ن ك م الله لا يهينك يالغلا ( موضوع عن الاطارات

[\\\جي\\\]

السلام عليكم


ياليت يا شباب الي عنده افااده عن نوع الكفرات

عندي جي اس 2005 وكفرات الوكاله طبعا دنالوب

وش تنصحوني فيه نفس النوعين ولا في نوعيات احسن


وليت الي متاكد ومجرب يقولي لاني بعدها على طول بروح اغير


والف شكرا على تعاونكم

[ن ك م]

هلا اخوي .. \\\جي\\\ ..

انا جربت 3 انواع ..

كفر الدينلوب الوكاله ..

وكفر كوري .. وكفر ياباني ناسي اسمه والله ..


بصراحه الدينلوب بالحاله .. وهو الافضل ..



بعض المجربين للكفرات يمدحون ميشلان وبرجستون ..

[\\\جي\\\]

الله يعطيك العافيه يا مشرفنا ومحسوودين عليك

ما قصررت وانا بعد سمعت عن ميشلان


بس ان شاء الله كلهم شبه بعض


وشكرا ...,,,

[الشبابي]

توني مركب دنلوب من عند رد كاب في الدمام

نقشه جديده وسبورت شي والله نصحني فيها واحد سوري يشتغل عندهم من جد حلوه وناعمه مره عالخط

بالتوفيق

[بندر بن سرور]

فيه ميشلان صناعة امريكي لين لين لين واتعب اقول لين
ونفس مقاس الوكالة ولكن السرعة v
وفيه ميشلان نقشة اخرى ونفس مقاس الوكالة صناعة تايلندي برضه حلو
وتقبل تحياتي

[FULL MOON]

اخوي

انتبه من بعض النقاط

لا تشتري شي الا وانت مجرب او سا~ل احد ثقه

لان الكفرات ممكن تكون فيها واحد من مشكلتين

الاولى

انها تكون قاسيه مثل كفرات مشلان

كفر مشلان قاسي قاسي قاسي على الجنط

وتس ان المطب يضرب في الجنط

طبعا مو كلامي هذا هذا كلام 2 من اخوياي
ولكن الكفر هو ممتاز مره مره بس هذا عيبه

طبعا انا اتكلم عن الكفر اذا كان على 430 ولكن في 300 ركب ميشلان وانت مغمض

لان ال 430 كفرها صغير ويصير قريب من الجنط بعكس ال 300

المشكله الثانيه اللي ممكن تواجهك الصوت

فيه انواع كفرات تطلع صوووت هوى ومزعج مره مره


فياليت تشوف وتتاكد قبل لا تشتري

على العمووم اكثر اخوياااي مركبين مشلان

وانا مركب يوكوهاما حلوه وممتازه بس اتوقع المشلان افضل

بس ياليت اذا اشتريت تعلمنا وش ركبت وبكم

[دمي اصفررر]

هلا اخوي كيفك انا اكثر واحد مجرب هانكوك الكوريه ليونه ليونه ليونه وشي حلوووو وربي انا مجربهااا بسيارات كثيررره ومرتااااح معهاااا مررررره وانت عاد شف الافضل
انا معي جي اس 300 مديل 2005 ومرتاااح عليهاااا الكفرات

[M y M]

أخوي نصيحة مني ريح دمآآغك وركب دنلوب ..!

أنآ كفرراتي دنلوب من الوكآآلة .. وممتآآزة .. مآآشكي منهآ أبداً ..

خلك عليهآ بدل مآتركب غيررهآ وتتوهق ..

..

تـ ح ـيـآتـي ..

[حاكم القصر]

انصحك ببريللي وارى انه افضل من ميشلان لعدة اسباب

اولا البريللي صناعة المانية اصل بعكس الميشلان اظاهر تايلندي او اندونيسي

ثانيا البريللي نسبة التحمل 98 بينما الميشلان 92 وهذه النقطة مهمة جدا

يعني اقصد جوانب الاطار تكون تتحمل المطبات المفاجئة ولاتعطب وتظهر الانتفاخات الجانبية

ثالثا : هناك نسبة حديد مثل الشبك داخل الكفر البريللي وفائدته مثلا لاسمح الله وبنشر الكفر
تستطيع ان تمشي عليه دون ان يتأثر الجنط بالنسبة للميشلان لا اعلم

رابعا : سعر البريللي ارخص من الميشلان بحدود 100 ريال تقريبا


من الظلم لـ ببريللي وميشلان انكم تقارنوها بكفرات دانلوب فالفرق شاسع والاسعار تقارب الضعف !!

[لكزس و كامري]

يا هلا شباب

أنا أؤيد الميشلان ،، من واقع تجربه

طبعا سيارتي الكامري جنطها 15 و كفرات الوكالة كانت يوكوهاما و بصراحة هااااااادية مرة
و غيرت و ركبت ميشلان و الحمد لله سنتين و لا حتى اطالع الكفرات
و بعدها ركبت تويو و ندمت و الكفرات ما اخذت سنه و غيرتها و ركبت ميشلان من جديد و كانت ب 1200 الأربع كفرات

المهم و لا اطول عليكم
الحمد لله اخذت لي لكزس ls430 و عارفين كفراتها 18 و عليها كفرات كونتينينتال و تاريخهم 2007 و بصراحة انا وسوست و ودي اغيرهم ،، هم بحالة ممتازة ،، لكني اخاف لا اتعطل ،، المهم يوم سألت عن الميشلان طلع الكفر الواحد بقيمة الطقم حق الكامري هههههههه و يمكن اغلى شوي بعد

و سألت عن الدنلوب و قال لي الكفر ب 500 ريال و نقشته شبه رياضية و يوم شفته في النت طلع بصراحة ممتاز بس للحين ما غيرت ،،

انشاء الله تفيدوننا و تنصحوني وش اركب ،،ميشلان او دنلوب و علما ان سعر الدنلوب هو نصف سعر الميشلانو اقل بقليل

و تقبلو مروري ،،