طـريــقــة تــشــغــيــل الــسـيــارهـ بالــريــمــوت ..!!

[فاقد حبيب]

السلام عليكم ..

هلا وغلا بالغاليين ..

حبيت اسأل فيه طريقة اقدر اشغل السياره بالريموت ولا لا

[شقرااااوي]

السلام عليكم ..

هلا وغلا بالغاليين ..

حبيت اسأل فيه طريقة اقدر اشغل السياره بالريموت ولا لا

وعليكم السلام

هلا فيك اخوي

اتوقع والله العالم انه لا :d

واذا فيه بيفيدونك الاخوان ويارب يكون فيه اتمنى مع اني ما اظن ^_^

[الولد@@@]

للأسف اخوي لا

لكن الاخ حمد المانع على ما اظن راح يوفر هالخدمه

ولكن ببرمجه للسياره

ونشوف عن قريب ان شاء الله

[للضرورة احكام]

ما ضنتي انها السيارة تنفتح بالريموت

بس اللي اعرفه ان الدرايش(الشبابيك)

هي اللي تنفتح بالريموت و السيارة ما تشتغل

و شغلتها بسيطة بس تضغط على اللي يفتح

مدة 15 الى 20 ثانية و تفتح و اذا بغيت تسكرها

اعكس الطريقة بدل اللي يفتح اللي يقفل

[المهــند]

السيارة شد بلد في الوقت الحالي لا توجد فيها هذي الميزة

على كل حال هي شغلة برمجة .. يعني لو اشتهى أبو جميل برمجها وخلاها تشتغل بالريموت

ولكني أظن أن تعطيل هذي الميزة فيها أمان للسيارة وخصوصاً ان السيارة تشتغل بدون مفتاح وتتحرك بدون مفتاح

[(أبو عبدالرحمن)]

لا ما فيه يالغلا ،،
بس مثل ما قالوا الأخوان ،، الشغل بالبرمجة ،،

[مديونير]

مو تقليل من قيمة اليوكون

بس انا مستغرب ان اليوكون فيها هالخاصية واللكزس لآآآآآآآآآآآآآآآ

[الولد@@@]

المشاركة الأصلية كتبت بواسطة مديونير

مو تقليل من قيمة اليوكون

بس انا مستغرب ان اليوكون فيها هالخاصية واللكزس لآآآآآآآآآآآآآآآ

مو اليوكن بس

الا اغلب الامريكي الجديد (كابرس وكلزلر وغيره)

ولا تروح بعيد شوف الاند كروزر فيه تشغيل عن بعد

[شقرااااوي]

ههههههههههههههه
ياحبيلكم بس

والله ثم والله اني اذكر واحد من اخوياي كان معه كورولا 98 مركب لها ريموت من الغرابي
ويقدر يشغلها من الريموت


الي يبي يروح للغرابي اللله لايهينه ويركب له جهاز ^_^

[المهــند]

حط في بالك ان الكزس عبارة عن كمبيوتر متحرك .. يعني تقدر تبرمجها زي ما تبي

بس المشكلة في مسألة تشغيل السيارة هي أن الكزس تمشي بدون مفتاح عكس اليوكن والكابريس

اليوكن والكابريس لما تشغل السيارة يشتغل المحرك فقط بينما يظل الدركسون مقفول والعدادات نايمة وكأن السيارة مو شغالة !! وما راح تتحرك السيارة الا لما تدخل المفتاح وتدق سلف

بينما الكزس عيبها انها تمشي بدون مفتاح والريموت الي معاك تنتهي وظيفته بعد ما يشغل السيارة والسيارة تمشي لمدة عشرين دقيقة بدون الريموت ؟؟؟!!!! وعلى فكرة هذا عيب محد تنبه له

على كل حال وش لك بتشغيل السيارة عن بعد ... إذا على التحمية فلا تشيل هم .. لان الكزس من السيارات الي ما تتحمى أصلاً

[شقرااااوي]

بينما الكزس عيبها انها تمشي بدون مفتاح والريموت الي معاك تنتهي وظيفته بعد ما يشغل السيارة والسيارة تمشي لمدة عشرين دقيقة بدون الريموت ؟؟؟!!!! وعلى فكرة هذا عيب محد تنبه له

من جد عييييييب قوي ، يعني اخوي انت مجرب هالحركه ؟

على كل حال وش لك بتشغيل السيارة عن بعد ... إذا على التحمية فلا تشيل هم .. لان الكزس من السيارات الي ما تتحمى أصلاً

اشكررررررررك على المعلومه ، والله اني اشيل هم التحمية احيانا

واحيانا اخربها امشي على طول وبس ^_^

يعطيك العافيه اخووي

[الولد@@@]

