[ولدعلي]

بسم الله الرحمن الرحيم

حيا الله اخواني

بصراحة صدع راسي وذبحتني الحيرة في السيارتين الافلون و الـ IS ايهما اشتري ؟؟؟

اذا جينا للأفلون تقول انها تحمل مواصفات الـ IS وكذلك الـ ES وكمان ارخص منهن ولقيت ليمتد 2007 بمعرض بالقصيم بـ 109 الف .. ولكن اذا دريت انها مصنوعة بامريكا ( وتعرفون الامريكان ماعندهم الدقة اللي عند اليابانيين والالمان ) و قلت ذكرتني بالفورد والكابريس والأخطاء الصناعية والخراب اللي يلحق السيارة على طول و مثل ماسمعت ان فيها اخطاء مثل رائحه كريهة تخرج مكنها وصوت الهواء يطلع بعد ماتتعدى 100 وغيرها ..

واذا جيت للكزس الآي اس راح ترتاح الى انها يابانية واسترح ومواصفات مشابههة للافلون وممكن تتفوق في بعض الاشياء البسيطة والامر المهم متانتها وقلة خرابها على المدى الطويل وكذلك عند بيعها ماسكه سعرها وها شيء طيب ..

بس المشكلة سعرها الخيالي والمبالغ فيه وآخاف اشتريها واتحسر واقول ليتي شاري الافلون ارخص واوسع والمواصفات قريبة .. والله اني مبتلش مادري ايهم اختار

انقذوني من الحيرة ياشباب

[القسوري]

السلام عليكم.....

أعتقد أن الكثير من الأخوان راح يردون عليك بأن المقارنة ما بين السيارتين غير صحيح لأنهم من فئات مختلفة........وأنا اعتقد أن هذا الشي غير صحيح .....وبما أن العملية تحكمها الفلوس فا بأمكانا نقارن بأي شي.....

أولا .....فكرة ان الأفالون تحمل مواصفات Is....أعتقد انها فكرة غير صحيحة.......لأن مواصفات Is مختلفه تماما عن الأفالون .......تقنيا Is أفضل وبأمكانك البحث في هذا المنتدى عن مواصفات السيارتين وراح تشوف أن الكفه لصالح Is أذا كنت تبحث عن التقنيه المتطوره.....
Is دفع خلفي.......والأفالون دفع أمامي.......وهذا بحد ذاته اختلاف كبير.....خصوصا في القياده....
أخي العزيز.....أذا كانت المقاعد الخلفيه مهمه جدا با النسبه لك وخصوصا أذا تريد الراكب معاك يكون مرتاح تماما......فهذي الميزه ماراح تلقاها مع Is لأن مقاعدها الخلفية نوعا ما ضيقه.......بينما بتشوف فرق كبير في الأفالون والمقاعد الخلفيه واسعه ومريحه جدا......

طبعا أنا ما أقدر انصحك تاخذ أي سياره فيهم......لأن السيارتين بنظري ممتازتين وكل وحده فيهم لها وضعيه خاصة تعتمد على رغباتك وأستخدامك الى السياره.....بس أنصحك أنك تدرس الموضوع وتختار السياره المناسبة لك .......

أتمنى لك التوفيق أنشاء الله.......

تحياتي

[بو سعود]

والله ماقدر افيدك

انت واختيارك

[زوووم]

شووو لاتفكر ولاتحتااااااار مع زووووم كل شي يصير تمااام <*****<*****< واحد منسم

والله تبي رايي لاهذي ولاهذيك

انتظر كم اسبوووع الى ان تنزل الانفنتي جي 35

ابداااااااااااااااااع

وسعرهااا ارخص من اي اس 300 ايش تبغى بعد

واذا كنت ماتبي تطلع من تويوتا ولكزس

انا اقوولك خذ es350 اسود

والله انه نصبه

تحياتي

[فيصل الموسى]

والامر المهم متانتها وقلة خرابها على المدى الطويل وكذلك عند بيعها ماسكه سعرها وها شيء طيب ..
متانه وين المتانه قله خرابها اخوي السياره لسه ما صارلها شهور نازله وش دراك ادا ماك ان فيها خرابات ولا لا اما اخر نقطه فا تيوتا بشكل عام ماسك سوقه
واخر شي انت تقول الامريكان حبيبي الامريكان وصلوا القمر مادري الامان وين وصلوا

[المهندس صالح]

طيب استاذي العزيز
السعر الخاص باللكزس هل هو مقارب ؟ للافلون
اذا قلنا ان سعر الافلون 109 الف فكم يبلغ سعر اللكزس لكي نتمكن من المقارنة!

