[ديجتال]

اخواني

بصراحه اخونا المستقبل الماضي ماقصر بوضع موضوع مستقل للإجابه عن كل الأسئله بخصوص السياره ويشكر عليه ولكن انا حبيت انكم تتطلعون على هالإسئله والملاحظات لأنها تهم مالكي هذا النوع من السيارات وأتمنى ان لاتبخلون بالإجابه:

1- الأ نوار الداخليه مره ضعيفه يعني اللي يلبس نظاره بتكون معاناته اكبر. ولازم الواحد يستعين با لإناره المخفيه تحت المظله الشمسيه. بصاراحه انا اعتبره عيب وودي اذا احد عنده طريق لزيادة النور الداخلي انه ينورنا.
2- انا اعلم ان نظام اللكزس من الأنظمه الذكيه, يعني انس ان البطاريه تنتهي بسسب نسيانك الأنوار الخارجيه مفتوحه ولكن هل الأنوار الداخليه تنطفي اتوماتيكيا بعد فتره من اطفاء السياره. لأني لا حظت انوار الزنون الأماميه والخلفيه تبقى مفتوحه. واذا بقيت مفتوحه فهل من الممكن تخلص البطاريه .
3- طبعا اول ماتشغل السيار يتصل جوالك با لننظام اتوماتيكيا. والسؤال انه اذا حولت المكالمه على الجوال لا تستطيع الربط مرة اخرى مع جهاز السياره الا بحالتين, اما تطفئ السياره او تروح للظبط ثم تشبك البلوتوث. وان ودي اعرف اذا فيه طريقه تخلي الجوال يشبك مره ثانيه توماتيك . بعد مادري يمكن يعتمد ع نوعية الجوال ؟
4- انا لاحظت ان السواق اذا فتح بابه قبل الراكب (طبعا بدون ما يستعمال الأزرار اللي ع الريموت) , الراكب ما راح يفتح له الباب وعشان يركب لا زم انك تفتحله بزر القفل اللي داخل السياره. الخلاصه, يعني اذا قربت يم السياره لازم تخلي الراكب اول يفتح بابه ثمن تركب. وش الحل؟
5- هل نظام شبابيك لكزس يتوقف عن الإقفال اذا وضع الأطفال اصابعهم؟
6- هل حرارة السياره تعتبر طبيعه اذا كان مؤشر الحراره ع الربع او اعلى بقليل خاصة في هذه الأجواء البارده .

واخيرا فائده للي مايعرفون انه اذا ضغطت على زر القفل اللي ع الريموت او الباب لمدة 5 ثواني, فاعلم ان كل االشبابيك المفتوحه و فتحة السقف تقفل اتوماتيكيا حتى لو كانت السيار مطفئه .

[المستقبل الماضي]

1 ) لا اعتقد هناط طريقة لزيادة النور الداخلي
2 ) تنطفئ الأنوار اوتوماتيكيا بعد اطفاء السيارة
3 ) عندي نفس المشكلة وجوالي هو نوكيا
4 ) كلامك غير صحيح فعندما يلمس السائق يد الباب تفتح جميع الأبواب تلقائيا
5 ) لا
6 ) الوكاله ابخص وانا اخوك

[الذيــب]

اخوي المستقبل الماضي

ماعتقد ان الابواب تفتح كلها توماتيك مثل ماقلت في الفقره 4

و اذا تعرف طريقه علمنا وانا اخوك

[سجلت اخيرا]

النقطة رقم (4)

اذا مسكت مقبض باب السائق يفتح فقط باب السائق

اما اذا اردت فتح الابواب كلها فاستخدم مقبض الباب الخلفي

[مجردانسان]

حبيبي اذا فتحت اي باب كل الابواب تفتح الاربع

[ديجتال]

اخوي المستقبل الماضي انا عملت تجربه ع انوار الزنون الداخليه عشان اتكد من كلامك لأكثر من ساعه ولا أنطفت. ارجو انك توضح كيف تصير اتوماتيك.

يا شباب وشفيكم ركزتم بس ع فتح باب الراكب مع ان حلها زي ما قال اخونا" سجلت اخير " با ستخدم مقبض الباب الخلفي. انا ودي احد كمان يفتينا في حكاية الجوال.

[المستقبل الماضي]

المشاركة الأصلية كتبت بواسطة ديجتال

اخوي المستقبل الماضي انا عملت تجربه ع انوار الزنون الداخليه عشان اتكد من كلامك لأكثر من ساعه ولا أنطفت. ارجو انك توضح كيف تصير اتوماتيك.

يا شباب وشفيكم ركزتم بس ع فتح باب الراكب مع ان حلها زي ما قال اخونا" سجلت اخير " با ستخدم مقبض الباب الخلفي. انا ودي احد كمان يفتينا في حكاية الجوال.

