مشاكل ميكانيكية ولا مدري وش هي

[طالب خدمة]

السلام عليكم

طلعت كامري 2009 من شهر ماشي ابو 2600 كيلو من يوم طلعتها والحمد لله كلها مشاكل كانها مازدا 1971

اول شيء فتحة الشقف كانت يدوية اقعد نص ساعة اعاير فيها لين تقفل في الأخير رحت الوكالة وقالولي هذه يبيلها برمجة وسواها

بعدين الاحوان هناك ما قصروا قلت لهم السيارة تحذف على اليسار صلحوها والحمد لله بس صارت تحذف على اليمين

رجعت مرة ثالثة صلحوها ورجعوها لليسار مع امالة الدركسون عشان امشي مستقيم

الحمد لله على كل حال

اليوم اكتشفت اني لما ادعس فرامل القير ينتع يوم توقف السيارة زي لما تشغل سيارو قير عادي وهيا في الاول نفس النتعة بس الي معاي قير اوتوماتيك

وفي كم ملاحظة بس ما هي مزعجة زي هذه احد يعرف حل لهذه المصايب ؟ وهل ممكن اردها لهم واقولهم مشاكلها كثرت وهل يبدلونها بجديدة ؟ لأني تعبت يا ليت اصحاب الخبرة ينفعونا

وشكرا لكم

[اسير لكزس1]

في واحد اسمه احمد قاسم عنده الحل الاكيد لمشكلتك

[طالب خدمة]

ياخي رحت له وارسلني لميكانيكي الشركة عندنا وطلع معاي وجربناها في السبعين وقالي اوك وروح لهم بس ما في فايدة

[المــمـــيــز]

النصحك تسوي الحذفة برا الشركة دايم الوكالات ما تضبط الحذفة مادري ليش

وكان معي 300 كرايسلر نفس الشي صار معي حذفة يسار ويوم صلحوها صارت يمين اخرتها سويتها

عند ميزان العضيب ورجعت احس من الوكالة

بس نتعة القير هذي مادري عنها يمكن هي ترد للاول او الثاني عشانك بتوكف تقوم تنتع

بهذي المشكلة ما لك غير الوكالة بس قلهم يغيرون كرسي القير يمكن فيه مشكلة الله اعلم


بس بخصوص التبديل لازم تسوي مشكلة عريضة طويلة معهم عشان يبدلونها وتدخل على المدير

حق التسويق فيه واحد عندنا بدل افالون 2007 بوحدة جديدة وكان عنده نفس مشكلة القير

بس بعد سوالف سواها معاهم