[الشمالي شمالي]

طيب أنا عندي سؤال ....... يا إخوااانَا....


موظف جميل وش دراه .. هي كامري وإلا أوريون .. حنا نصدق .. اللي موجود في موقع الشركة .. وإلا نصدق اللي يقوله موظف عبدالجميل .. فتويوتا شركة عالمية ... لا يمكن أنها ... تغرر زبائنها ...
فمبيعاتها ... في السعودية .... شيء لا يتصور ....


وبعدين يجيني ... واحد يقول ( موظف عبدالجميل قال وقال) (( ارحمونا عقولنا يا ناس) ...


ودمتم ..

وآسف .. للإنفعال .. ولكن ....... بغى يجيني هبال من هالكلام ( موظف عبدالجميل قال وقال إنها كامري))

[خلدون المالح]

السلام عليكم
يا اخي ايش المشكلة اذا قال كامري او اوريون
طيب انا عندي اوريون ومره لقيت سيارة تلحقني ويكبس بالنور
وقفت وكان في السيارة مجموعه من الشباب
قالوا ايش نوع السيارة قلت مكتوب ورى قال شفنا الكتابه بس تراها كامري
قلت لا اوريون قالوا ابدا كامري واحنا متراهنين على نوعها ابتسمت وقلت ايه كامري وفعلا حسيت انهم انبسطوا
على كل حال بعطيك مثال الياريس او الكرولا
لو نزلت بنفس مواصفات الاوريون
مكينة جبارة 6 سلندر 3.5
جير 6 غيارات
فتحة سقف وجناح شد بلد
مقاعد جلد
جنوط 17
شاشة معلومات
شاشة ملاحة
فتح السيارة والتشغيل عن طريق البصمة
ثق ان كثير من الناس بيشتروها وما يهمهم انها ياريس او كرولا
الموضوع في النهاية موضوع قناعة
انا رحت الوكالة وبشتري لكزس اي اس 300 خيار اول
افالون خيار ثاني
وشفت الاوريون وعجبتني واشتريت وما ني نادم بصراحة واعتبر اني حصلت على صفقة جيدة
لكن بعض الاخوان الله يهديهم ما يرتاح وتطيب نفسة الا اذا اعاب الشيئ الى ما يملكه
خذ بعض الامثلة
واحد في احد المنتديات يقول سيارة معفنه وتعبانه ووووو
ولو قلت له هل سقت السيارة بيقول لا ركبت فيها لا شفتها على الطبيعة احتمال يقول لا
واحد ثاني قال الى يقدر على قيمة الافالون وبشتري الاوريون مغفل
طيب غالبية الى معهم الاوريون قادرين على قيمة الافالون واللكزس اي اس والله يخلي نظام التأجير المنتهي بالتملك الفرق في القسط لن يزيد عن 200 الى 300 ريال ولكن الموضوع موضوع قناعات واذواق الناس تختلف ولو تساوت اذواق الناس كان من زمان افلست كافة شركات السيارات وبقية شركة واحدة تنتج سيارة واحدة
اخيرا واحد قال اشتريت الاوريون واستخدمها اسبوع وبعتها بخسارة واشتريت كامري 2006 6 سلندر افضل واقوى ووووووووو ولما سأله احد الاعضاء وين بعتها وفي اي معرض قام يلف ويدور ويتهم الاخرين بتكذيبه
والى يومك ما دخل الموضوع
هذا الى عندي واذا عجبتك السيارة الاوريون او غيرها اتوكل على الله واشتري بس لا تنسى الاستخارة ومبروك مقدما

[حسونه]

تبي الصدق
هي كامري جراندي
وسلامتك

[كامري الزياد]

الاورين

انا ركبتها والصراحه كايفه

سياره ماهي زي الكامري سمعتها واصله المريخ
سياره شكلها الخارجي من قدام عاقل من ورا شوي مزحفه

بس من يوم دريت انها استرالى طاح من عيني الاسترالى انا مجربه بالكامري2006
غثني مهوب اصلى بس الاورين مدري عنها

[الشمالي شمالي]

