[غامد الأزدي]

السلام عليكم جميعا..............

شباب ارجو تقبل الموضوع بكل اريحية؟؟




ذهبت الى وكالة عبد اللطيف جميل و يا ليتني ما ذهبت.....

في البداية توقعتها سيارة فارهة من الدرجة الاولى وذلك لما رأيت في الصور و في موقع الشركة الرسمي

البدي الخارجي خفيف للغاية(( ادنى ضربة بتعدم البدي و تعفطة))
وجهيتها تشبة وجهية الكورولا بشكل كبير
ديكور داخلي مصنوع من اردى انواع البلاستيك حتى اللون الفضي اللي حول القير بدى يطفى لونة و يتمخش
(( لاحض ان السيارة للعرض فقط و لا تخرج من المعرض و لا تستطيع ركوبها اللا و الموظف معاك))
يعني محد يقدر يتعبث فيها ويمخشها او يسوي اي شي
باب المسجل بالعافية يفتح و يدقر تدقير قوي ما يفتح بالعربي اللا بالطقاق



السيارة بكل صراحة مجرد مقلب من تويوتا


ارجو عدم حذف الموضوع و هذة مجرد وجهة نظري.......

[ابوفيصل966]

مع احترامي لوجهة نظرك بس كلامك هذا كله ماشفناه ولله الحمد معنا السيارة ولا شفنا من كلامك اي شيء وارجو انك ماتبدي رايك في اي سيارة الا بعد تجربتها شخصيا مو مجرد طله في المعرض وللمعلوميه الافالون الموجوده في المعارض غالبا ماتكون النوع العادي

تحياتي

[برنس الورد]

والله انا ماركبتها بس شفتها
ياخوي لا تخوفنا الموتر زين

[المنسي]

ابو فيصل ماأدري انا سمعت ان معك افالون بالله عطنا رايك فيها كيف سيارة خط لاني بصراحه اسبوعيا مسافر رايح جاي

[الــوســيــم]

اولا : اشكرك اخوي غامد على الموضوع و على رأيك ..

و ليش احذف الموضوع ؟؟

لان هذي وجهة نظر شخصية و كل واحد يقدر ان يبدي رأيه بصراحه ..

ثانيا : ارد عليك في قولك انها سيارة غير فارهه ؟؟

فاقول لك ان الافالون تفوقت على اللكزس Es300 بكل المقاييس و الجميع يشهد على ذلك ..

و لو اردت ان تعمل مقارنه سوف تتعب ..

اما بالنسبة للبدي !!!

فانا استغرب انك تقول خفيف ؟؟


ياخي قوي و اسأل ابو فيصل لان عنده وحده ...

اا الديكور الداخلي من البلاستيك ؟؟!!!


فاظن انك شفت السياحي ..
لان الفل تخشيبه و خشب فااخر بعد ,...

يعني ما اظن انها لهالدرجة سيئة مثل ما تقول ..

اما بالنسبة لعدم الركوب ..

فهذا لان اغلب اللي عندهم سيارات مبااعه ..

اما باب المسجل !!

فبالعكس ..

انا شايفها سهل للغاية و ابو فيصل اخبر لان عنده وحدة ..

اما بالنسبة لانها مقلب !!

فبالعكس هذي نجاح جديد لتويوتا و يحسب لها ..

و اتمنى منك تقبل وجهة نظري ..

و عدم التشكيك بسيارة رااائعة مثل الافالون ..


شاكر و مقدر لك اخوي غامد ..

الــوســيــم

[المنعفط]

والله يالأخوان أنا جربتها ((أفالون فل كامل 2005 )) عن طريق رقم الجوال التالي 0551072403 بعد ما قال لي واحد إتصل عليهم وحدد موعد معهم ويجونك للبيت وتطلع وتجرب - بصراحة ما صدقت لين اتصلت وفعلا جاء للبيت وجربتها .............

السيارة من برا فخمة وأيضا من جوا ............... لكن المشكلة بالعزل الأرضي بصراحة سيئ جدا لايليق بسيارة بهالفخامة أبدا والله انقهرت وهونت اني اشتريها رغم إني حاجز من 3 أسابيع وإلى الآن ما جت والحمدلله إنها ماجت ، زد على ذلك تنسيم مع الأبواب والنوافذ .................... أرجو أن أكون قد وضحت لكم كل اللي صار بكل أمانة . وشكراً لكم .

[الــوســيــم]

اخوي اكرر كلامي ان الدفعتين الاولى من الافالون اتت بهذه المشكلة ..


اما الدفعات الجديدة فأنا اراهن على انها بدون هذي العيوب ..



لان تأخر الدفعات صار بسبب هذي المشكلة ...


و اتمنى اني اكون افدتكم ..


الـــوســــيــــــم

[* النهيم *]

[align=center]صراحة اخوي غامد
عندنا بالقصيم في معرض عبدالطيف جميل
افلون اقل درجة
وانا ركبته بالمعرض الباب حق المسجل تمام
ونك تقول انه مقلب من تويوتا راح اخلفك الراي
افضل سيارة اخرجتها تويوتا عام 2005
هي الأفالون وخاصه لونها الؤلؤي
ليت اللون يجي على كامري2005
[/align]