06-20-2009, 01:49 PM
| رقم المشاركة : 1 (permalink) | ||
| شاشة d7002_navi // تجربتي الشخصيه وشرح مفصل لاستخدامها بسم الله الرحمن الرحيم كيف الحال يا شباب يمكن موضوعي مكرر ، ويمكن تكونوا مليتوا منه ، ويمكن ويمكن ويمكن لاكن اللي انا متأكد منه ، اني من يوم ما اشتريت السياره ما اسعدت بقدر السعاده اللي انا فيها هاي اليومين الحمد لله ركبت شاشه ، غييييييييييييييييييييير ركبت شاشه ، زييييييييييييييييييييييييييين ركبت شاشه ، تحسسني اني راكب ... ما ادري راكب لكزس او راكب كامري مب استنقص من الكامري لاكن احس انها شاشة لكزس للخواص اللي فيها ،وللخيارات الكثيره اللي فيها بلغه ثانيه ،، اللي يركب معاي ( وما يعرف شي عن الكامري ) ، يقول : ما شاء الله على الكوامري الجديده ، نزلت معاها شاشه ،، يعني ما يميز انها مركبه وبلغه ثالثه ،، روووووووووووووووووووووعه وما شاء الله عليها ، استخدمت شاشتين قبلها ، والله ما يجين قد نصها شاشه ما فيها شي اسمه عيوب ، مافيها شي اسمه ( سكيوريتي _امان ) كل شي فيها مفتوح ،، فيها كل شي يا جماعة الخير ،، حبيت احط موضوعي علشان اقول ،، اللي ما ركب شاشه وناوي يركب اقوله : مالك الى الـ ( d7002_navi ) واللي مركب شاشه وناوي يغير اقوله بعد : غيرها وركب ( d7002_navi ) طبعا انا ماعندي محل يبعهن ولا اعرف صاحب المحل اللي يبيعهن لاكن اتمنى انكم تعيشوا الاحساس اللي انا عايشه هذي الايام المهم نجي الحين وندخل بالموضوع ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ معلومات سريعه _ الكاميرا الخلفيه المستخدمه كينوود ( ماعليها غباااااااااااااار ، ممتازه جدا جدا وضوح اللكزس ، ولها عندي من 9 او 10 شهور تقريبا ، برد وحر ومطر وغبار ،، ما تأثرت نهائيا وزاد وضوحها بشكل ملحوظ لما ركبت الشاشه هذي ) _ السعر 3600 درهم للشاشه فقط من محل الرمال الذهبيه في الشارقه وبعدها بيومين عرفت ان في محل بدبي يبيعها بـ 3400 درهم ( طبعا بدون كاميرا او حساسات للكفرات ) وندخل الموضوع العيوب : ( من رأيي انها مش عيوب نهائيا _ حاجات مالها لزمه _ لاكن علشان اكون دقيق بالموضوع ) 1. بدون جهاز تحكم رأيي الخاص / مايحتاج جهاز نهائيا ، دام ان الدريكسون فيه ازرار ، يعني امورك ممتازه 2. عند الرجوع للخلف كل شي يغلق ( close ) سواء اغاني او فيديو او FM او فلاش ميموري او ايبود ،، فقط تفتح الكاميرا الخلفيه رأيي الخاص / هذا الشي ممتاز واكثر امان ،، علشان الشاشه يمكن ما تطلع الزوايا الخلفيه ،، لاكن الحساسات تنبهك ، واذا الراديو شغال ، مابتسمع الحساسات 3. لاتشغل صيغ الـ MP4 اما هذا صدق عيب ، لاكن خلونا نطوفه 5. خلاص مافي عيوب  مواصفات الشاشه : 1. مقاس 7 انش بتقنية LCD بعكس اغلب الشاشات 6.5 انش 2. نقاء للصوت وبشكل واااااااااضح 3. نقاوة الصوره سواء للافلام او للكيمره الخلفيه 4. الاضاءه الخارجيه نفس اضاءة الوكاله بالضبط ويوجد تحكم بشدة اضاءة الازرار 5. الشاشه من انتاج شركة ( Fly audio ) و تنتج الشاشات لجميع انواع السيارات ( حرفيا لجميع انواع السيارات ) وفي بعض المواضيع اللي قريتها طلع ان اسمها سن ليس / دورت في الكرتون فوق تحت ما لقيت الاسم هذا / من وين جبتوا كلمة سن ليس !! 