[دحومي 18]

اهلين شباااااب كيفكم


اولا انا اكتب هالموضوع وهي قافله


ياناس وكالة سيارات اد الدنياء مايعرفون شي والله مهزلة


اليوم انا عندهم في الوكاله وسألتهم متى بتجي سيارتي اللي لها حول الشهرين وانا حاجزها قالوا ماندري يمكن شهر يمكن شهرين

سألتهم كم رقمي في السرى قالوا ماندري

سالتهم وش الالوان اللي هم طالبينها قالوا ماندري

سالتهم كم سيارة يمكن تجي قالوا ماندري


قفلت معي قلت وين المدير قالوا هناك اشوى عرفوا وينه فيه

رحت له قلت هذا اللي بيجيب العلم سالته نفس الاسئله قال ما ادري قلت استحوا على وجيهكم وكاله كبر بليس ولاتدرون عن شي .


ماتدرون عن طلبيتكم
ماتدرون عن الألوان
ماتدرون عن الطلبات
ماتدرون وش اللي بيغطي واللي مايغطي
واللي ماكلها انا وشرواي


وفي الاخير قالوا لي الي نعرفه اننا نحجز وبس اه بس اااااااه

[qqq]

الله يكون في العون.........

[الــوســيــم]

شكل اللي انت رايح هم دلووووووووووووووخ .

ههههههههههههههههههه


ياخي انا رايح لفرعين و كلهم يعطوني معلومات ..

جرب رح لفرع طريق الملك فهد في الرياض ..


و انا سائلهم و قالوا لي كل شئ ابيه و متى راح توصل الدفعات حتى ..


و الضغط يقولون على اللون الؤلؤي و اي لون ثاني موجووووووود ..

و الي حاجزين لؤلؤي فل اوبشن 1070 طلب موجود الآن


و انا ما ادافع عنهم ,،


انا اول واحد ودي افقع وجيههم ..

و كم مرة بغيت اتوطى في بطن مندوب المبيعات حقي ..


لكن ربك ستر ..



عموما اتمنى اني قدمت لكم معلومات مفيدة ..

[دحومي 18]

مشكور اخوي الوسيم على المعلومات والله انك احسن منهم

هنا المشكله ان الوكالة اللي رحت لها ماعندهم ماعند جدتي والمشكله انها الاكبر بين هالفروع وهي اللي على طريق العليا

واذا كلامك ان اللؤلؤي عليه 1070 طلب فوالله رحنا فيها والله لو تجي معهم نيسان مايمديهم يوفرون هالطلب


مشكووووور اخوي الوسيم و اخوي qqq على مروركم