العشق والقلب]

صيخ الرديتر وان شاء الله تروح

ولاتنسى المويا الخضراء

[مهندس انس]

السلام عليكم اخي العزيز
ممكن ان تتأكد من المروحة مالتك لان الها تأثير كبير على الحماوه
وانتظر ردك

[بني سبيع]

اشوفها الأيام هذي عندي قبل النص بشووي لاكن اذا شغلت المكيف تنزل شوووي

طبعا اكون واقف

[الرجل الكويس]

شكل عندك هوا في ليّات المويه.. أنا عندي كابرس مرات تضرب الحرارة إلين الأخير مع المشي وإذا هدّيت تنزل.. فأسوي لها تنسيم للهوا علشان تبقى كل الليّات مليانه مويه.. وبإذن الله تزين..

عند أي راعي رديترات وعطه 5 ريالات..

لو كان الراديتر يبي له تسييخ كان إرتفعت معك الحرارة وبقت مرتفعة ولا تنزل لأن التسييخ يعني إن عندك مسامات مقفلة ولا تفتح إلا بالتسييخ أو تغيير الرديتر..

لو كان أحد المراوح خربان كان ما نزلت معك الحرارة إذا خففت السرعة بالعكس ترتفع لأن بتعوض خلل المروحة عن طريق الهوا الداخل من شبك السيارة..

وش رايك فيني بس؟

[مهندس انس]

اخي العزيز مشكلتك بالمروحة والدليل لما تفتح التكييف تنزل لان مروحة التبريد الكهربائية تشتغل عندك فتقلل من الحرارة

[الرجل الكويس]

المشاركة الأصلية كتبت بواسطة مهندس انس [عزيزي الزائر يتوجب عليك التسجيل للمشاهدة الرابطللتسجيل اضغط هنا]

اخي العزيز مشكلتك بالمروحة والدليل لما تفتح التكييف تنزل لان مروحة التبريد الكهربائية تشتغل عندك فتقلل من الحرارة

مهندس أنس.. العضو صاحب السؤال ما قال إنه فتح المكيف.. هذا عضو هو اللي قال في أحد الردود السابقة..

يا مهندس لو المشكلة في المروحة.. كان من السرعات المنخفضة ترتفع معاه الحرارة.. لأن يقول على سرعة 130 على الحرارة على الربع.. وعلى سرعة 140 على النص وفوق.. يعني مع السرعة يزيد الهواء الداخل للراديتر.. شلون ترتفع معه الحرارة إلا إذا كان في خلل غير المروحة..

أما مسامات الراديتر مسدودة بصدأ.. أو وجود هواء في دارة المويه اللي في السيارة.. ولا يمنع إن العضو السائل هالسؤال عن سيارته يشوف المروحة إذا تشتغل ولا لأ وهو واقف تبين إن المروحة تشتغل ولا لأ..

[عجزت اسجل]

اخواني
الرجال عنده gxr 2000
يعني السياره 6 سلندر
طبعاً السياره فيها مروحه ماكينه ومروحه صغيره لتبريد رديتر المكيف
يعني ما فيها مراوح كهرب
بعدين السياره مالها تنسيم هواء زي الكابرس وغيرها الهواء يطلع طبيعي وماتحتاج
عموماً انا اشوف المشكله يا يكون الراديتر مسكر او كلتش مروحه الماكينه خربان او ضعيف
والله اعلم

[DR.BROWN]

1.حتى ان ترتفع الحراره عند النصبدون مكيف وبعض امرات بمكيف وماشي ترتفع تحت النص
2.عندى صوت طقطقه في المكينه لمن ادعسلها بنزين تروح وترجع
وشكرااا

[غررررريب]

شيك على الرديتر اولا
واذا مانفع غير مكينة المروحه الخاصه بالرديتر

[Bu Rashid]

ياخوي انا اظن بأن البويه خربانه ، الثيرموستات ، وعادة ما تخترب عند السيارات الوارد

[مبتكر]

طيب اخوي انت اذا شغلت المكيف ترتفع الحرارة والا تقل ؟؟

اذا ترتفع مع المكيف يعني حساس المراوح فيها مشكلة ,, واذا لا يعني مافيه مشكلة بحساس بالمراوح وشيك على الراديتر نفسه , وايضا زيت المكينه له دور شيك عليه ..

[قطري مفتل]

المشاركة الأصلية كتبت بواسطة أبا ناصرلاند [عزيزي الزائر يتوجب عليك التسجيل للمشاهدة الرابطللتسجيل اضغط هنا]

الفزعه يا أخوان ، عندي مشكلة وأصحاب الفلسفه واجد واللاند اللي عنديإذا مشيت 140 وفوق وصلت الحرارة قبل النص بشوية وإذا مشيت 130 وتحت فجأة تنزل للربع ، الله لا يهينكم علموني وش الحل ، gxr 2000

السلام عليكم اخوي اول شي انا بقولك من واقع الي اعرفه انا انت اتروح حق مال الراديترات اوكي واتقوله فك الراديتر واينظفه لك واذا فيه مشكله يصيخه لك ثانين تبي الحراره اتطيح لله لايهينك ركب مرااوح قراند او مراوح مكسيما ابر على الموتر وعلى الراديتر اذا تبيها تماتيك واذا تبيها عادي بسويتش عاادي يصي يعني انت اتحكم فيها على رااحتك وبذن لله انشالله رااح ترتاااح اتمنا اني قدرت افيدك يالغالي

[naif]

الحرارة مشكلة كبيرة سيارتي لما اتعدى 130 ترتفع الحرارة وكل مااسرع تزود الحرارة يعني العلاقة طردية(مزايد) سواء بمكيف او بدون ماتفرق غيرت تماتيك المروحة شلت البلف غيرت اراديتر جديد ماتغير شيء شكلي الخميس ابي ابيعها واريح راسي 000مع العلم المويه اصليه والماء ماينقص نهائي000وش تتوقعون تكون المشكلة000

[شووزن]

ان شاء الله الشباب ما يقصرون وياك

سبحان الله وبحمده سبحان الله العظيم ...

[naif]

ماقصرت ياخوي

[naif]

رجعت راديتر الوكالة بعد ماصيخته وابشرك ضبطت

[العشق والقلب]

الحمد لله انها ضبطت


وما خاب ظني من تسييخ الرديتر

[naif]

جزاك الله خير ياأخوي
والحمد لله على كل حال000
اراديتر اللي كنت ركبته رصتين وكان نحاس وبالعكس زادت الحرارة إلى ثلاث أرباع أو أكثر ثم رجعت حق الوكالة بعد ماسيخته وضبطت ولله الحمد000العماله في الغالب نصابين لكن مالنا خيار أحيانا مجبورين نصدق ثم نقول ياليت ياليت000

[راعي الرشاش]

هي مالها ثالث

تماتيك المروحه طف المحرك وحرك مروحة المكينه من عند الؤيش ادا كانت ثقيله في الحركه فهي صالحه وعكس هدا يجب عليك تغير التماتيك

او

انسداد في الرديتر يحتاج تسيخ ثم تعبي ماء اديتر اصلي اسي ديلكو جالون مع خمس حبات ماء مقطر