5. صناعة صينيه لاكن والله العظيم ان استخدامها ما يدل على انها صينيه واللي معروف هذي الايام ( صيني عن صيني يفرق ) 6. ضمان سنه واللي يعيش وياك سنه ، اعتقد انه يعيش العمر كله 5. وباقي المواصفات بذكرها في الموضوع ، وكل صفه في مكانها المناسب ( ملاحظه : في مواصفات اغلبكم بيقول تافهه ، لاكن بوجودها تحسسك انها شاشة وكاله ، وبأشر على بعض المواصفات لاحقا بكلمة / ميزه **** ) والحين نبدأ بالشاشه ونقول (( ما شاء الله ، تبارك الله )) نبدأ بالصورتين الاولى والثانيه نظره سريعه بالليل والنهار ميزه **** ( للعلم ، يمكن تخفيض الاضاءه الخارجية او زيادتها بحسب الرغبه ) ( 1 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] لاحظوا ازرار الشاشه للانتقال المباشر بدون فتح القائمه الريسيه يعني اذا بغيت الخريطه مب لازم ترجع الشاشه الحاليه لشاشة القائمه وبعدين تفتح الخريطه ( اضغط على الزر وتفتح الخريطه على طول ) ( الخريطه / DVD / FM1,2,AM ) ( 2 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] وهذي الصورة تبين طريقة فتح الشاشه وتكون عن طريق زر من الازرار الجانبيه ( open ) ،، وتبقى مفتوحه لين ما تضغط الزر مره ثانيه اما عن طريقة اخراج السيدي ، ميزه **** فاخراج السيدي غير مرتبط بفتح الشاشه نهائيا يعني تخرج السيدي بواسطة الزر الابيض اللي موجود بالجهه اليمنى تحت فتحة السيدي مباشره ،وبعدين تضغط على زر ( open ) علشان تتسكر الشاشه ولو تركزوا شوي ،، بتجوفوا الميموري موجود مباشرة تحت الزر الابيض ( 3 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] ميزه **** وهني صورة وايرات الفلاش ميموري + واير الآيبود وهي مخفيه بالسده وما تبين ( طبعا الفلاش مايجي مع الشاشه ) ( 4 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] والحين نبدأ بتشغيل السياره وتشتغل الشاشه مباشره وهذا شعار تويوتا ،، ويعطيك شعور الوكاله ( 5 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] والتنبيه التالي لازم يظهرلك كلما تشتغل السياره بعد شعار تويوتا ( عدم المطالعة اثناء القياده ) ( 6 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا]
التعديل الأخير تم بواسطة كامري R1000 ; 06-20-2009 الساعة 02:44 PM . | |||
|
06-20-2009, 01:52 PM
| رقم المشاركة : 2 (permalink) |
| رد: شاشة d7002_navi // تجربتي الشخصيه وشرح مفصل لاستخدامها والحين نجي للشاشه الرئيسيه وتحتوي ( الديفيدي / الراديو / وصلات الشاشات الخلفيه ( AUX ) / جهاز الملاحه / مشغل ام بي ثري / بلوتوث / الضبط / المعلومات) ولاحظ بعد اعلى الشاشه وجود شريط المعلومات وتظهر معلومات الديفيدي او الصوت لما ترفع او تخفض منه او معلومات الموجة الشغاله على الـ FM كمان في زر مكتوب عليه ( برتقالي ) ، هذا عن طريقه نحول الشاشه من برتقالي الى ازرق لاكن اللون الازرق يكون بالانجليزي فقط وبالمقابل اللون البرتقالي للعربي فقط ( 7 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] وهذي صوره باللون الازرق ، ويتم التحويل بين اللونين عن طريق ضغط زر ( برتقالي ) وبعدين نطفي السيار كامله وبعدين نعيد التشغيلها مره ثانيه وتتحول الشاشه بعدين ( 8 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] ومن هني نبدأ بالفيديو وتتكون من الـ DVD + وصلة الـ USB + التحكم بالصوت ( الصوت + صوت محيطي ) ميزه ****وفي زر في الاسفل ( اعاده ) اذا كبست عليه ، تتم الاغنيه تعيد نفسها ميزه **** تقدر تمشي الاغنيه للامام وترجعها للخلف ( اذا حبيت تمشي مطع معين او انك تعيد مقطع معين ) ( 9 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] ميزه ****ركز في الصورة السابقه على زر ( المسارات ) وبعرضها بالصوره التاليه وضيفتها الانتقال السريع للاغنيه المحفوضه بدل ما تنتقل وحده ورا الثانيه لين ما توصل للمطلوبه افتح المسارات واختارها مره وحده ( 10 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] ارجع للصوره رقم ( 9 ) ودقق اسفل الصوره على زرين ( الصوت المحيطي / الصوت ) والصوره التاليه لخيار / الصوت المحيطي ووظيفته يعطيك وضعيات مختلفه للاصوات ، سواء بزيادة الصدى او خفضه او كأنك داخل حوض ماي :d وفي اربع وضعيات ( ديسكو _لاتفهموا غلط / سينما / استوديو / استاد ) وتحت الخيارات الاربع يوجد زر ( اغلاق الصوت المحيطي ) اذا حبيت ترجع للصوت الطبيعي ( 11 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] والحين نجي للـ(الصوت ) ونفس ماتجوفوا في النص الايمن تقدر تتحكم في مكان تركيز الصوت سواء تخليه في الامام او الخلف او اليمين او اليسار ( حسب الرغبه ) وعندك كمان التحكم بترقيق وتضخيم الصوت بعد ( 12 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] والحين نطلع من قسم الـdvd ، ونتوجه للراديو وعندك 3 صفحات ( fm1 ، fm2 ، am ) وكل صفحه لك فيها 6 موجات ميزه **** عند التحكم بازرار الدريكسون تتغير القنوات المحفوضه مب الموجه يعني في شاشات اذا ضغطت على زر يسار في الدركسون ( يعني خلف ) في الموجه الحاليه ( 100.9 ) تنزل الموجه لـ( 100.8 ) ، يعني ماسوينا شي يعني لازم تمد ايدك للشاشه علشان تغير القناه بينما الشاشه هذي تنزل من القناه السادسه ( 100.9 ) الى القناه الخامسه ( 107.8 ) ونفس الموضوع عند تشغيل اغنيه معينه / اذا ضغطت على زر الرجوع يعيد الاغنيه بعكس بعض الشاشات الاخرى ، ترجعك للاغنيه اللي قبلها بعدين لازم تضغط زر للامام ( 13 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] ونتحول من الراديو الى الـ aux وهي عباره عن توصيلة للشاشات الخلفيه اللي فيها خاصية الـ( dvd ) بحيث انك اذا تبا تربط الشاشه الاماميه بالشاشات الخلفيه تظغط على الوصله هذي طبعا انا مركب شاشات خلفيه عاديه ( دائمة الاتصال بالشاشه الاماميه ) ( 14 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] ونتوجه الى قسم الـ ( mp3 ) وهذا القسم ما عرفت شو وظيفته بالتحديد نهائيا ( 15 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] تمام تمام تمام ، وصلنا لقسم البلوتوث ميزه **** امكانية تشغيل البلوتوث واغلاقه ، الشاشات القديمة يكون البلوتوث دائم التشغيل والفايده انك اذا فتحت بلوتوث التلفون ما تأذيك الشاشه بالارتباط كل دقيقه ( طلب ارتباط < < < بالغصب ) ( 16 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] لاحضوا الفرق في الصورتين 16 / 17 ، زر ( فتح بلوتوث ) + علامة البلوتوث المميزه في اعلى الشاشه ( 17 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] ميزه **** في زر ( توافق ) ، حتى لو فتحت بلوتوث السياره ما تقدر تربطه مع التلفون الى اذا ضغطت على زر ( توافق ) وحتى لو بلوتوث الشاشه شغال ، وتسوي بالتلفون بحث جهاز مقترن جديد ،، ما تضهرلك الشاشه لازم تضغط على زر ( توافق ) ، وتظهرلك البيانات التاليه ،، بعدين تسوي بحث جهاز مقترن جديد ( 18 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] ميزه **** ولو نرجع للصوره رقم ( 17 ) ، وركزوا يمين الصوره في زر ( تسجيل ) وظيفته يظهر لك المكالمات الصادره والوارده ، لسهولة اجراء المكالمات لاحقا بدون استخدام الموبايل ( 19 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] | |
