رجة في السيارة !!!!!!!!!

[سحايب صيف]

السلام عليكم

اسعد الله اوقاتكم جميعا

الموضوع يا حبايب

انا موتري وارد البازعي ولاحظت من يوم ما شريته رجه على حدود 100 وتروح اذا زادت
السرعة او انقصت

السؤال هل يعتبر الشي هذا بوجود مشكله

واذا يعتبر مشكله وشو الحل لأني في القريب والقريب العاجل بسافر بر بالسياره

واذا تعتبر مشكله ودي اصلحها واسافر وانا مرتاح

طبعا خبركم البازعي بالرياض وانا في الدمام ولا فيني حيل اروحله

وعبداللطيف جميل دخلت السياره عنده وقلت له على موضوع الرجه وشكله ما قرب منها خير شر

مشورتكم يالنشاما

وبالخصوص ابو جهاد والبرادو الفضي على شانهم انه موجودين في منطقتي

[طراد القارات]

السلام عليكم ورحمة الله وبركاته

اخوي سحايب صيف انا بعد موتر من اشتريته عند 100 يتغير صوته ويرتج رجه خفيفه الرجه مو فالسياره فالمحرك نفسه

واشوفها عاديه ننتظر ملاك الـ vx

بالتوفيق

[سحايب صيف]

هلا والله وغلاا بطراد القارات
وعليكم السلام ورحمة الله وبركاته

الله يسمع منك اذا الدعوه عاديه ما منها ضرر مو مشكله انا اخاف انها فيها شي واخاف اذا سافرت يزود المشكله فقط لاغير وان شاء الله الشباب ما بيقصروا

[تبوك]

أخي الكريم
المشكلة في إطارات سيارتك لاني اول ما إشتريت البرادوا حسيت بلرجه وكل ما اوديها الوكالة يقولوا لي عملنا ميزانية التواير وتكون المشكلة قائمة ...
ونصحني أحد الاخوة ان اعمل ميزانية للإطارات بليزر خارج الوكالة وفعلا وأنحلت المشكلة
وشكرا

[الهاشمي الجنوبي]

السلام عليكم
مثل ما قال اخوي تبوكي قد تكون في الكفرات او في الاذرعة انا اليوم رحت للعضيب وقالي يبيلك وزن اذرعة فشيك والله يكون بعونك انشاء الله تكون بسيطة

[ابـــ جهاد ـــو]

اخوي (سحايب صيف ) ولا يهون الجميع ،،،،

الرجه في سرعه 100 كلم مرتبطه بالترصيص وخاصه الكفرات الأماميه ،،، افضل تروح مركز كفرات ( مثل بريجستون او جووديير ومثلها ) وليس محلات البنشريه وخلهم يشيكوا الترصيص وايضا وزنية الأذرع وان شاء الله تظبط الأمور ،،،،

[صاموله]

ان شاء الله خير

مثل ما علموك الإخوان، و عطنا النتيجه.

[سحايب صيف]

السلام عليكم

ولا يهمكم ابشروا بروح اشيك على الاذرعه والترصيص لكن السؤال قوديير وبرجيستون عادي يسوون ترصيص ووزن اذرعه للي كفرات سيارته مو من منتجهم ؟؟؟؟

والا اروح عند القحطاني مارتيم اللي عند الدي اتش ال يمدحونه

وش الراي ؟؟؟

[ابـــ جهاد ـــو]

مافي خلاف يسوون حتى لو كفراتك نوع ثاني ،،،، هذا شغل وعليه اتعاب ....

اسمع ان القحطاني يمدحونه ،،،،، اذا مركز وتحسه متخصص وفنانين ،،،، اقترح عليك خلهم يفحصون مشكلتك واسمع رأيهم واذا قالوا ترصيص ووزن اذرعه ،،، خذ منهم ضمان ان المشكله بتنحل ( القحطاني او بريجستون او غيرهم ،،،، ) المهم مايكون محل صغير من البنشرجيه لأني عانيت مع اثنين وبالأخر مافادني غير بريجستون ( في الكامري ) ....

