[الكرولا الذهبي]

مرحبا شباب منتدى تويوتا العرب الغالين

شحالكم...عساكم طيبين...انا ودي ادخل بالموضوع عل طول

انا افكر اخذ موتر ثاني....وبخلي الكوكو للتعديل

انا اريد اقطب الكرولا...


واول شي افكر اسويه اني ارفع الابواب مثل اللامبرجيني...والخلفيه ايضا بس الخلف تنفتح ع الجوانب


المهم...وين اسوي هذا..ممكن تخبروني المكان الزين...وكم الاسعار...وانا اريد كراج يضبطه

100%.................واشكركم مقدما

[الكرولا الذهبي]

هههههههههه

معقوله ولا رد...اخوكم الكرولا الذهبي اول مره يطلبكم...


ماعليه.....يمكن بعدكم ماشفتوا الموضوع...انا متامل فيكم خير انشاء الله

ولاتقثصروا ويانا ياشبااااااااب

[قـ منسدح طو]

هلا اخوي على حسب اللي اعرفه يصلحونها في الرياض وجده بس وين بظبط والله ماادري لكن بعطيك معلومه فيه محل ورشه تصلح عنده ابواب لومبرقيني يصلح لك الشنطه والكبوت بالمجان

واسعارههم متفاوته كل ورشه ولها سعر



راح ادور لك ورشه بعينها عن الموضوع هذا


see you bro

[قـ منسدح طو]

رفع الابواب الاماميه والخلفيه والشنطه والكبوت

افضل مكان (سافانا ) سعرالباب الامامي 10 الف ويقولون الشباب انها رخصت و وصلت حدود 7 الف - الابواب الخلفيه ثمان الاف
الكبوت والشنطه بـ1200 و انا الصراحه ما انصحك فيها لان اسعارها نااااااااااااار
-----------------------------------------------------------------------------------------------
2 ((اليم )) سعره حلو ومناسب ويفتح الباب كأنه وكاله
الابواب الاماميه 4000 الى 5000
الابواب الخلفيه 5000 الى 7000
الكبوت والشنطه بـ500

وكل هذي الورش موجوده في جده ولا تسلني عن مكانهم لني ماعمري طبيت جده ولا شفتها في حياتي

:d

[الكرولا الذهبي]

اولا صباح الخير....واشكرك على الرد السريع ياخوي قطو منسدح

كفيت ووفيت

وبعدين انا من الامارات....يعني عسى انشاء الله واحد من الشباب يفسر لي المكان بالضبط

وبعدين...لو غالي...المهم عندي السياره تطلع جناااااااااااااااااااااااااااااان

لان عدنا بالامارات كثير اللي مسويت هذه الحركه

المهم اشكرك ياخوي على الرد السريع....

[بو سعود]

والله اخوي

ماعرف اماكن بالامارات

وانشالله واحد من اهل الامارات يخبرونك

والله يوفقك وانشالله نشوف كوكوك الحلو

[الكرولا الذهبي]

بمساعدتكم انشاء الله بيصير الكوكو ترتيب ميه الميه

[ق ق س]

والله وشوله الهبال رفعت الأبواب ويش فايدتها منظره بس يعني يا ناس شوفوني ...

بس لو تبي بجده إذا وصلتها أسأل أي وآحد لآبس جنز قله وين أزين ورشه لرفع الأبواب .....

ويدلونك والله يوفقك ....

أخوك ق ق س

[Blue Tooth]

المشاركة الأصلية كتبت بواسطة ق ق س

والله وشوله الهبال رفعت الأبواب ويش فايدتها منظره بس يعني يا ناس شوفوني ...

مين قالك هبال بالعكس جناااااااااااااااااان...

أخوي الكورولا الذهبي لما رحت للإمارات شفت كامريات وأكوردات معدلة على كيف كيفك والله ما شاء الله كل شيء في الإمارات حلوووووووووووووووووووووووو....

[الكرولا الذهبي]

وبالسعوديه احلى

اشكركم على الرد العجيب والمساعده الطيبه

وبعدين ق ق س اخوي....في ناس تحب التعديل وفي ناس تكرهه

وبالاخير...الامر كله راي وبس

وشكرا ع المرور

[مجنون الكرولا]

السلام عليكم ورحمة الله وبركاته
وشلونك اخوي الكورلا الذهبي انشاء الله بالف خير
رداً على موضوعك يالغالي :
إذا تبي تعرف وين الاماكن الزينه وكم الاسعار ما عليك إلا أن تدخل محرك البحث google وتكتب منتديات جده بويز وبعدين روح قسم الورش والتعديل وراح تلقا كل الي انت تبيه بأذن الله

وبعدين ترا أنا أفكر أني اقطب سيارتي من زمان وشكلك أنت بتسبقني والله حرام عليك أنا الاول

هههههههههههههه الله يوفقك يالكورلا الذهبي أتمنى أني أفدتك



وشكرا اخوك مجنون الكرولا

[الكرولا الذهبي]

انا الحمد لله بخير دام اعضاء هذا المنتدى بخير والحمد لله

وبعدين سالقة اني اعدل قبلك...مافي مشكله..انا وانت وباقي الاعضاء اخوان

اللي يعدل الكوكو ماله اول ينزل الصور...بس اعتقد انا يتاخر شوي

وبالتوفيج للكل انشاء الله...واشكرك على المرور