[كامل المواصفات]

بسم الله الرحمن الرحيم

أخواني


قاعد أفكر بهالسيارة الرهيبة لكن مشكلة المقاعد الخلفية تخلي الواحد يتردد كثير

ودي أسأل أصحاب الخبرة

هل يستحيل جلوس الأشخاص البالغين في المقاعد الخلفية أو لا

أو أن المسأله فقط ضيق يمكن التأقلم معه

أنتظر أجابة

[مهند الليل]

اين اهل الخبره ؟
نرجو المساعده.

[القسوري]

المشاركة الأصلية كتبت بواسطة كامل المواصفات

بسم الله الرحمن الرحيم

أخواني


قاعد أفكر بهالسيارة الرهيبة لكن مشكلة المقاعد الخلفية تخلي الواحد يتردد كثير

ودي أسأل أصحاب الخبرة

هل يستحيل جلوس الأشخاص البالغين في المقاعد الخلفية أو لا

أو أن المسأله فقط ضيق يمكن التأقلم معه

أنتظر أجابة

عزيزي.....كل ما في الأمر أن المسافة بين المقاعد الأمامية والمقاعد الخلفية صغيره مقارنة بباقي السيارات الواسعة.......مسألة أستحالة واحد بالغ ان يجلس في المقاعد الخلفية أعتقد هذي شغله مبالغ فيها جدا.....السيارة رياضية وحجمها الداخلي طبيعي مقارنة مع السيارات الرياضية الأخرى......

أنا اتصور أفضل حل علشان تقيم هذي السيارة.....بأنك تروح المعرض وتجلس في المقاعد الخلفية وراح تقيم السيارة بشكل صحيح...

تحياتي

[كامل المواصفات]

أخوي القسوري

أنا رحت الوكالة وشفت السيارة وماقدرت أجلس في المقاعد الخلفية الا لما قدمت المقعد الأمامي بشكل كبير

وأنا المشكلة من النوع اللي اذا جيت أسوق ارجع المقعد الى ورى كثير

الين يوصل حده

على كل حال مشكور أخوي القسوري على افادتك

وننتظر بقية الآراء

[الخـــور]

بالعكس انا اشوف ان المقاعد الخلفية هي الي تضيف رونق الطابع الرياضي في هذي السياره

يعني تقدر تتخيلها باب واحد

حلوه في وجهة نظري وضيق المقاعد الخلفيه ماهي الا اضافة رائعه تخلي السيارة ملمومه اكثر

لو كنت محتاج سيارة عائلية انصحك تروح لل Es

لان ال Is مصممة حق الشباب .. او حق الي ماعندهم اكثر من 3 يهال
والي يحبون انهم يستمتعون بالقيادة

[خلدون المالح]

المشاركة الأصلية كتبت بواسطة كامل المواصفات

أنا رحت الوكالة وشفت السيارة وماقدرت أجلس في المقاعد الخلفية الا لما قدمت المقعد الأمامي بشكل كبير

نفس الى حصل معاي وكان احد الاسباب اني اصرف نظر عن الشراء

[بو سعود]

والله دامها شبابية عادي اتوقع بنسبالها

وانا لو معي قروش خذتها

[عبدالله_بايزيد]

شباب لا تبالغون وايد .. انا عندي ال آي اس
و 2 شباب ييلسون ورا بدون مشاكل .. بس يوم كانو 3 ... قالوا شي ضيج شوي ... و بعدين السياره على الكاتالوج .. من فئة السيدان سبورت .. يعني نفس الايفيليوشن لانسر ...
تحياتي

[عسكـــــريم]

هاي اللي اشوف عيبها انها ضيقه..
ياخي صحيح هي للشباب لكن اصابع اليد مو سوا

[دكتورالحب]

السياره رائعه لكنها ضيقه جدا جدا كانك راكب كرولا من وراء حرام يالكزس هالضيق

يعني لو صارت المساحه من وراء زي الكامري او الالتيما كان شي رائع

[ابو دلع]

