[راكـــES350ـــان]

أحد الاخوان أستشارني في حالة شرائه لي سياره Es350 كاش فماذا راح يكون على الوكاله هل ضمان 100ألف كيلو أو 3 سنوات وهذا الضمان على ماذا يشمل
وهل من ضمن المده تأمين على السياره ضد الحوادث ( إذا الاجابه لا )
الاخوان إلي شروا السياره كاش هل أمنوا على السياره أو لا
إذا أمنوا ممكن نعرف أفضل مكتب تأمين وكم يأخذ سنوي

شفت في وكاله لكز س في العليا مكتب لي تأمين تابع لي تويوتا إسمه على ما أعتقد حمايه هل أحد أمن عن طريقهم وكيف تعاملهم وأسعارهم



وشكرا لكم مقدما

[كلتش]

هلا حبيبي انت تتكلم عن الضمان 100000 كم او ثلاث سنوات ماله علاقة بالحوادث بالنسبة للتأمين
انا اتصلت على التعاونية واسعارهم غالية تبدأ من 5 او 6 او 7 الاف ريال يختلف حسب الدفعة الي تدفعها عند حدوث اي حادث لا سمح الله

اما عني شخصيا فأنا وكلت الله والان السيارة معي بدون تأمين

[سعودي كوول]

انا سويت تـامين عن طريق عبداللطيف جميل ( حماية ) وخذوا 4450 ريال تقريبا
تأمين على السيارة بس .... يعني مو شامل ( مافيه ضد الغير )

[الكرز]

شوف عزيزي

انا شريت السياره كاش ب 147500 ريال من حسن جميل بالدمام ورحت لعبداللطيف جميل ومددة الضمان مدة خمس سنوات مفتوح الكيلو ب2800 ريال وبعدين رحت امنت عند التعاونيه شامل لمدة سنه ب 2750 ريال بس خليت التحمل 2000 ريال وسلامتك.

[راكـــES350ـــان]

اما عني شخصيا فأنا وكلت الله والان السيارة معي بدون تأمين

ونعم بالله يا أخي

انا سويت تـامين عن طريق عبداللطيف جميل ( حماية ) وخذوا 4450 ريال تقريبا

طيب يا أخي هل تأمين حمايه معترف عند المرور يعني لو حبيت أجدد الرخصه أعطيهم بطاقه تأمين حمايه معترف فيها عندهم وإلا لازم وقت تجديد الرخصه أدفع رسوم تأمين عند مكتب ثاني على الرخصه
وإيش رأيك في تأمين حمايه هذا لأني سألت الموظف يقول تدفع 1000 ريال سواء الحادث أقل أو أكثر من 1000

انا شريت السياره كاش ب 147500 ريال من حسن جميل بالدمام ورحت لعبداللطيف جميل ومددة الضمان مدة خمس سنوات مفتوح الكيلو ب2800 ريال وبعدين رحت امنت عند التعاونيه شامل لمدة سنه ب 2750 ريال بس خليت التحمل 2000 ريال وسلامتك

غريبه سعرها عندنا عبداللطيف 149500 هذا حسن جميل مثل البازعي وكيل وإلا معرض سيارات وهل له فرع في الرياض ؟
وإيش فائده تمديد الضمان خمس سنوات بالمبلغ إلي دفعته إيش تستفيد منه

وهل تأمين التعاونيه شامل على سيارتك وسيارة الغير والله السعر أشوفه كويس أحسن من تأمين حمايه وإلا إيش رأيكم شباب

[سعيد عطيه]

148000 والحافظ الله

[الكرز]

الاخ هوهو

حسن جميل موزع معتمد للكزس وتويوتا .
وفائدة تمديد الضمان لو تمشي مليون كم وما انتهت الخمس سنوات فهي تحت الضمان الكامل.
بالنسبه للتامين شامل مع تامين رخصه مجانا.

[حسينوو]

انا عندي is300

امنتها عند التعاونية ب 5200 ريال
وقيمة التحمل 1500 ريال

تأمين شامل مع عدد اربع ركاب بالاضافة الى تغطية في البحرين مع تأمين الرخصة لمدة سنة مجانا


احسهم نصابيين

[راكـــES350ـــان]

امنتها عند التعاونية ب 5200 ريال

أشوف تأمين الاخ كرز أفضل وأرخص

التعاونيه شامل لمدة سنه ب 2750 ريال

غريبه هالاختلاف في الاسعار

هل في شركات ثانيه مضمونه أفضل من التعاونيه

الواحد يخاف يأمن عندهم لأن مشايخنا يقولون حرام والمرور يقول ما نطلع الرخصه حتى يكون معك تأمين والحل

[حسينوو]

الكرز مخلي قيمة التحمل 2000 ريال
يعني لاسمح الله في حالة صار حادث يدفع 2000 ريال وشركة التأمين تكمل باقي المبلغ

انا اذا صار حادث لاسمح اللي بدفع 1500 والشركة تكمل باقي المبلغ

هذا الفرق ... يعني اذا زاد قيمة التحمل بيخف قيمة التأمين والعكس نفس الشي