|
06-20-2009, 02:01 PM
| رقم المشاركة : 3 (permalink) |
| رد: شاشة d7002_navi // تجربتي الشخصيه وشرح مفصل لاستخدامها والحين وصلنا لقسم ( الضبط ) [عزيزي الزائر يتوجب عليك التسجيل للمشاهدة الرابطللتسجيل اضغط هنا]في اغلب الاشياء مب فاهمنها لاكن اللي عرفته 1. فحص الاضاءه / هذا علشان تشغيل الاضاءه الخارجيه للشاشه ، يعني اذا سويت ايقاف ، الليتات ما بتولع 2. صندوق الاقراص المدمجه / اذا كنت مركب ( سيدي جينجر / جهاز مبدل الاقراص / جهاز يركبه اكثر من سيدي حوالي 8 سيديهات ) ( 20 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] تابع ( الضبط ) [عزيزي الزائر يتوجب عليك التسجيل للمشاهدة الرابطللتسجيل اضغط هنا]_مفتاح اضاءة اللوحه / من هني تقدر تتحكم بدرجة الاضاءه الخارجيه من صفر الى عشرين طبعا باقي ازرار الضبط ماعرفت شو وضيفتها بالتحديد ( 21 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] هني تبدأ الحلاوه تزيد وتبدأ المواصفات الصح شاشة ( معلومات ) وتعطيك معلومات عن قوة البطاريه ودرجة حرارة التواير ( الكفرات ) بالاضافه الى ضغط التواير بس للاسف لين اليوم ما وصلين حسسات الكفرات اللي عن طريقها تتم معرفة معلومات الكفر وقيمة الحسسات بـ( 900 درهم ) ( 22 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] وننتقل لـ ( حقوق محفوظه ) / موجوده اسفل الصوره رقم ( 22 ) ( 23 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] وبعدين ( الاجهزه المساعده ) / وهني ذروة المتعه والروعه ((( مع اني ولا مستخدم ولا خاصيه ))) الباب الكهربائي / تفتح ابواب المنازل الكهربائيه ( طبعا لازم توافق بين الشاشه والبوابه ) باب الكراج / لفتح الكراجات الكهربائيه ( نفس اللي قبلها ، لازم توافق ) اضاءة الكراج / اذا كان الكراج يحتوي اضاءه بتحكم لاسلكي وقت الجهاز / ؟؟؟ ما فهمته ( 24 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] وننتقل لدرجة الحراره / موجوده اسفل الصوره رقم ( 22 ) وطبعا الوظيفه العمليه اكثر من الترفيهيه في الجزء هذا لانك تحدد قياسات التاير من هذي الشاشه فمثلا ( ادنى مقياس للاطار ) / اذا نقص الاطار عن هذا الحد ، معناه ان التاير مفجور ( مثقوب ) ، يعني لازم توقف بسرعه ( 25 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] والحين بدأ الجد < < < سايرين نضارب برنامج الخرائط ، وتحتوي الشاشه على برنامج واحد ، واعتقد انه ماله لزمه تعدد الخرائط طبعا في امكانيه لاضافة خرائط أخرى / اذا حاب تغيره والبرنامج الموجود ( بلاك اديشن ) وحسب معلوماتي انه افضل برنامج الى الآن ( 26 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] ونفس ما تجوفوا هذي هي الخريطه وفيها من اهم المزايا اللي تميزها عن باقي الشاشات ميزه ****انها تشغل الديفيدي والـFM واي برنامج صوتي آخر اثناء تشغيل الخريطه لان اغلب الشاشات المعروفه تفصل جميع الصوتيات بمجرد فتح الخريطه بيانات بالعربي ،، عدة خيارات أخرى وهي كالآتي 1. ازرار التبعيد والتقريب / 2. تدوير الخريطه لليمين واليسار / 3. ساعه / 4. مقياس سرعه ونفس ما تجوفوا الشريط اللي اعلى الشاشه ( يضهرلك درجة الصوت ) ويستمر حوالي ثانيتين ويختفي تدريجيا ( بطريقه رائعه / ينسحب للاعلى سحب _ نفس اللكزس ) ( 27 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] كما ان الشريط العلوي يظهرلك بيانات الاغنيه اللي فاتحها ( 28 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] ميزه ****فيها ميزة تنبيه السرعه ، وهي اذا طفت السرعه المحدده تظهرلك لزحه بالسرعه الواجب عدم تجاوزها مثلا انا كنت ماشي 112كم والشارع سرعته 80 / لاحظوا الصورة التاليه ( مع العلم ان الشاشه دائما تكذب بشان السرعه القصوى / هني مثلا سرعة الشارع 100 مب 80  ) ( 29 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] | |