والله المساحة نوعا ما ضيقة

لاكن بلنسبة ليا انا اشوفها مناسبة

ممكن عشاني قصير <*****<*****<*****<*****<*****<*****<*****<*****<*****<*****<فضحت نفسي

[فريج جبله]

انا عن نفسي دفعت مقدم 250 دينار بس وناطر السيارة موديل 2008 توصل بعد شهر بعون الله تعالى انا عن نفسي جربت كرسي القيادة وكانت جداً مريحة لكن كنت مستعجل لدرجة إني دفعت المقدم ثاني يوم هههه لأني صارلي سنتين ادور سيارة ومليت بصراحة .. فا قررت أخذها بشكل مؤقت على ماتكون عندي جم دينار وأشتري إللي في بالي.. لكن شكلي بروح اليوم أجربها من ورى لكن حتى لو كانت ضيقة باخذها مايهمني وحتى لو قالولي ربعي او أحد يركب معاي إنها ضيقة يكون عذري إنها سبورت أكيد ضيقة شوي انت راكب سبورت مو بيوك ولا كابريس هههه

[أم لكزس]

السياره سيارتي وانا اللي بسوقها .. يعني مو شايله هم ان بقعد ورا ضيج علي ولا لأ;p

.. ما اشوف ان لما تاخذ السياره نقيمها على مساحتها .. واهيا عموما سبــورتـ

[ع ن د]

تبي نصيحتي ابعد عنها

[بإختصار لكزس]

ياشباب انا ما ادري لية تقارون بسيارة كورلا
انا اشوف هالسيارة مصممة حق سبورت وفخامة
شي طبيعي تكون من ورى ضيقة
وبعدين هي تصلح حق اثنين او ثلاثة اشخاص

وبعدين اللي يقول انا اشوفها كورلا
هذا ****

اخوي توكل على الله
كل ما شرء هالسيارة is ماتندم وماعليك من كلام الناس اللي يقول ضيقة ولا ماتسوى هالسعر .......الخ
مادام هالشي مقتنع فية لاتردد ولا تسمع كلام الناس راح تتعب

اسف على الاطالة

[سلطانة البحر]

بصراحة أنا قررت أطلع الآي أس بعد تفكير عميق
طبعا كنت أفكر كثير بموضوع المساحة الخلفية السيارة ما يعيبها شي غير المساحة الخلفية بس أغلب الأوقات لما أروح العمل أو المشاوير البسيطة والقريبة أكون وحدي أو مع أختي فبتجلس معي قدام
انا لاني بعدني سينجل وساكنة بيت أهلي فلما نطلع طلعات عائلية في كثير من الاحيان كنت مضطرة آخذ سيارتي لأن سيارة أختي توها جديدة ومدلعة وما تريد سيارتها تتبهدل
لكن بعد ما أطلع الآي أس بناخذ سيارتها غصب
وعموما نادرا ما أركب أكثر من 2 ورا فما أعتقد ان المساحة الخلفية بتكون مشكلة بالنسبالي
خصوصا اني أقدم الكرسي كثير لما أسوق
سيارتي ان شاء الله بتوصل على أول شهر أكتوبر وهي موديل 2008 وقالولي في الوكالة ان في زيادة مساحة بسيطة في المقاعد الخلفية
ورحنا نشوف موديل 2008 بصراحة انا مالاحظت الفرق

[حياة_التميز]

للاسف كثير منا يعمل حساب المقاعد الخلفية بس لو فكرنا فيها عدل نكتشف انه فين و فين لمن يركب معاك احد بالخلف

يعلم الله اني ما طلعت اورين الا بعد ما طفشوني اهلي ( سيارة بابين لا فين يجلس الناس لو ركبوا معاك اكثر من واحد و صرفت نظر )

والان صار لي 7 اشهر و حتى الان المقعد الخلفي ما اتركب الا مرتين ابو القهر


توكل على الله لو انت اعزب و لا تخلي المساحة الخلفية تأثر على قرارك