السلام عليكم ورحمة الله وبركاته
أخي .. ( خلدون المالح )
تحية طيبة وبعد، وشكراً على حسن المداخلة وحسن الكلام،
ما مو شكلة كامري أوريون بس، ودّك إن الشخص يكون له رأيه حتى ولو كان خطئ ما هو ( يدربي راسه) ما قالوا قال، وما فعلوا فعل...
أما من يقول شريت ثم بعتها .. هذا يحب إنه يُحمد بما لا يفعل يقول صلى الله عليه وسلم ( المتشبع بما ليس فيه كلابس ثوبي زور يوم القيامة)
كلامك عن الأوريون جميل جداً وأنا عندي قناعة فيها، بس كنت أريد من شراها يعطينا رأيه فيها خصوصا الفئة التي بدون شاشة ملاحة...
والله الموفق



أخوي
** حسونة**
الله يحفظك وشكراً لك، وهي فيها تشابه من الكامري، ولكن ليست كامري..
توقيعك جميل جداً جداً زادك الله من فضله، بارك الله فيك...


أخوي ّّّّّّ كامري الزياد ّ
وإن شاء الله إنها تكون كايفة بالحيل...
جزاك الله خير ..

[جمس الجموس]

شباب بإختصار
تسمى الاريون كامري
الصين واليابان
وفيه صور انها كامري
هذا راي شخصي
ولست متعصب لاي سيارة
ومشكوورين

[الباااااريسي]

المشاركة الأصلية كتبت بواسطة كامري الزياد

الاورين

بس من يوم دريت انها استرالى طاح من عيني الاسترالى انا مجربه بالكامري2006
غثني مهوب اصلى بس الاورين مدري عنها

الاوريون استرالي ؟
انت متاكد من كلامك ؟؟؟
ياليت تتاكد وترد علي
توني ادرري ان الاوريون استراالي هج

[سوبر انفينيتي]

الأوريون 100% استرالي .... صناعة وتصميم ....

[الكرولا الذهبي]

ياجماعه ليش التعصب هذا

نحن بنمشي على الاسم اكيد مش على الموظف

ولو ياني واحد من موظفي الوكاله وقال الكرولا مالك لومينا ......يعني خلاص بقول هذه لومينا

ياخي افرض ان الموظف مايعرف بشي...وهذا حال بعض الموظفين اللي عدنا

انا امشي على المكتوب على السياره

هذه اسمها اوريون...ووداعا للكامري....خلاص مافي كامري 6 الآن اوريون

وثاااااااااااااااااااااااااااااااانكس

[الشمالي شمالي]

شكرا على ردودكم جميعا...

والأوريون كما هي مكتوب في السيارة أسترالية ...

والأوريون .. أوريون .. والكامري كامري ..

[ل ك س]

بالنسبة للأوريون هي في الاصل تسمى كامري في اليابان وهذا الشيء شفته في احد المواقع وكلام 100% صحيح .

بس عبداللطيف جميل حب يلفق للناس ويغير بدال كامري اوريون وهذا اللي صار عشان كذا لحد يستغرب اذا شرى اوريون وسموها الناس كامري .

[هايلكس_2002]

المشاركة الأصلية كتبت بواسطة ل ك س

بالنسبة للأوريون هي في الاصل تسمى كامري في اليابان وهذا الشيء شفته في احد المواقع وكلام 100% صحيح .

بس عبداللطيف جميل حب يلفق للناس ويغير بدال كامري اوريون وهذا اللي صار عشان كذا لحد يستغرب اذا شرى اوريون وسموها الناس كامري .

عزيزي الأورين موجوده بهذا المسمى في استراليا وجميع دول الخليج...

هذا موقع الأوريون الاسترالي تقدر تتأكد بنفسك

http://www.aurionv6.com.au/toyota/aurion/#home

[هم الليل]

ياخي اسمها اوريون ونقول كامري

الا بالغصب كامري ؟؟؟؟؟؟؟

لا يطلعلي واحد بكره ويقول جمس بس

السياره استرالية وسموها اوريون وفي موقعها اوريون نرجع نقول الموظف قال كامري وين نصرفها ذي؟؟

اصلا الموظف اهم شي عنده مبيعاته ودها تجي اوريون ولا دباب

عندي في الاستماره اسمها اوريون وبس

والي اخذ كامري ونفسه في اوريون ياخي يبيعها و يزودله دراهم وياخذله اوريون ولا يجلس كل كلمه والثانيه كامري

خلاص ولا زمان الكامري 6 سلندر من الماضي

(( اوريـــــ اوريون ــــــــــ اوريون ـــــــــــ اوريون ـــــــــــ اوريون ــــــــــــــــ اوريون ــــــــــــــــــون))

افهمو ياعالم

[بو سعود]

ازهلها بس وروق