[الظافر]

اريد تغيير كفرات ل Gx-r 2004 ..وارجو من الاخوة الادلاء برأيهم في افضل الانواع..
وجزاكم الله خيرا..
الظافر..

[امبراطور الهدد]

اذا كنت تبغا كفرات زينه وصبوره خذ دون لوب لانها مفرات الشركه

واذاتبي كفرات تضبط في الزفلت ورخيصه هانكوك

[النموذج]

وش رايكم احسن كفرات للرساوة في الخطوط

و عطونا رايكم في الشركات هذي
دانلوب
فايرستون
قوديير

[بوجمـــعه]

معروف احسن نوع ميشلن يعمرون فوق السنتين وينفعون بر حصى رمل وثبات ورساوه عاليه

بس سعرهم غالي

[بو سعود]

انا اتوقع دنلووب

هو التمام للجيوب

[عسكـــــريم]

هاكم نصيحه مني ولاهانوا جماعة الخير..

البرجستون: طبعه قاسي لكن استعماله جيد
الشاهين: استعماله جيد لكنه مع مرور الوقت يصير قاسي..واذا ومع الارض المبتله مايصلح..
الدانلوب: قوي لكن قاسي مع مرور الزمن ولاينفع للبر اطلاقا..
الميشلان: ممتاز وثابت على الخطوط لكن سعره غالي..
الهانكوك: مريح على المطبات ولين..لكنه مايتحمل الحصى وكثرت التنسيم..وبسرعه يخترب..
اليوكوهاما: ممتاز ولين على المطبات وسعره مناسب جدا جدا الظاهر انه بـ360 ريال للحبه

(انصحك باليوكوهاما)

[الظافر]

جزاكم الله خيرا...ونرجو المشاركة من باقي الاعضاء لتعم الفائدة وخصوصا ممن استخدموا الانواع غير المنتشرة مثل التويو وجوديير وبيرللي وغيرها..ونرجو ذكر الاسعار اذا كان ذلك ممكنا.
وجزاكم الله خيرا...
الظافر..

[عسكـــــريم]

اعطيك بعد عن التويو والبريلي

التويو..قوي ويستحمل...لكن مع مرور الزمن يصير قاسي وسعره مقارب لليوكوهاما والدنلوب
البريللي..حلو..وفيه من القساوه نوعا ما..لكن سعره غاااالي مثل الميشلان..خبري فيه للحبه تقريبا فوق الـ430 ريال يمكن زاد سعره او نقص

اذكرك مره ثانيه باليوكوهاما..تراه زين

ولك الاختيار يابعدي

[زهير جمال]

السلام عليكم
اني شاد بريجستون الي هو درجة اولى و مجرب اليوكوهاما و مابي عيب
السعر الموجود عدنا ب(السليمانية - العراق ) البريجستون 220 دولار للزوج الواحد و سعر اليوكوهاما 190 دولار للزوج الواحد و كذلك سعر الدنلوب 210دولار للزوج

[النموذج]

شباب وش تعرفون عن الفايرستون

[الظافر]

الاخوة الاعزاء..اتصلت امس باحد محلات الكفرات وسألت عن الاسعار فقال لي اسعارا خيالية ومنها..
ميشلان فرنسي 1200 ريال تقريبا..فايرستون 585 ريال(ضمان 5 سنوات) فهل هذه الاسعار صحيحة؟؟
الظافر..

[عسكـــــريم]

للحبه؟؟

اذا كان الميشلان الحبه الوحده بـ1200 ريال هذا على ماظنتي للبي ام 2007
الميشلان في محلات التواير العاديه مايتعدى كثير الـ500 ريال للحبه واحيانا ينزل سعره حول الـ400 ريال..



النموذج...بالنسبه للفايرستون ماله صيت على سيارات الدفع الرباعي



معلومه: اذا ركبت تواير جديده اترك ضغط الهوا 40 لمدة شهر تقريبا او اكثر قليلا.. عشان الكفر يتمدد وياخذ مساره..
وبعدين اخفض الضغط الى 35 اذا كنت تمسك خطوط طويله....و30 اذا كنت داخل البلد..

[الظافر]

مشكور اخوي..وبالنسبة للفايرستون شفته امس بالصدفة على لاند كروزر !!
وصاحب المحل قال هذا السعر للجيوب..ومشكور على النصيحة بالنسبة لضغط الهواء.
الظافر..

[كروز]

اخوى طيعنى وانا خوك دن لوب نفس الوكاله

[مالك داعي]

نفس كلام أخوي كروز

[الزقم]

اذا كنت راعي خطوط عليك بالبريدجوستون
اما اذا كنت راعي نفود ومعنه خذ لك بالون ولا تبالي