|
06-20-2009, 02:06 PM
| رقم المشاركة : 4 (permalink) |
| رد: شاشة d7002_navi // تجربتي الشخصيه وشرح مفصل لاستخدامها ارجع للصورة السابقه بالزاويه اليسرى السفليه ، في زر ( القائمة ) وهو تقريبا اغلب التحكم بالخريطه يكون منه واترككم مع الثلاث الصور التاليه ( 30 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] ( 31 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] ( 32 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] في الصورة الـ( 30 ) زر ( ايجاد مكان معين ) ( 33 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] في الصورة الـ( 30 ) زر ( البحث عن مكان ) وللعلم ، لما تكتب اسم المكان لازم تكتبه بالانجليزي ونفس ما تجوفوا على الامارات وفيه دول مجلس التعاون كلها ( 34 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] بمجرد انك تضغط على العلم ، تظهرلك قائمة الدول ، وتختار دولتك ( 35 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] في الصوره الـ( 32 ) زر ( الاعدادات ) ، وهي اعدادات برنامج الخرائط هذا ولكم الصورتين التاليتين ( 36 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] ( 37 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] والحين والحمد لله خلصنا من الخرائط ، ونرجع لقسم الـ DVD [عزيزي الزائر يتوجب عليك التسجيل للمشاهدة الرابطللتسجيل اضغط هنا]طبعا في عندك الـ DVD وعندك الـ USB لاحظ الصوره رقم ( 9 ) ، بتجوف زر ( وصلة يو اس بي ) مقفول ، وفي الصورة التالي مفتوح والسبب ان في الصوره التاسعه كان الاختيار على ( خاصية DVD ) والحين الاختيار على ( خاصية يو اس بي ) ( 38 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] واذا كبسنا على زر ( وصلة يو اس بي ) في الصورة السابقه تظهر لنا الشاشه التاليه وفيها التحكم الشامل بالبيانات اللي في الفلاش ميموري ( 39 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] ونفس ما تجوفوا في ثلاث ملفات الملف الاول : كلام فاضي بروحه يطلع / الملف الثاني : الصوتيات / ميزه ****الملف الثالث : الصور طبعا الملفات هذي ( الصوتيات والصور ) من انشائي عن طريق الكمبيوتر / تقدر تخلي صوتيات بس او صور بس ميزه ****وللعلم تقدر بعد تسوي ملف فيديو وتشغله بواسطة اليو اس بي ( 40 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] وهذا ملف الصوتيات وهو مفتوح ( 41 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] وهذا ملف الصور ، ميزه ****ونفس ما تجوفوا صورة الكموره على الجنب [عزيزي الزائر يتوجب عليك التسجيل للمشاهدة الرابطللتسجيل اضغط هنا]وكل ما تختار صوره ثانيه تطلع الصوره على الجنب ( 42 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] واذا فتحت الصوره ، تفتح بالشاشه كامله [عزيزي الزائر يتوجب عليك التسجيل للمشاهدة الرابطللتسجيل اضغط هنا]وتبدأ الصور تمشي ، صوره بعد صوره ( تلقائيا ) الا اذا حبيت توقف الصور على صوره معينه ، فتقدر تضغط على اي مكان بالشاشه وتفتح قائمة التحكم / نفس الصوره رقم ( 39 ) وتظغط ( stop ) ( 43 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] | |
