[ابـ الدحمي ـو]

لسلام عليكم

الحمد لله انا شريت كامري 2007 glx وعقبال للجميع !

انا مزعجتني ريحة غريبة زي ريحة الحرق او الفحم ******** مدري هذي ريحة الماكينة لا صارت جديدة ؟؟ ولا وش السالفة ؟؟

طبعاً الريحة تبان اذا نزلت من السيارة ،، اما جوا السيارة ما فيه شيء
والريحة مو مرة قووووووية


ياليت تخبروووووووووني !
وشكرا لكم

[مبرمج]

والله ما اخبر لا ريحة حريقة ولا فحم ..

اظنك شميييت الريييحة من زيااادة الحرص والخوف عالموتر الجدييد ..!

[عطر الحياة]

مبروك يالدحمي السياره عقبال البي ام

عموما ترى الريحه طبيعيه جدا انا اول يوم شريت سيارتي نفس الحكاية ريحة حريق اذا نزلت من السياره جاي من مشوار .
وترى يوم سألت واحد خبره في السيارات قال هذي طبيعي لان السياره توها جديده وباقي مع حركات اجزاء السياره تطلع ريحه حتى تتعود السياره بعدها تروح وفعلا جلست معي اول اسبوع بعدها معاد شميت ريحه ..

[ابـ الدحمي ـو]

الله يجزاكم خير جميعاً
،،
ما قصرتوا على الرد السريع .. !!


على فكرة اخوي عطر الحياة كيف صوت المكينة عندك ؟؟
قوي ولا مو قوي ؟ ( أقصد داخل مقصورة الركاب ) !!

[السكروب]

أخوي طبيعي الريحه أول ماتشتري السيارة
أما صوت الماكينه لكامري 2007 أقوى من الكوامري الي قبل

[ابوميس]

الريحة كانت تجيني اول الفين كيلو يعني السيارة جديدة بس الحين الحمدلله ماعد تجي وبنسبة للصوت
فاعتقد انه مرتفع عن الموديلات السابقة

[ابـ الدحمي ـو]

فعلاً الصوت مرتفع بزيادة عن الموديلات السابقة
،،

تسلمون على تفاعلكم

[ابوصالح]

الريحه اذا هي ريحه الجديد عادي
اما ريحة شي محروق مثل البلاستيك فهذه تصير كثير لاغلب السيارات
وتروح الله يسلمك لاقرب محطه وتنزل تحت في حفرة تغيير الزيت وتبحث عن اي كيس حتى تجده
لانه في الغالب لقطت السياره كيس ومع الحرار ه يذوب ويدخل لك الريحه المخيسه
فلازم تشيلها لانه كلما سخنت السياره وخصوصا اذا هي واقفه تدخل عليك الريحه



اتمنى اني افدتك

[محراك]

عزيزي لاخوف يوم يومين وتروح انا جاتني وراحت بس السيارة جديدة رائحة المحرك والكلتش توها جديدة لاخـــــــوف