ارجو فادتي عن سبب وجود زيت في البلاك

[كوبر1]

أخواني بارك الله فيكم ارجو منكم افادتي واخباري عن هذه المشكلة وهو الجواب

المشكلة

عندي كورولا 2004 محرك 18 وكان يوجد تسريب زيت اعلى المحرك وتم تغيير الجاسكيت العلوي والحمدلله بس بعد 14 يوم خطر ببالي اغير البلاكات وعند تغييرها ظهر في واحد منها زيت فقلت للمهندس يمكن من بقايا التسريب الاول قال لا لازم تفتح نص مكينه وتعمل خراطة وووووو يعني خساره مع ان السيارة كويسه وبالعكس تحسنت كثييييييييير بعد تغيير البلاكات ومااشوف فيها مشكلة بس البنجالي اشغلني وانا اريد اسافر وخايف

لهذا ارجو فادتي لو ظهر زيت في البلاكات ماهي العوارض او المشاكل التي تظهر ؟؟ او كلام المهندس غلط لان واحد ميكانيك قالي كذاب والسيارة نظيفة واطمئن وهذا الزيت من بقايا الزيت الاول

ارجو فادتي جزاكم الله خير

[الرجل الكويس]

سبب وجود الزيت غير معروف لحين المعاينة لكن في حال إنك شفت زيت.. من وين يجي الزيت؟ من المحرك.. طيب تأكد من إن زيت المحرك ما ينقص.. عدا ذلك السيارة ما فيها شي..

[عـلـيـت قـلبي]

اخوي للتأكد من ان المكينه سليمه والا لا ؟؟

1- تأكد ان السياره فيها دخان من القزوز لونه ابيض والا لا ؟؟؟

2- تأكد اذا كان زيت المكينه بنقص والا لا ؟؟

3- بعد ما تغير البلاكات شوف البلاك نفسه فيه زيت والا لا ؟؟

الاحتمالات :-

يمكن يكون قازقيت او رنقات البستم (بس ما يحتاج خراطه وتجفيت)

واسف على الاطاله وارجو اني افدتك

[مهندس انس]

عزيزي ببساطة غير البلك بواحد جديد وبعد فترة من الزمن لاحظ البلك الي غيرته يوجد دهن وله لا...

[الابجر 1]

السلام هل السياره اللي عندك نضام كويلات
اذاكانت نضام كويلات هناك كازكيت يحجب الزيت عن البلاكات

[أبوسعــد]

لو فكيت راس المكينه بعد فتره سنه او اقل راح يضعف شنبر المكينه في الغالب

وتكون فتحت على نفسك مشروع انت في غنى عنه

ودام السياره ما انفكت مكينتها خلها على ماهي عليه


والآن عليك تغير البلاكات وتمشي عليها بعد فتره وتشوف اذا عليها زيت اولا ..

بالتوفيق