ياشباب الفزعه الفزعه بسرعه

[D O N]

السلام عليكم ورحمه الله وبركاته


يااخوان نويت اخذ لي جيب لكزسس وحصلت واحد اسود فل ديفي دي واسيات منفصله و3 كاميرات وارد الاخ بوجميل2009ماشي 1000 كيلو متر ب 305,000 ريال فا وش رايكم بسعره؟ وكم يسوى بنظركم

وحصلت جديد 312000 ريال بس المشكله ابيض


بصراحه متخوف من بو 1000 لان غريبه احد يبيع موتر دافع فيه هالقيمه بهالممشى

ووش شوركم يقولون اللكزس بينزل نزله جامده لان 2010 قرب


وبيني وبينكم انا ودي بالدرجه اللي بالنص اللي مافيها ديفي دي ما احتاجه واللي عنده شي حوله لا يبخل علي

وجزاكم الله خير

[الصامد1]

اعتقد الانتظار افضل
وبتلقى ان شاء الله تخفيضات تستاهل انتظارك لان 2010 ما يتأخر عن شهر ونصف او اقل
وفيه اعداد كبيرة في الوكلات والمعارض من 2009 ومابقي شئ عن 2010 يعني لابد لهم يصرفون كمياتهم او تجلس عندهم
واعتقد الازمة الحالية حالة خاصة لم تمر قبل على الوكلاء والتجار والافضل استثمار هذه الحالة افضل استثمار من قبل المشتري

[كل ما اقفيت]

ياخوفي ماتنزل السعار

حنا نتأمل خير أن شاء الله

[النموذج]

لا والله، يا خوفك ينزل الجديد عند جميع الدول الا السعودية تلقاهم يصرفون بموديلات 2008 و 09

[D O N]

43 زائر و ثلاثه بس اللي ردو؟؟

اخوي الصامد لا والله يابعدي بصراحه مافي الا عدد قليل واللي بقى لؤلؤي وذهبي والاسود ماحصلت الا هذا بو 1000

اخ كل ماقفيت والنموذج انشالله مايبالغون بسعره في 2010

واللي عنده افاده على الاسعار اللي حصلتها لا يبخل علينا

[Unhesitantly]

حبيبي نصيحة لا تاخذه هذا مب معقول الجيب عند أبو جميل الظاهر بـ 340 كيف يطيح فيه 35 والله الموضوع فيه شي يا صدمه ومغيره القطعه من الوكالة فما بانت ولا فيه خلل (المهم فيه شي) ،،،
نصيحة : 2009 ما غيرو عن 2008 الا التشغيل عن بعد،، انتظر 2010 وريح بالك ....... كلها 3 شهور ويجي ان شاء الله .

[Unhesitantly]

اصبر عشان تاخذ شي ما تندم عليه ان شاء الله لانك بتدفع فوق الـ 300 ..
الله يكتب اللي فيه خير وصالح،، ومبروووك مقدما ..

[الرماد الياباني]

اسمع أي سياره تاخذها خذ الفل كامل على شان ما تندم بعدين
و انطر 2010 او خذ جديد 2009 و ريح بالك

[منت فآهم]

اخاف فيــه صدمــه ويبي يفتك منــه
اشووف انكـ تردكـ شووي والله يكتب لك الي فيه الخيــر

[D O N]

اشكر الشباب على افادتهم

والله يا اخ منت فاهم اي زالله لانه بصراحه شي غريب واحد يبيع موتره بهالممشى

اهم شي ان 2010 باقيله شهر وينزل