|
06-20-2009, 02:09 PM
| رقم المشاركة : 5 (permalink) |
| رد: شاشة d7002_navi // تجربتي الشخصيه وشرح مفصل لاستخدامها ونجي نجوف وضوح الكاميرا ( كينوود ) سواء في النهار او في الليل ميزه **** ولاحظوا وجود خط متري في شاشة الريوس يساعدك في تقدير المسافه ، ويشعرك بجودة الشاشه ( 44 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] ( 45 ) والحين نجي للكاميرا المركبه ( كينوود ) ( 46 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] وهذي الصوره تبين مكان تركيب المايك ولاقط الـ GPS رفم 1 : تركيب المايك داخل الفتحات هذي ( نفس الوكاله رقم 2 : هذا هو لاقط الـ GPS فوق المرايه بالضبط ( 47 ) [عزيزي الزائر يتوجب عليك التسجيل للمشاهدة الرابطللتسجيل اضغط هنا] والحمد لله تم بعون الله وبعد ما خلصنا الموضوع نجيب فلم Fast & Furious ( السيدي اصلي طبعا )[عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] ونبدأ الريس والهياط في الردود الفعاله لان الموضوع ( للعلم ) شغل ايدي وتصوير ايدي وكله ايدي × ايدي يعني الموضوع حصري لعيون اعضاء منتديات تويوتا العربيه انا ركبت الشاشه والحمد لله الحين مرتاح تمام التمام والتعب اللي تعبته على الموضوع هذا ، مانا مستفيد منه ولاشي سوى اني ما اتمنى ان اي واحد بالمنتدى او خارج المنتدى يتعب او يندم على شي سواه وهذا الموضوع استمر انشاءه حوالي 4 ايام ورأيي بالشاشه من واقع تجربة حوالي اسبوعين وارجو من كل واحد حاب ينقل الموضوع لمنتدى آخر ، ماعندي مشكله اهم شي تعم الفايده للناس كلها ///// لاكن ذكر المصدر واجب على كل واحد ينقل الموضوع والشاهد والحكم بيننا هو رب السماوات رب العرش العظيم وهذي روابط مشابهه اتمنى تستفيدوا منها اكثر [عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] وللعلم كمان حسب معلوماتي العضو الوحيد اللي مركبها في قسم الكامري هو ( اخونا الغالي / كمورة القمورة ) وهذا رابط موضوعه [عزيزي الزائر يتوجب عليك التسجيل للمشاهدة الرابطللتسجيل اضغط هنا] | |
|
06-20-2009, 02:11 PM
| رقم المشاركة : 6 (permalink) | ||
| رد: شاشة d7002_navi // تجربتي الشخصيه وشرح مفصل لاستخدامها ماشاء الله عليك ياغالي عساك تكون دائما بسعآآدة والله رديت بدون ما أشوف الموضوع < < بس عشان أكون أول واحد بموضوعك هههههههههههههه تسلم يدك يالغالي صادق وصراحة لك وحشة والله
| |||
.gif "SnipeR (97)")
|
06-20-2009, 02:41 PM
| رقم المشاركة : 8 (permalink) |
| رد: شاشة d7002_navi // تجربتي الشخصيه وشرح مفصل لاستخدامها مآشآء الله تبـآرك الله ،،، كلآم كبير صرآحه ،، آلشـآشه قويــه جــداً .. وآلموضوع وحــش تسلم يدينك عليه ،، بس عندي سؤآل آخوي هل يجي نوع من آلشـآشه هذي يركب ع آلكآمري 2006 ؟ وهل فيه شآشه فيهآ كل آلميزآت هذي تركب ع آلـ 2006 ؟ اللي يعرف لآيبخـل علينـآ .. وآلف شكر حبيب قلبي ،، . | |
|
06-20-2009, 02:47 PM
| رقم المشاركة : 9 (permalink) | ||
| رد: شاشة d7002_navi // تجربتي الشخصيه وشرح مفصل لاستخدامها ما شا الله تسلم يدك يا الغالي والله يهنيك فيها وآنا راح أدور عن هالشاشة وإذا حصلتها راح أشتريها :d لأني مفكر أركب لي شاشة قريباً تقبل مروري 
