[ابداع]

السلالالام عليكم جميعاً

كيف حالكم انشالله كلكم طيبين يااصحاب الافالوون

ومبروك لكل الي اشتروا السيارة خلال الفتره هذي والي شروها من قبل ...

انا اباركلكم لأنكم كلكم تمتلكون سيارة عظيمة والله العظيم ... احمدوا ربكم جميعاً واشكروه على توفيقه لكم بهالسيارة الجميلة

مواصفات السيارة : جميلة ... فخمة ... مريحة ... ملفته ... عملية ... رخيصة ... اقتصادية ... ومحافظة على سعرها (بحكم انها تويوتا)

*ملاحظة : إقتصادية : المقصود فيها (إقتصادية بالبانزين وبسعر القطع أيضاً ... يعني مو بغلا سعر لكزس وصيانته )

نجي لموضوعنا .. بالنسبة لعيوبها ... انا ما اشوف فيها إلا عيب وحيد فقط ... وبالنسبه للي مايمتلك افالون ويقرا كلامي اتمنى انه مايظن إنه عندي غلو للسيارة بحكم اني امتلكها ...

*ملاحظة : غلو : المقصود التقديس والمبالغة بالشيء

صدقوني واسألوا ملاكها انها رائعة لأبعد الحدود ... وبالنسبة لمواصفاتها ممكن اذكرها لك عزيزي القارئ لكنك رح تتعبني وانا اكتب ...

رح اعطيك امثلة على بعض المواصفات

: قوه هائلة بالمحرك بسعة 3.5 وعدد احصنه يفوق الـ280

فخامة داخلية تشمل على جلد من نوع راقي منقط .. مع تبريد وتدفئه للمقاعد ... المقاعد الأمامية متحركه إلكترونياً مع نفخ منطقة الظهر ... المقاعد الخلفية متحركة يدوياً (تنسدح شوي عشان الرحلات الطويلة والسفر) .. ذاكرتين لحفظ معلومات المقاعد والمرايات الجانبية ... فتحة بالسقف ... طبلون الكتروني (زينون) .. شاشة معلومات للسيارة (يظهر فيها درجة الحرارة الخارجية و مدة الرحلة وتحكم المكيف والنظام الصوتي سواء كان كاسيت او سيدي .. كما يظهر اسم الأغنية على الشاشة ... ومعدل صرفية البانزين كل 100 كيلو متر ... ويظهر أيضاً كمية الوقود الموجود بالسيارة) ... هذا كله يظهر عندك في وقت واحد بالشاشة ... ايضاً هناك تحكم الكتروني بالدركسون للنظام الصوتي والتكييف ... النظام الصوتي قوي جداً ومكون من 12 سماعة ... وبالنسبة للدركسون يرتفع وينزل بشكل عامودي ويدخل ويطلع بشكل افقي ... بالنسبة للقير توب ترونك (يعني عادي وتماتيك ) ... ولا ننسى المفتاح الذكي (تشغيل السيارة بدون مفتاح , بضغة زر واحدة فقط ) .. كما لاننسى البصمة الموجودة في الأبواب الأربعة .. طبعاً السيارة زينون مع لمبات ضباب سفلية (كشافات) ..

كل هذا لمحة بسيطة عن بعض مواصفات السيارة ... طبعاً انا متأكد اني نسيت بعض الأشياء

انا اقولكم كذا عشان ابررلكم اني ما عندي غلو للسيارة

الحين نجي لموضوعنا (العيب الوحيد بالسيارة)

مشكلة تنسيم الهواء ... يمكن مو قوية مره لكن صارت تزعجني جداً لأنه سيارة مثل هذي المفروض مايكون فيها هذا التنسيم ...

انا بصراحة لقيت حل انا اكتشفته عن طريق الصدفة ... وقلت ابي افيدكم فيه .. وهو سهل جداً .. ومارح يكلفك ولا ريال ...

البعض قال ارفع صوت المسجل ... طيب واللي مايسمع مسجل ... او راسه يعوره ...

لا مو تشغيل المسجل هو الحل ...

انا اكتشفت حل عن طريق الصدفة يمحيلك اكثر من 50% من صوت تنسيم الهواء ...

ألا وهو ؟؟؟!!!!!



لمسة زر بسيطة من اناملك الرقيقة على الزر الخاص بتنزيل القزازة


نعم ... لماذا تتعجب !!؟؟

... حاول انك تلمس الزر لمسة بسيطة جداً وتحاول تنزلها بضع مليمترات فقط ... سوف تكتشف انه قد اختفى اكثر من 50% من صوت تنسيم الهواء

*ملاحظة : بضع : البضع هو العديد القليل مابين الـ3 و الـ9

واكتشفت ايضاً ان التنسيم جزء كبير منه من الجزء الأسفل من الزجاج (نهاية القزازة بالضبط مع الخط الأسود)

واتوقع انه فيه جزء آخر من التنسيم بسبب الباب <--- مجرد توقع

عموماً انا حبيت اقولكم عشان الكثير الي يقلقهم هذا الصوت مثلي

وياريت لو تجربون وتعطوني آرائكم

وآسف على الإطالة ودمتم
.......................................
ابدااااااااااااااااااااااااااااااااااع

[بوسالم]

بخصوص التنسيم كل ما اشتري سيارة يديده من التويوتا في الدوحه ويطلع فيها صوت تنسيم مزعج مع التشييك الاول اقولهم ويعالجون الموضوع ببساطه ولا في صوت ولا شي الحين ومجانا مع التشييك الاول

[الساهـــــــــر]

مشكور على الموضوع وان شاء الله انه رايك يكون حل لك أفالون فيها تنسيم