[السكروب]

السلام عليكم أخواني
حبيت أقولكم عن تجربتي بكامري 2007
كنت أمشي 180 على الخط السريع وكان الخط قدامي فاضي
قلت ياولد خلنا نجرب كم تجيب الكامري
وحطيت رجلي على دعاسة البانزين ويوم وصلت السيارة 210 ثقلت
ويعد نص دقيقه تقريباً وصلت 220 أدعس أبي عيت لا تزود عن 220
وصدف إن فيه سيارة قدامي قلت خلنا نجرب التجاوز على 220 ويوم لفيت على المسار الثاني
أبي أتجاوز نزلت السيارة إلى 210 ويوم إستويت على الخط صارت 220
وفيه بعض الإخوان قالو إن سياراتهم ماتجيب إلا 210 فعلاَ 210 للي مايعرف بنص الكامري الجديد
إكتشفت إن إذا ضغطت على البنص كله راح تجيب 210 وتوقف
ولاكن ثبت رجلك على البنص مو للأخير قبل الأخير بشوي راح توصل معاك لـــ 220
أما بفض الإخوان الي يميدحون سياراتهم ويقولون تجيب 240 مع إحترامي لهم
الكلام هذا مو صحيح إلا السبورت يمكن ولاكن بحكم معرفتي بالسيارات الكامري 2007
سرعتها الفعليه 220 وبس
وطبعاَ الضغط راح يكون خمسة ونص على سرعة 220 ويوقف ونسا إنه يرتفع أكثر من كذا
إلا إذا عدلت البرمجه الي هي الفصلة راح توصل معاك لـــ 240 والضغط على 6 طبعاَ
ولاكن برمجة الضغط على خمسة ونص له فوائد كثيره من أهمها المحافظة على مكينة السيارة
هذا الكلام الصحيح الي عنده أي إعتراض على كلامي أتمنى إنه يجيب الدليل
ويصور سيارته على 240 ولا يحتفض براية لنفسه وشكراً

[ق ق س]

والله كلامك صحيح يا السكروب

بس بجرب تجيب 220 على الدعسه مهب كامله وبعد بجربها بنزله بعد ....

ق ق س

[اسير الذكرى]

أخي السكروب
معاي كامري رياضية والله وصلت لين 240 والضغط تقريبا على 6
وان شاء الله اسجل مقطع فيديو وأنزله
في أقرب فرصه
على العموم انا ضد السرعه إذا كانت فوق 180

[ابوميس]

كلامك صحيح ياخوي السكروب حدها 220

[السكروب]

مشكورين إخواني على الردود
والصراحة شي يفشل 2005 تسبق 2007 لاكن الشكوى لله

[اقوئ كامري]

انا عندي كامري 2003 توصل 240 هاذي والله افضل من الكوامري الي الي بعدها

[أبحث عن جيب]

بالرجوع إلى كتالوج السيارة كامري 2007 جي أل

أتضح أن الكامري أقصى سرعة لها 200 كم / ساعة

كيف تمشي أكثر من كذا ؟؟؟؟

[الجوفلي]

انا جي ال اكس تقفل معي ب 210

اخر حد لها

[ولد الغريف]

2006 طبلونها 240

[عاشق الكمر]

مع أني لا أرى فيه فائدة خرجنا منها ألا أني أشكرك أخي السكروب

[عضو جديد جداً]

ياشباب الي ظاهر على طبلون شي والواقع شي ثاني ...

يعني مكتوب 240 مو دليل أنها تمشي 240 الطبلون محدد بــ 200

مثل السيارات الألمانية مكتوب على الطبلون 260 أو بعضها 280

لكن أقصى سرعة لها 250

يعني لو تقيس السرعة الحقيقية تجدها دائماً أقل ...............

[*الغامدي*]

والله مانتم صاحين وش 210 و180 هذا انتحار انا حدي بأي سياره عندي 120 واذا مستعجل مره مره 140 هذا طبعا بطرق السفر غير كذا يفتح الله ( داخلين حلبة سباق)

انتبهوا لأعماركم لاسمح الله يضرب كفر يصير خلل بالسياره والله ماعاد تمسكها زي الورق

[الوريث]

سكروبي العزيز العلة مهي في رفع البنزين شوي.. العلة في إن منحدر غير مرئي ساعدك.. وفعلا حد السيارة 200 فقط إذا الأرض مستوية 100%

وبالمناسبة السيارة خطيرة جدا بعد سرعة الـ 160... وأقصد أنك لن تستطيع السيطرة عليها مهما كنت حريف