[المساهم نت]

كما تعلمون أن اسعار الوكالة في الصيانة الدورية مرتفعة شوي
فياليت تدلوني عن مركز لصيانة لكزس مثل تغيير الفحمات أو خرط الهوبات
ويكون سعره جيد بحيث يكون في الرياض

[لانـــ2007ــد]

والله انا مأعرف الا الوكالة

الظاهر انها عند شركة عبداللطيف جميل للسيارات المستعملة على اخر طريق الملك فهد قبل هايبر بنده(العزيزية مول) والشباب ان شاء الله يعطونك الوصف الأدق

[كروز]

اخوى انا غيرت الفحمات بره عن مركز صيانه عادى وكلفنى 120 خرط هبات + 130 شغل يد
وشريت الفحمات من الوكاله امامى وخلفى بـ 538 ريال
يعنى كلفنى 788 ريال
اما الوكاله سالتهم كم تركيب الفحمات مع الخراط بالاضافه الفحمات قالى المهندس 1200 ريال
يعنى وفرت 412 ريال

[المساهم نت]

طيب يا أخوي كروز
هل تنصحنا بالمركز الي جربته؟
ممكن أسمه ووصفه؟

[دنـدون]

مع وافر التحية والتقدير لأخواني الاعزاء بالمنتدى الجميل

تعقيباً على سؤال الأخ مساهم.. يوجد مركز متخصص بصيانة لكزس أسمه (لكزس العضيب)
وهذا يوجد بالصناعية القديمه بالرياض.. وسوف تتفاجأ من عدد سيارات لكزس لديهم

ويوجد مركز البازعي على طريق خريص أيضاً لديهم صيانة لكزس

أذكر لك موقف صار معي

كان لدي جيب لكزس 470أل اكس وكان به خلل بالهدروليك.. الوكاله يصلحونه بمبلغ (14000) ريال

البازعي (9000) ريال

أصلحته لدى العضيب بـ (6000) ريال.

وتقبل خالص تحياتي

[أهواك ياجيجي]

الوكاله خلهم للاشياء الكبيره والمهمه اما فحمات وغيره من الاشياء الصغيره انت اشتر القطع وصلحها


باي ورشه تثق فيها اما العضيب فما انصحك فيهم ابدا تراهم غالين وماعندهم الا الدجه حتى يوم جيت


ادفع الفاتوره قالي اللبناني اللي هناك حنا اسعارنا مثل الوكاله لاتحسب انها ارخص وفعلا كانت غاااااليه


وشغلهم ماعليه عادي بس مادامهم وصلوا سعر الوكاله فالوكاله افضل واسف على الاطاله

[الخبـيـر]

والله انا اايد دندون

العضيب لكزس متخصص باللكزس ومجربه بعد اعرف واحد كان يبي يغير قطعه 20 الف ريال عند الوكاله
يوم راح لم العضيب صلحها 400 ريال ليش فحصوها وشافو لي مقطوع وغيروه له بس

[بندر بن سرور]

دقيقة ياشباب عندي كلمة حق اقولها لحظة """"""""

العضيب والله يذكره بالخير
كان عندي لكزس es2002 ورحت الوكالة سويت صيانة 100.000 كم بسعر 3400 بعد الواسطة وحب الخشوم المهم السيارة ماصارت مثل اول ماتشتغل الابعد اكثر من دقة سلف المهم رحت العضيب فك الكرسي الخلفي وطلع "لي "او "هوز" مثل حق المكيف الصحراوي قيمته ريال واحد فقط وغيره وكل الشغل بـ100 ريال
الشي الثاني كان عندي صوت في الجنط مع المطبات رحت الوكالة في العليا لكزس قالي بعد ان سلمت السيارة هذي رومانات الكفر والمبلغ اللي بتكلفه 1200 ريال قلت له مابي اصلح السيارة واخذتها رحت للعضيب وفحصها الفلبيني وقال هذي الصاجة اللي تركب فوق الفحمة رحت جبتها بسعر 38 ريال وغيرتها عندهم مع الفحمات 200 ريال تقريبا كله مع القطع 400 اما الوكالة 1200 ولاهم عارفين مالمشكلة بس نهب فلوس

القصة الثالثة
رحت الوكالة كان معلق عندي cd يطلع بالشاشة ERORR 3 قالوا ندخل السيارة ونفك المسجل مع السيدي ونرسلها للوكيل ونسلمك السيارة بدون مسجل ولاسيدي وتأخذ من اسبوعين الى 10 ايام حسب زحمة الوكيل المهم دخلت السيارة وجلست ساعة ولا احد لمسها اخذت السيارة قبل ان يفك المسجل وانطلقت فورا للعضيب وفي خلال 1ساعة اخرجوا السيدي المتعطل واخذوا 100 ريال فقط وكان السبب ان احد السيديات 6 خربان وقال العضيب هذا مهندس فلبيني متخصص في مسجلات لكزس

وتقول لي الوكالة اي وكالة ؟؟؟؟؟