[أسير المشاعر]

هلا بكل اللي دخلووو الموضوع

اخباركم علومكم ؟ :d

أنا بصراحه ودي اشتري اوريون بس اني محتار وخايف تكون فيها مشاكل يعني انتم اكيد عارفين ان السياره اذا كانت جديده وماهي مجربه ممكن يكون فيها مشاكل فانامتردد صراحه وياليت اللي شراها يقولي كيف السياره معه وهل لقى فيها مشاكل ولا لا


منتظر اجاباتكم

[ف هـ د]

وأنا مثلك اخوي متردد....أمس كنت في أحد فروع تويوتا لأني أناوي أشتري الأوريون...ولكن أول ما شفتها ترددت....بصراحة الكامري افخم منها ولكنها أفضل من الكامري في بعض المميزات...ومازلت محتار بين الأوريون والكامري.

[برنس الورد]

السياره تخوف خاصه انها جديده على السوق يعني لاهي شكل جديد ولا شي سياره جديده ومسمى جديد
وانا مثلك كنت ناوي اشتري افلون لكن بعد ماشفتها ترددت في الافلون وهذي مشكله يعاني منها الكثير
التردد في شراء السياره والحيره وغيرها المشكله اني مشي اموري هالشهر بسياره ايت كلام وابي اشتري
سياره وبلشااان على العموم لا تستعجل واصبر وشف .. وتاكد

[محـمـد]

السلام عليكم ورحمة الله وبركاته

اخواني اللي خايف يشتريها عشان المشاكل ابي اسأله

تخاف تشتري الكامري عشان المشاكل لانها جديده والا لا؟

إذا كانت الاجابه أخاف لا تشتري
أما إذا كانت لا فاشترها ولا تخاف لانها هي نفسها الكامري الـ6سلندر في الخارج


هذا رأيي

مع السلامه

[نقطة بداية]

اخوي اسير المشاعر واخوي ف هـ د
اتكلوا على الله واشتروا اوريون
اسئلوا مجرب صحيح ان السيارة جديده ولكن هذي من تويوتا ليش الخوف
انا من النوع اللي اذا عجبته السياره شراها و بدون تردد
اذا انتوا فكرتوا في الاوريون فبمجرد التفكير فيها يكفي التوكل على الله وشرائها
الحمدلله سيارتي جنان جنان وما فيها ولا عيب

[طعس دافور]

يا اخوان لا تحتارو .. ترت الاوريون نزلت في بعض البلدان على انها كامري ..
وتنصنع في نفس مصنع الكامري ... وفي حاجات كثيرة مشتركة بينهم..
والمكينة والجير نفسه اللي في كامري جراندي واللي ما نزلت بالسعودية...
يعني هية والكامري واحد

تحياتي

[ف هـ د]

المشاركة الأصلية كتبت بواسطة نقطة بداية

اخوي اسير المشاعر واخوي ف هـ د
اتكلوا على الله واشتروا اوريون
اسئلوا مجرب صحيح ان السيارة جديده ولكن هذي من تويوتا ليش الخوف
انا من النوع اللي اذا عجبته السياره شراها و بدون تردد
اذا انتوا فكرتوا في الاوريون فبمجرد التفكير فيها يكفي التوكل على الله وشرائها
الحمدلله سيارتي جنان جنان وما فيها ولا عيب

اخي العزيز أنا معك إن السيارة إن شاء الله ما فيها مشاكل ولكن أنا أتكلم عن الشكل الخارجي

[إيسوزاوي]

ياخوي حسب حيرتك .. اذا انت محتار بينها و بين الكامري اكيد راح اقولك اوريون .. مواصفات أفضل و شكل أفضل و جديد و كل شي فيها احسن بمليون مره من الكامري ,,

لكن كني سمعتك تقول اوريون ولا افالون ؟ هنا اقولك الأفالون وانت مغمض يكفي انها افالون
بينما نظرة الناس للاوريون انها كامري 6 سلندر ( موظف عبداللطيف جميل لما سألته قالي هي نفسها كامري 6 سلندر بس زادو المواصفات)

[اورين]

اذا كنت محتار بين الافالون او الاورين انتظر شوي حتى حتى تنزل المصيبة الكراون 8 سلند امس كنت عند عبداللطيف وشفت صورتة عند الموظف على النت من قدام كأنها لكزس 430 ومن ورى كأنها ماي باخ وبعدين قرر

[سوبر انفينيتي]

الكراون ما اظنها تنزل عندنا ........ اللكزس بدالها ....

[عاشق العشاق]

ياخوي العزيز لا تحتار توكل على الله واستخير وشتريها وربنا يعطيك خيرها ويكفيك شرها ان شاء الله

[صدى الإمارات]

أخواني انا اشتريت الاريون
وجديده والحمدالله
ومافيها اي مشاكل والحمدالله

[الجنتل مان]

المشاركة الأصلية كتبت بواسطة ف هـ د

وأنا مثلك اخوي متردد....أمس كنت في أحد فروع تويوتا لأني أناوي أشتري الأوريون...ولكن أول ما شفتها ترددت....بصراحة الكامري افخم منها ولكنها أفضل من الكامري في بعض المميزات...ومازلت محتار بين الأوريون والكامري.

انت مـتأكد ان الكامري أفخم منها أتمنى تراجع كلامك وبختصار قارن بين الكامري الفل الكامل GLXوبين الاريون الجراندي الفل كامل أقل شي وجود جهاز الملاحه يخلي الفرق بينهم مثل الفرق بين اللكزس والكوريلا