[* عـربــاوي*]

السلام عليكم ورحمه الله وبركاته

اخوكم عرباوي من الكويت ,, محتار ماني عارف شختار .. (ياسلام عالسجع ) , ونبي نصيحتكم مع التعليل لو سمحتوا

صراحه سيارات لكزس رووعه وعشان جذي محتار .. بقوولكم تفاصيل كل سياره من ناحيه الرفض والقبول
ميزانيتي بحدود ال 12 الف و 500 دينار = 156,250


================

GS :هذي سيارتي المفضله بلكزس .. وبالنسبه لي ؟ ماشوف فيها اي عيب .. سياره سبورت وعائليه بنفس الوقت .. وتكنلوجيا رهيبه .. وشكل خطير .. بس نفس مانتوا عارفين ,, سعرها حيل مبالغ فيه وهذا اهو سبب رفضي لها ..

Es-2007 : هالسياره ساعه تدش مزاجي ,, وساعه لاا! .. مرره اشوف ان حجمها حيل كبير وحيل رززه وداخليتها روعه ومميزات جميله .. وسعرها مقدور عليه .. ولكن ساعات احس انها افالون متنكر (مع احترامي لاصحاب الافالون السياره الجميله ولكن لا يجب ان تقارن بلكزس) لان مكينتها نفس مكينه الافالون بالضبط (حسب معلوماتي) + دفع امامي على عكس السيارات الفارهه مثل gs و LS وسيارات مرسيدس وبي ام

IS 2007 : ياسلام على هذي السياره ,, لوون اسود مع جناح خفيف بالخلف .. يطلع منظرها مو طبييييييييعيييي .. بالاضافه الى مميزاتها الخرافيه .. وسعرها المميز بالنسبه لصفاتها .. بالاضافه انها تشبه كثير GS من ناحيه الميكانيكا والتصميم (دفع خلفي) .. ولكن الناس تقول انها صغيره , انا عزابي هالفتره بس ابيها سياره عمر واخاف اتزوج وتضيق علينا السياره ؟ فمادري محتار والله


+أفالون :: مواصفات تقارن باللكزس خصوصا انها تقترن بمكينه ES وداخليتها عجيبه بالاضافه الى التسارع الرهيب 6.6 .. واسعه ورحبه .. لكن بالنسبه للسيارات المذكوره .. تضل لكزس لها رونقها الخاص وهذا سبب يجعلني ربما اتجه الى اللكزس اكثر ..


------------------


وبالنهايه عندي جم سؤال ::
كم يبلغ تسارع ال is 300 ::
كم يبلغ تسارع ال gs300:
كم يبلغ تسارع ال es350 :
كم يبلغ تسارع الافالون :: 6.6





ياليت يا شباب تجاوبون على استفساراتي
1- اي سياره اختار مع سبب الاختيار ؟ اذا في خيارات اخرى لا مانع : )
2- تجاوبون على اسئله التسارع الله لا يهينكم




في النهايه مشكوورين مقدما وادري ماوراكم قصور ياعيال العم : )

[* عـربــاوي*]

شباب نمت وقعدت وتريقت واكلت والحمدالله شبعت وماكو احد رددد : |

يالله يا شباب شدوا الهمه !

[بو سعود]

يارجال خذ Is

[إيسوزاوي]

اللي فهمته من كلامك انك عزوبي .. اعتقد ما يبيلها .. Is و بس ..

[فهد البوعينين]

نصيحتي اخوي

خذ Is اذا ما يهمك الحجم مع ان حجمها بالنسبه لي معقول جدا

واذا انك تريد حجم اوسع وتقدر على Gs فلا تفوتك

انا برأيي لا تطلع من هالخيارين واسئل مجرب

[الافق]

نصيحتي اخوي
افالون بدوووون تردد ..

تحياتي

[كام كبريتر]

ياخوي الى طعتني الى انت تبي لكزس لاتاخذ الا Gs ولا Ls ولا Lx

[حسينوو]

انت عزوبي واذا تزوجت راح تناسبك انت وزوجتك

وعلى ماتجيب اولاد ويكبرو ويضيق عليهم مساحه السيارة ( يعني بعد 5 سنوات او اكثر ))

يعني Is حلوة لك وتناسبك واكشخ فيها انت وزوجتك في المستقبل انشالله

انا هذي وجهة نظري

واخدت السيارة على هالمنطق ان لساتي متزوج وماعندي اولاد يعني اذا جاني ولد او ولدين يبغالهم 5 سنوات ويكبرو ويبان الضيق في السيارة بعدين ( بعد 5 سنوات ) اكيد راح تفكر في سيارة عائلية عشان الاطفال يفرحو فيها

هذي رايي الشخصي وتقبل تحياتي


----
بالنسبة للمقارنة بين اللكزس والافالون اشوف ان اللكزس تتفوق بشكل ملحوظ

من ناحية الحجم اللكزس اصغر حجمها وع هذا من الداخل حجمها معقول
اللكزس فيها مواصفات اكثر وجودتها اقوى
لو قارنة السعر بتلاحظ ان في فرق لاكن شوف المواصفات
يعني لو مواصفات اللكزس موجودة في الافالون بتلاقي الافالون بنفس سعر اللكزس ويمكن اغلى منها

[*علي*]

لاتاخذ دفع امامي
انحااااااااااش منه مشاكله كثر التراب ماتنتهي
-----------

مالك الا Is

قممممممممممممممممممممممممممممممة

[* عـربــاوي*]

مشكورين يا اخوان .. والحين العين على ثلاث سيارات

يا is او gs او infiniti fx

يعتمد بشكل كبير عالميزانيه : )

وشاكرين لكم على حسن مروركم وردودككم : )