[برادو الربع]

اعمل ميزانية المقود والكفرات وبيصير خير

[crash]

ماقصرو الشباب كفيتو ووفيتوو

[سحايب صيف]

السلام عليكم

اليوم الصباح رحت لمحل برجيستون وقلت له ابي ترصيص ووزن اذرعه قالي اسف ما نسوي الا لكفرات برجستون

طبعا اللي في الاستقبال هندي لما رفض قلت له غريبه مع ان ابوجهاد يقول تسون عادي
قالي مين ابوجهاد هذا
قلت له واحد ما تعرفه

المهم قررت اروح للقحطاني مارتيم اللي على طريق الكباري عند الدي اتش ال
وانا رايح في الطريق الا شفت وكيل دنلوب بجوار وكيل قوديير وبريللي قلت ليه ما اروح عند الوكيل حق دنلوب يسويها لي وافتك الزبده رحت له قالي ما عنده وزن اذرعه بس ترصيص
وبعدين قالي روح عند جاري (قود يير ) يسويلك ترصيص ووزن اذرعه بالمره قلت له اوكييه وانا طالع من عنده قلت له اقولك تعرف ابوجهاد
قالي مين ابوجهاد هذا
قلت له واحد ما تعرفه خلاص وطلعت
رحت عند قود يير وقلت له ابي ترصيص ووزن قالي مو مشكله دخل سيارتك
سوالي ترصيص استكر على قولته يعني من داخل الجنط مو برا مثل العادي وعبيته نيتروجين
ورحت عند وزن الاذرعه الا ولله الحمد والمنه قالي ما يحتاج وزن (اللهم لك الحمد )
طبعا طلعت من عنده دافع 200 ريال
وانا طالع قالت له طيب تعرف ابوجهاد ؟
قالي مين ابوجهاد هذا
قلت له واحد ما تعرفه خلاص وطلعت ههههههههههههههههههههههههههههههه
اشتهر ابوجهاد في المنطقه الشرقيه بسببي
المهم ان شاء الله اليوم بروح الجبيل وبرجع وبشوف اذا راحت الرجه والا لا

طيب انا بطلع الحين
الا اقولكم شباب تعرفون ابوجهاد ؟؟

هههه

[سحايب صيف]

السلام عليكم

رحت امس مشوار الى الجبيل ورجعت

والله يا اخوان كانك يابو زيد ما غزيت نفس الشي

على فكره الرجه اللي موجوده عندي من الاصل رجة خفيفة وانا اكثر من واحد صادفته يقولي انه الرجه هذي موجوده عنده بس واحد منهم قالي انه راح وكاله البازعي بالرياض ولما قالهم عن الرجه هل تعتبر عاديه ام لا المهندس قاله لا ما تعتبر عاديه

[ابـــ جهاد ـــو]

المشاركة الأصلية كتبت بواسطة سحايب صيف

السلام عليكم

اليوم الصباح رحت لمحل برجيستون وقلت له ابي ترصيص ووزن اذرعه قالي اسف ما نسوي الا لكفرات برجستون

طبعا اللي في الاستقبال هندي لما رفض قلت له غريبه مع ان ابوجهاد يقول تسون عادي
قالي مين ابوجهاد هذا
قلت له واحد ما تعرفه

المهم قررت اروح للقحطاني مارتيم اللي على طريق الكباري عند الدي اتش ال
وانا رايح في الطريق الا شفت وكيل دنلوب بجوار وكيل قوديير وبريللي قلت ليه ما اروح عند الوكيل حق دنلوب يسويها لي وافتك الزبده رحت له قالي ما عنده وزن اذرعه بس ترصيص
وبعدين قالي روح عند جاري (قود يير ) يسويلك ترصيص ووزن اذرعه بالمره قلت له اوكييه وانا طالع من عنده قلت له اقولك تعرف ابوجهاد
قالي مين ابوجهاد هذا
قلت له واحد ما تعرفه خلاص وطلعت
رحت عند قود يير وقلت له ابي ترصيص ووزن قالي مو مشكله دخل سيارتك
سوالي ترصيص استكر على قولته يعني من داخل الجنط مو برا مثل العادي وعبيته نيتروجين
ورحت عند وزن الاذرعه الا ولله الحمد والمنه قالي ما يحتاج وزن (اللهم لك الحمد )
طبعا طلعت من عنده دافع 200 ريال
وانا طالع قالت له طيب تعرف ابوجهاد ؟
قالي مين ابوجهاد هذا
قلت له واحد ما تعرفه خلاص وطلعت ههههههههههههههههههههههههههههههه
اشتهر ابوجهاد في المنطقه الشرقيه بسببي
المهم ان شاء الله اليوم بروح الجبيل وبرجع وبشوف اذا راحت الرجه والا لا