المشاركة الأصلية كتبت بواسطة المهــند

حط في بالك ان الكزس عبارة عن كمبيوتر متحرك .. يعني تقدر تبرمجها زي ما تبي

بس المشكلة في مسألة تشغيل السيارة هي أن الكزس تمشي بدون مفتاح عكس اليوكن والكابريس

اليوكن والكابريس لما تشغل السيارة يشتغل المحرك فقط بينما يظل الدركسون مقفول والعدادات نايمة وكأن السيارة مو شغالة !! وما راح تتحرك السيارة الا لما تدخل المفتاح وتدق سلف

بينما الكزس عيبها انها تمشي بدون مفتاح والريموت الي معاك تنتهي وظيفته بعد ما يشغل السيارة والسيارة تمشي لمدة عشرين دقيقة بدون الريموت ؟؟؟!!!! وعلى فكرة هذا عيب محد تنبه له

على كل حال وش لك بتشغيل السيارة عن بعد ... إذا على التحمية فلا تشيل هم .. لان الكزس من السيارات الي ما تتحمى أصلاً

معليش اخوي مهند


انا معك بكل كلامك بس مو لازم يكون للسياره مفتاح عشان تشتغل عن بعد

وهذا اقرب مثال الاند كروزر الجديد

ممكن يشتغل عن بعد واذا احد حاول يفتح الباب يطفي يعني للتحميه فقط

[مديونير]

الكابريس تشتغل بدون مفتاح !!!!!

انا عندي كابريس ls 2007 ولا عمري شغلته بدون مفتاح

شكلي برجع للكابريس ههههههههههههههههه

أمززززززززززززح

ولا يمكن الـ LS 2007 ما فيه دي الخاصية ؟!!

[نصرنتوس]

الخاصيه هذي مو موجودهـ ..! رح للوكاله واسألهم حسب علمي يبرمجونها لكـ اويعطونكـ ريمووت فيه

اتذكر كلمت مندوب المبيعات قبل فترهـ وقالي هالكلام لكنه مو متأكد


اكثر الامريكي فيه هالخاصيه ويفقد التشغيل بـ زر..! واكبردليل الدينالي على فخامته وسعرهـ الا انه بمفتاح يتشغل

لانه ميزة التشغيل من بعد اتوقع ماتصلح مع زر للتشغيل <-- ان شاء الله تكوون مفهومه

اخوي الولد@@ الاند كروزر اللي قصدكـ هذاكـ حسب علمي انه خليجي مو عبداللطيف جميل <-- يفيدونكـ اهل الاندكروزر اكثر

[المهــند]

عزيزي شقراوي .. بالنسبة لعيب مفتاح التشغيل .. نعم انا جربته بنفسي ...

كنت أعتقد اني اذا ابعدت عن السيارة مثلاً راح تطفي أو شئ زي كذا .. لكن تفاجئت مرة من المرات أن السيارة ما تطفي اذا ماكان الريموت فيها

السالفة يا طويل العمر كانت سيارتي شغالة والمفتاح بجيبي ناسيه .. وقلت لخوي خذ سيارتي والحقني وانا كنت بسوق سيارته عشانها عطلانه و بحاول اسمع الاصوات الي فيها ... ومشينا شويات الين وصلنا البيت ويوم نزلت تذكرت أن المفتاح بجيبي !!!! واستغربت كيف اخوي قدر يسوق سيارتي من ذلك المكان !!!!! وفتشت بالنت وحصلت ان السيارة ما تطفي إلا بعد عشرين دقيقة من فقدانها للمفتاح !!!!

أما بالنسبة للتحمية فأغلب السيارات الجديدة أصلاً ما تتحمى ... لكن أهم شئ ما تدعس عليها وهي باردة ولا تحاول تتسارع بسرعة .. يعني خل السيارة توصل السرعة الي انت تبيها على مهل الين يرتفع عداد الحرارة وبعدها سوق السيارة طبيعي

والكلام هذا يمشي على كل السيارات الجديدة

[المهــند]

عزيزي الولد @@@

الكزس ما تتحمى

[مديونير]

اللكزس ما يتحمى ..!!


أحلى خبر سمعته

أجل ما راح أتأخر عن دوامي بعد اليوم

:d

[ولد جلفار]

موضوع جمييل اتمنى وجود الحل فييه

[مديونير]

طيب شباب عندي استفسار

انا سمعت عن الكرت الذكي اللي يكون بديل عن مفتاح السيارة

كيف اقدر احصل عليه؟؟

مع العلم انه جاني مع السيارة مفتاحيين فقط

[thamooory]

إللي أعرفه البطاقه الذكيه إللي تسأل عنها أخ مديونير تجي مع الـ إل إس .. تحياتي