[إيسوزاوي]

اخوي على حسب وضعك .. اذا انت عزوبي ما يحتاج اقولك وش تاخذ
واذا انت تحتاج سياره كبيره فاكيد الأفالون بتخدمك اكثر

اما لو قارنا السيارتين و مواصفاتهما و الجوده .. اللكزس Is300 و انت مغمــض ,, تكفيك وقفتها
وللمعلوميه تراها تغيرت في 2006 و نازله في امريكا و محد اشتكا من جودتها .. تطمن اللكزس لكزس مهما كان نوعه

تحــياتي

[الافق]

أكيد أفالون .. لثلاثة أسباب مهمة في نظري هي :

الأول :- السعر أرخص من الكزس
الثاني :- الحجم أكبر
الثالث:- قطع الغيار بالنسبه للأفلون أرخص من الكزس بكثير
أما من ناحية الموصفات .. فكل منهما له الموصفات التي يتميز بها عن الآخر ..

آخيراً
أسئل وأنت الحكم .. تمنياتي لك بالتوفيق
تحياتي

[ابو داحم]

نصيحتي لك ياخي ان تصلي صلاة الاستخاره والي ترتاح له اشتر وتوكل على الله وعلى فكره كل السيارتين ممتازه وعمليه وفخمه .والله يكتبلك الي فيه الخير انشا الله

[ابو دلع]

يا ابو الشباب

ما في وجه مقارنة

لا في الفخامة ولا السعر ولا القوه ولا لا ولا ولا الخ..........................

اللة يرزقكك بلاثنين

[حسينوو]

اذا انت عزوبي عليك باللكزس تليق عليك واذا عندك عائلة اكيد الافالون

اما اللي يقول لك الافالون ارخص من اللكزس فانا اقول له قبل هالكلام شوف الفرق بين السيارتي


يعني لو قلنا ان اللكزس بدون الشاشة ودفع امامي
الذاكرة في المقاعد لوضعيتين فقط

كم راح ينزل من سعرها ؟؟؟

يعني بدون هالشغلات سعرها بيكون نفس سعر الافالون
ونفس الشي بالنسبة للافالون
لو وضعنا فيها الشاشة والدفع الخلفي بتشوووووف سعرها فووووووووق


الشاشة معظم الناس يقولو ماهي ضرورية
لكن انت في يوم من الايام بتطلع منطقة بعيده او بتسافر بتنفعك اكيد


والدفع الخلفي افضل واحسن من الدفع الامامي



لكن اذا انت متحير نصيحتي انك اذا كنت عزوبي او مقبل على الزواج اللكزس بترتاح منها كثير وماراح تندم
واذا كنت متزوج وعندك عيال اللكزس Is ماتنفع معاك ممكن انك تفكر في لكزس Es350 او تاخد لك الافالون

هذي وجهة نظري ولك الخيار النهائي

[بدر أبوحسن]

عليك با أي اس وبس

[الباااااريسي]

اذا كنت تقصد لكزس460 او430 فلا وجه للمقارنه بين السيارتين البته انت مثل الي يقارن بين سياره وطيارة
اما اللكزس اي اس350 فمالها داعي ابدا بالوجود صغيره وضيقة وما تستاهل سعرها
اذا عندك فلوس تجيب اللكزس 430 وانت ما تهتم وبتدفع اذا طلبت اللكزس قطع غيارها الغالي اشتر لكزس وبس واذا انت تنظر الى اسعار قطع الغيار وتخاف من التكلفه خذ افالون وترتاح