طيب انا بطلع الحين
الا اقولكم شباب تعرفون ابوجهاد ؟؟

هههه

هلا اخوي ( سحايب صيف ) ،،،،

وشفيك على ابوجهاد ما خليت مركز كفرات الا وقلتله ابوجهاد !!! قصدك اني وهقتك مع هالمراكز صح

والله ياخوي عند بريجستون من سنتين مغير كفرات الكامري وامامي دخل هوندا اكورد كفراته ما اذكر ايش ( المهم غير بريجستون ) و سوله ترصيص ( المركز الي على امتداد شارع ابن خلدون - طريق المطار ) ،،، واخوي راح بسيارته من سنه - كفرات تويو وسوو المطلوب ،،،، ما ادري اذا غيروا سياستهم ,,,, المفروض خدمه الترصيص ووزن الأذرعه ما عليها مشكله دام الواحد مو رايح يسوي مطالبه ضمان غير كفرات المركز الي رايح له .....

عموما يا اخوي ،،،، والله حاولت اساعد باللي اعرفه بس ما صابت معي وسودت وجهي وياك ..... سامحنا ....

النيه بأذن الله بعد اسبوع تقريبا اركب كفرات جديده دنلوب وبحاول احل مشكله الرجه في نفس الوقت ..... بأوافيكم بالنتائج وقتها ,,,

[سحايب صيف]

عموما يا اخوي ،،،، والله حاولت اساعد باللي اعرفه بس ما صابت معي وسودت وجهي وياك ..... سامحنا ....


افا عليك بس يابوجهاد الا بيض الله وجهك وما جاء منك الا كل خير

[صاموله]

و عليكم السلام و رحمة الله و بركاته

سحايب صيف

اقسم بالله انك انت المرجوج، روح اقرب مستشفى و سوي ترصيص لراسك. أجل ماخليت احد في الشرقيه ما سألته عن ابوجهاد؟

[سحايب صيف]

و عليكم السلام و رحمة الله و بركاته

سحايب صيف

اقسم بالله انك انت المرجوج، روح اقرب مستشفى و سوي ترصيص لراسك



اهااا طيب اذا رحت المستشفى وقالي ما نسوي ترصيص لراسك تبيني اقولهم تعرفون صاموله والا لا

ههههههههههههههههههههههههههههههههههههه

[أ ه م 1]

نفس مشكلتي وديتها لرد كاب ولة فرع بالدمام ورصص التواير وطلع كل شي تمام

بالتووفيق

[سحايب صيف]

السلام عليكم

والله توني مشيت بالموتر حوالي 1000 كيلو من الدمام الى جده

مشكلة الرجه الخفيفة اللي بين 100 الى 120 ما زالت موجوده بس شكلي بسوي حل اخير الا وهو ترصيص ارضي ونشوف شو بيصير معاي

[ES 300]

السلام عليكم ...

مشكلة الرجه بالسياره .. كثير يعاني منها وخصوصاً أصحاب الدفع الرباعي ..

قبل كذا .. حصلت معي .. طبعاً عملت ترصيص للكفرات .. وماتغير شيء .. بعدها بأسبوع نفس الشيء وماتغير ..

وبعدها بفتره سألت عن أفضل واحد .. وضبطها لي وراحت الرجه ..

المهم ..

فيه أشياء لاحظتها من خلال إستخدامي الطويل نسبياً للبرادو ..

اول شيء .. إذا طلعت رصيف .. او أخذت مطب جامد .. او طلعت للبر بأرض صخرية .. الاحظ رجه قويه .. لكن خلال يوم او يومين .. تختفي ..

طبعاً أستنتجت ن الكفرات ( دنلوب ) لينه وتتأثر بالضربات .. طبعاً مايعيبها لكن لازم تحط ببالك أن اي ضربه راح تحس برجه خفيفه بعدها ليوم او يومين وتختفي ..

يعني مثلاً .. لو كنت تطلع رصيف بسيارتك .. لو صغير ( مثل المواقف المرصوفه ) او فيه مطب قاسي بطريقك اليومي .. حاول تتجنبه وتشوف يصير معك فرق او لا ..

وحاول تعيد تدوير الكفرات ( نفس الي موجود بكتيب السياره ) وشوف تتغير الرجه او لا


وطبعاً .. هذا كله بعد ماتكون رصصت الكفرات عن شخص مشهود له بجودة العمل

والله يوفقك