| |||
|
06-20-2009, 02:48 PM
| رقم المشاركة : 10 (permalink) |
| رد: شاشة d7002_navi // تجربتي الشخصيه وشرح مفصل لاستخدامها كامري مجنونه حياك الله يالغالي كمورة المجنونه < < نك جديد ووالله العظيم ان باقي لي امتحانين باجر وبعد باجر وان شاء الله نعود للمنتدى وبقوه وشرفني انك صاحب اول رد ، وبالتوفيق يالغالي حاتم اخوي حاتم / شرفني مرورك السريع / وتسلم يالغالي g.l.i مشكور عزيزي على المرور / نعم تجي شاشة تركب على 2006 ( يونيفرسال ، يعني تركب لجميع السيارات ) وبنفس المواصفات | |
|
06-20-2009, 03:52 PM
| رقم المشاركة : 13 (permalink) | ||
| رد: شاشة d7002_navi // تجربتي الشخصيه وشرح مفصل لاستخدامها ماقول الا مبدع وابداع مبدعين يابدع مبدع بشاشته المبدعه اللي ابدعتني وابدعت كل الناس يابعدي انت وياشيخ خذ تقييم بعد وخذ زياده في الراتب ************ اتحمست تسلم ايديك حبيبي والله يوفقك باختباراتك قول امين تحياتي
| |||
|
06-20-2009, 04:40 PM
| رقم المشاركة : 16 (permalink) |
| رد: شاشة d7002_navi // تجربتي الشخصيه وشرح مفصل لاستخدامها ماشاء الله تبارك الله الله يعطيك خيرها ويكفيك شرها وافضل الشاشت اخترت الله يهنيك فيها وعلى فكره اللحين 3 كامريات se ولونهم ابيض مركبين هالشاشه 1- كــــــــمـــورة الـــــــــــقــمـــورة 2- [عزيزي الزائر يتوجب عليك التسجيل للمشاهدة الرابطللتسجيل اضغط هنا] 3- الـــصــقر الأبـــيض وماشاء الله عليك فصلت الشاشه تفصيل ومبين على مضوووعك متعوب عليه من قلب صراحه بس في شي مشوه منظر الديكور صراحه وهوو التخشيبه ولاتنسى سيارتك تصميهما سبورت يعني مايناسبها التخشيب وذا تبي شي حلوو عل سيارتك وهو لون الكاربون فيابر ودمتم مووووفق بحفظ الله تحياتي لك : حمود كمورة القمورة | |
|
06-20-2009, 08:58 PM
| رقم المشاركة : 20 (permalink) | ||
| رد: شاشة d7002_navi // تجربتي الشخصيه وشرح مفصل لاستخدامها ماشاء الله تبارك الله .. بصرااحة هذي أول شاشة أبداااااااااع صد ق خطييرة .. ومواصفاتها جداً ممتازة .. تسلم أخوي الغالي صادق على طرحك وتقريرك المميز .. الله يعطيك العافيه .. وإذا ممكن لاهنت إيميلك على الخاص لأن ناوي على نفسها بس بسألك عن بعض المميزات .. إذا ممكن وإذا غير ممكن مو مشكلة على راحتك .. تحياتي لك .. والله يعطيك خيرها ويكفيك شرها ..
| |||
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
المواضيع المتشابهه | ||||
| الموضوع | كاتب الموضوع | الموقع | مشاركات | آخر مشاركة |
| شاشة سماوي D7002 Navi من واقع تجربتي لها مع الكاميرا الخلفية من نوع سوني | سماوي | اوريون AURION | 153 | 08-13-2009 03:17 PM |
| شــآشتي حقتي الصدزيه .. | ! . Grande . ! | اوريون AURION | 20 | 06-24-2009 04:48 AM |
| القطعة اللي في الأفالون 2009 اطلبها الآن من الوكالة وشرح تفصيلي عنها... بالصور | انا اسف | أفالون AVALON | 33 | 05-07-2009 12:23 PM |
| تجرتبي الشخصيه بين شاشه اللمس ونظام ( اي درايف ) | طرمان | لكزس LEXUS LS | 64 | 04-23-2009 03:09 PM |
| البطاقه الشخصيه؟؟ | أبوعذاب07 | استراحة الاعضاء | 23 | 10-03-2008 05:02 AM |
الساعة الآن 08:29 AM.
تويوتا العربية هي لمالكي ومحبي سيارات تويوتا ولكزس ولا تمثل المواضيع او المشاركات المطروحة رأي الموقع او ادارته بل تمثل وجهة نظر كاتبها
© 2009 Toyota4arab.com, All Rights Reserved.
