من يريد طريقة فصل مانع الإلتصاق للعجلات (التراكشن) يتفضل

رومنسية البدر · 02-03-2007, 05:06 AM

السلام عليم
حصلت قبل فتره على طريقة فصل التراكشن vsc‏ في الأفالون وطبقت الطريقه ونجحت معاي وصارت قومه السياره قوية ومذهله
أول مافصلته طلع لي بالشاشه vsc ‎
و عطيت السياره دعسه كامله من الصفر
بدلت أول تبديله والسياره في مكانها
بس لحد يجرب على قار (ازفلت) خشن
لأن الكفرات راح تنعدم بسرعه

وكل شي يرد طبيعي إذا طفيت السيارة وشغلتها
يعني يبقى التراكشن شغال

وأنا بصراحه ماراح أقول الطريقه إلا
أولا : إذا سمح لي مشرف المنتدى
ثانيا: إذا وافق الأغلبية على طرح الطريقه

واللي يبي طريقة فصل مانع الإلتصاق للعجلات (التراكشن) يكتب موافق
واللي رافض شرح الطريقة يكتب غير موافق

وعلى فكره الطريقه سليمه وخالية من أي عبث كهربائي أو ميكانيكي

وأنا في إنتضاركم

الأمازون · 02-03-2007, 05:34 AM

ياليت تكتب الطريقة

و أكون لك من الشاكرين

إيسوزاوي · 02-03-2007, 11:48 AM

يا رجال اكتبها احنا في الانتضار .. ومشــكور مقـدماً ,,

هادي جدا · 02-03-2007, 02:15 PM

ألحقنا بها

الفيتو · 02-03-2007, 02:51 PM

السلام عليكم

موافق

عاشق منصور · 02-03-2007, 03:26 PM

نحن في انتظار الطريقه لا تتأخر علينا قولناكيف الطريقه ...

مع اعتقد انو في احد بيرفض ولا حتى المشرفين اعتقد كل الي معهم افلونات اشخاص راشدين يعني اعمارهم فوق ال 18 سنه عندهم عقول ويعرفون الصح والغلط. يعني لا تخاف بناخذ حذرنا وما نسويها الا قليل جدا.

في انتظار ردك...

رومنسية البدر · 02-03-2007, 04:22 PM

اوكي يا إخواان بقولكم الطريقه ( جربتها على سيارتي أفالون ليمتد 2006 )

طبقوا خطواتي بدقه بدقه بدقه بدقه بدقه .. وإلا ماراح تضبط معاكم

تابعوا بدقع الخطوات

1 - قبل تشغيل المحرك اسحب السايد ( اللي تسمونه الجلنط ) اللي موجود تحت
2 - شغل المحرك
3 - اضغط على الفرامل "بريك" ضغطة كاملة بقوة و ارفع رجلك واضغط مره ثانيه *وثبت رجلك*
4 - افصل السايد ( لاحظ إن رجلك مازالت ضاغطه على البريك )
5- إسحب السايد ( لاحظ إن رجلك مازالت ضاغطه على البريك )
6-إفصل السايد ( لاحظ إن رجلك مازالت ضاغطه على البريك )
7- إسحب السايد ( لاحظ إن رجلك مازالت ضاغطه على البريك ) وبعد سحب السايد شيل رجلك عن البريك
8 -والآن اضغط على البريك وشيل رجلك واضغط مره ثانيه وشيل رجلك

إنتهت العمليه بنجااااااااااااح
بعد الإنتهاء من الخطوات بتشوف في الطبلون مكتوب Vsc باستمرار .. وراح تختفي إذا طفيت السياره وشغلتها

ملاحظة هامه : كل واحد عقله براسه ويعرف خلاصه .. وديروا بالكم من الطريق

الطريقه بعد الفهم بإختصار
دبل بريك مره والمره الثانيه ثبت رجلك
حرر السايد واضغطه وحرره مره ثانيه واضغطه
دبل بريك مرتين وإنتهت الطريقه

ملاحظــــــــة : الطريقه غير منقوله من أي منتدى .. وصلتني بطريقه سريه

وبالتوفيق

جربوا وردوا لي خبر

رومنسية البدر · 02-03-2007, 04:26 PM

إحم إحم .. ودي أشوف هالموضوع مثبت

جداوي غير · 02-03-2007, 07:09 PM

مشكور يالغالي وماقصرت كفيت ووفيت

الــوســيــم · 02-03-2007, 08:03 PM

هههههههههههههههههههه اخوي الكريم رومنسيه ،،

ما عندي اي مانع يا الغالي ولا معارضه و على قولتهم عقلك في راسك تعرف خلاصك ،، :d

يعني اظن كل شخص مسؤول عن تصرفاته ،،

و اشكرك على الطريقه و مسمار التثبيت انطق على الموضوع ،، :d

الــوســـيـــم

رومنسية البدر · 02-03-2007, 08:15 PM

أخوي الوسيم
مشكور على المسمار الرائع
تحياتي لكم

أسير الهمسات · 02-04-2007, 12:57 PM

مشكور أخوي على الطريقه أنا من زمان افكر افصله
بس ما عرفت شو هذا الي اسمه ( السايد)؟؟

رومنسية البدر · 02-04-2007, 01:59 PM

السايد = الهاند بريك

مهووس الافالون · 02-04-2007, 02:31 PM

انا توقعت من اخوي رومنسية البدر انه بيعطينا الطريقة النوويه اللي اكتشفوها ايران وحظر دولي وما ادري ايش تصدق عاد اخوي كان معي اس اس قبل الافالون وكان فيه زر فاصل التراكشن بس ما احس اني بعد ما افصله تزيد قوه القومهمدري يمكن انا غلطان ......
تحياتي اخوي رومنسيه البدر

رومنسية البدر · 02-04-2007, 03:02 PM

الجميع دون إستثناء .. شكرا على المرور

رومنسية البدر · 02-04-2007, 03:26 PM

ملالالالالالالالالالالالالاحظة : تطبيق الطريقه يبيله سرعه شوي ..
يعني إذا طبقت على البطيء ماراح تضبط معاك