[الهوى شرقي]

مساء الخير

أتشرف بمشاركتي الأولى معكم في هذا الموقع المميز

أنا سيارتي كامري 2004 , 4 سلندر

وأبي أغير كفرات سيارتي مع العلم ان كفرات سيارتي شد بلدها

فأنا هنا طالب فزعتكم ياشباب ....


هل أضع نفس كفرات شد بلدها اللي جايه معها من الوكاله وهي معروفه لدى الكل وهي برجستون ؟

أو


هل أضع كفرات جديدة غير شد بلدها وبماذا تنصحوني ؟

أو


هل اضع نفس كفرات كامري 2006 يقولون مميزه ؟



أتمنى مساعدتي مع العلم اني من سكان المنطقة الشرقية وانتوا عارفين طرقنا وخطوطنا

كلها إصلاحات وتحويلات ومطبات ولا وازيدكم من الشعر بيت كل خطوطنا مشاوير مافي شيء

قريب منك
بالمختصر أبي كفرات ممتازه تتحمل الحر والشوارع السيئه والخطوط الطويلة ؟


شاكر لكم من كل أعماق قلبي

[حسونه]

وين الشباب
أنصحك تحط موضوعك في منتدى الكامري

[عسكـــــريم]

شوف ياطويل العمر..

اذا تحب الاقتصاد ركب الـfalken...صناعته يابانيه وقوي ولين بنفس الوقت وسعره يتراوح مابين 200 الـى 260 تقريبا على حسب عرض وارتفاع التاير..انا جربتها على خط الامارات وضغط الهوا (20) نسيت أقيسه ومع ذلك تحمل سرعتي مابين الـ170 الـى 140 وخدمني بطول أكثر من 55 ألف كلم

الـyokohama...(الياباني) جدا مريح ولين على المطبات وسعره مناسب

الـميشلان..هذا اسميه أنا ملك التواير...ماعليه صناعه..ممتااااز لكن سعره فيه غالي شوي


وانصحك يالغالي اذا ركبت التواير خل ضغطهم (40) مدة شهر او زياده عشان يتمدد التاير على الجنط وبعدين يمديك تخليه 30 او 35 على راحتك..