لم افهم ماذا تقصد يااخوي

انا عندي اذا سكرت الباب تطفي جميع الأنوار الداخلية والخارجيه بعد عدة ثواني
اما الباب فعند مسك باب السائق تفتح جميع الأبواب
والجوال ...اللي عنده حل ينورنا

[ديجتال]

عزيزي .... طول بالك علي شوي
عشان اكون واضح اكثر, جرب انك تفتح الأنوار الصغير واللي هيه اصلا زينون وخليها بعد ما تطفي السياره ( سوي نفسك ناسي). وسكر السياره وراح تلاحظ انه كل الأنوار الداخليه انطفت ماعدا الزينون تبقى والعه. بعد كم دقيقه ارجع للسياره وانتبه يكون المفتاح في جيبك وراح تشوف المفاجاءه.

اما بالنسبه لباب الراكب فيمكن انك ما عمرك انتبهت. ولكن يمكنك التأكد بأن تقفل جميع ابوب السياره ثم ارجع للسياره وطبعا المفتاح راح يكون في جيبك. راح يفتح معاك باب السائق بعد سحبك ليد الباب فقط ( أي بدون ضغط الزر الأسود الذي ع الباب) ثم تخلص من المفتاح (يعني ضعه على المقعد الأمامي ) وخليك برى السياره .....و الحين روح جرب افتح أي باب(سوي نفسك راكب).......راح تلاحظ انه كل الأبواب مقفله
الخلاصه: انه ممكن تنفتح الأبواب كلها عن طريق ريموت السيار .... ولا كن يشين اللي تعود انه ما يطّلع المفتاح من جيبه


ع العموم الموضوع اخذ اكثر من حقه واتمنى انا ما نركز على هذي النقطتين وبس.

[بحر جده]

اخوان في طريقه تقدر تبرمج فيها المفتاح والابواب اللي تفتح معاه (تقدر تبرمج كل مفتاح لحاله) الطريقه بتلاقونها في الكتلوج وانا مجربها ..

بالنسبه للاضائه فافضل طريقه انك تخلي النور على وضع الاوتو وهي تشتغل وتطفي اوتوماتيكي وبدون مشاكل .. نفس الشي للمساحات

بالنسبه للجوال فتعتمد على نوعية الجهاز . كان معاي جامن وكنت اذا فصلته يرجع بدون اي مشاكل
واللحين النوكيا اواجه فيه نفس المشكله اللي تواجهكم ..
ايضا الاريكسون في اضافه ثانيه وهي انك تقدر ترسل كل قائمة الاسماء الى القائمه اللي بالسياره دفعه واحد بدل ماترسل اسم .. اسم في النوكيا

سؤالي هو لنقول ان السياره انسرقت والمفتاح معاي .. هل راح تتوقف السياره بعد فتره معينه (لان بعض الاوقات اذا كان المفتاح مفعوس جوا تطلع لي مسج ( key is not detected )

ايضا اللي مجرب يسكت صوت الحزام ( بغير طريقه بطاقة سوا ) يعطينا خبر .. لان الوضع مع الحزام مأساوي

[المستقبل الماضي]

شكرا اخي بحر جده على معلومتك عن الجوال بس سؤالي هل جربت K-jam مع السيارة واشتغل

اعتقد ان السيارة تنطفي لو ابتعدت مسافة معينه

صوت الحزام ممكن ان يفصل بالوكالة على مسئولية الزبون لكن المشكلة ان الأريباق لن تعمل لو حصل حادث لا سمح الله

[*الغامدي*]

يااخوان افضل انه مايفتح الا باب السائق ياكثر السرقات هالايام واحس فيها خطوره لو تفتح كل الابواب

واللي يبي الابواب كلها تفتح الله لايهينه كلها ضغطة زر بالريموت

الله يذكر ايام زمان نجلس نط من مقعده لمقعده عشان نفتح الابواب

[ديجتال]

اخي بحر جده مشكور ع المداخله. بس ياليت تبين لنا كيف نبر مج المفتاح لأني فتحت الكتالوج وماهو مبين الطريقه بالتفصيل. وما هي البرمجه لتي تستطيع بها تغيير وضيفة المفتاح.

اما بالنسبه للأنوار ( الزنون البيضاء الصغيره وليست الصفراء) فأنا مصر انها لا تنطفي حتى على وضع الاوتوإذا نسيت النور والع.

[راكـــES350ـــان]

يعطيك العافيه يا أخ ديجتال على هالموضوع
لأن هالمواضيع هي إلي تفيدنا بحيث إن كل شخص يخترع أو يعرف شي حتى لو عنده تافه وبسيط ممكن عنده غيره تكون هذي أول مره يعرفها
وياليت أهل الخبره يضيفون لنا المزيد من المعلومات عن خفايا هالسياره
ومشكله الجوال والانوار الداخليه إلي يتكلم عنها الاخ ديجتال


إستفسار لو سمحتم لي
هل مثلا لو سافرت لي مده شهر أو أقل ووقفت السياره هل ضروري أفصل البطاريه وإلا عادي مو شرط أخاف الواحد يرجع من السفر يحتاج لي إشتراك عشان تشتغل
وهل فعلا السياره تطفى لو أنسرقت والمفتاح في جيبك