06-30-2009, 12:00 PM
| رقم المشاركة : 1 (permalink) |
| رجة في السيارة !!!!!!!!! السلام عليكم اسعد الله اوقاتكم جميعا الموضوع يا حبايب انا موتري وارد البازعي ولاحظت من يوم ما شريته رجه على حدود 100 وتروح اذا زادت السرعة او انقصت السؤال هل يعتبر الشي هذا بوجود مشكله واذا يعتبر مشكله وشو الحل لأني في القريب والقريب العاجل بسافر بر بالسياره واذا تعتبر مشكله ودي اصلحها واسافر وانا مرتاح طبعا خبركم البازعي بالرياض وانا في الدمام ولا فيني حيل اروحله وعبداللطيف جميل دخلت السياره عنده وقلت له على موضوع الرجه وشكله ما قرب منها خير شر مشورتكم يالنشاما وبالخصوص ابو جهاد والبرادو الفضي على شانهم انه موجودين في منطقتي | |
|
06-30-2009, 12:36 PM
| رقم المشاركة : 2 (permalink) | ||
| رد: رجة في السيارة !!!!!!!!! السلام عليكم ورحمة الله وبركاته اخوي سحايب صيف انا بعد موتر من اشتريته عند 100 يتغير صوته ويرتج رجه خفيفه الرجه مو فالسياره فالمحرك نفسه واشوفها عاديه ننتظر ملاك الـ vx  بالتوفيق
| |||
|
06-30-2009, 01:21 PM
| رقم المشاركة : 4 (permalink) |
| رد: رجة في السيارة !!!!!!!!! أخي الكريم المشكلة في إطارات سيارتك لاني اول ما إشتريت البرادوا حسيت بلرجه وكل ما اوديها الوكالة يقولوا لي عملنا ميزانية التواير وتكون المشكلة قائمة ... ونصحني أحد الاخوة ان اعمل ميزانية للإطارات بليزر خارج الوكالة وفعلا وأنحلت المشكلة وشكرا | |
|
06-30-2009, 04:54 PM
| رقم المشاركة : 6 (permalink) | ||
| رد: رجة في السيارة !!!!!!!!! اخوي (سحايب صيف ) ولا يهون الجميع ،،،، الرجه في سرعه 100 كلم مرتبطه بالترصيص وخاصه الكفرات الأماميه ،،، افضل تروح مركز كفرات ( مثل بريجستون او جووديير ومثلها ) وليس محلات البنشريه وخلهم يشيكوا الترصيص وايضا وزنية الأذرع وان شاء الله تظبط الأمور ،،،،
| |||
.gif "SnipeR (69)")
|
06-30-2009, 07:32 PM
| رقم المشاركة : 8 (permalink) |
| رد: رجة في السيارة !!!!!!!!! السلام عليكم ولا يهمكم ابشروا بروح اشيك على الاذرعه والترصيص لكن السؤال قوديير وبرجيستون عادي يسوون ترصيص ووزن اذرعه للي كفرات سيارته مو من منتجهم ؟؟؟؟ والا اروح عند القحطاني مارتيم اللي عند الدي اتش ال يمدحونه وش الراي ؟؟؟ | |
|
06-30-2009, 08:40 PM
| رقم المشاركة : 9 (permalink) | ||
| رد: رجة في السيارة !!!!!!!!! مافي خلاف يسوون حتى لو كفراتك نوع ثاني ،،،، هذا شغل وعليه اتعاب .... اسمع ان القحطاني يمدحونه ،،،،، اذا مركز وتحسه متخصص وفنانين ،،،، اقترح عليك خلهم يفحصون مشكلتك واسمع رأيهم واذا قالوا ترصيص ووزن اذرعه ،،، خذ منهم ضمان ان المشكله بتنحل ( القحطاني او بريجستون او غيرهم ،،،، ) المهم مايكون محل صغير من البنشرجيه لأني عانيت مع اثنين وبالأخر مافادني غير بريجستون ( في الكامري ) ....
| |||
|
07-02-2009, 12:52 PM
| رقم المشاركة : 12 (permalink) |
| رد: رجة في السيارة !!!!!!!!! السلام عليكم اليوم الصباح رحت لمحل برجيستون وقلت له ابي ترصيص ووزن اذرعه قالي اسف ما نسوي الا لكفرات برجستون طبعا اللي في الاستقبال هندي لما رفض قلت له غريبه مع ان ابوجهاد يقول تسون عادي قالي مين ابوجهاد هذا قلت له واحد ما تعرفه المهم قررت اروح للقحطاني مارتيم اللي على طريق الكباري عند الدي اتش ال وانا رايح في الطريق الا شفت وكيل دنلوب بجوار وكيل قوديير وبريللي قلت ليه ما اروح عند الوكيل حق دنلوب يسويها لي وافتك الزبده رحت له قالي ما عنده وزن اذرعه بس ترصيص وبعدين قالي روح عند جاري (قود يير ) يسويلك ترصيص ووزن اذرعه بالمره قلت له اوكييه وانا طالع من عنده قلت له اقولك تعرف ابوجهاد قالي مين ابوجهاد هذا قلت له واحد ما تعرفه خلاص وطلعت رحت عند قود يير وقلت له ابي ترصيص ووزن قالي مو مشكله دخل سيارتك سوالي ترصيص استكر على قولته يعني من داخل الجنط مو برا مثل العادي وعبيته نيتروجين ورحت عند وزن الاذرعه الا ولله الحمد والمنه قالي ما يحتاج وزن (اللهم لك الحمد ) طبعا طلعت من عنده دافع 200 ريال وانا طالع قالت له طيب تعرف ابوجهاد ؟ قالي مين ابوجهاد هذا قلت له واحد ما تعرفه خلاص وطلعت ههههههههههههههههههههههههههههههه اشتهر ابوجهاد في المنطقه الشرقيه بسببي المهم ان شاء الله اليوم بروح الجبيل وبرجع وبشوف اذا راحت الرجه والا لا طيب انا بطلع الحين الا اقولكم شباب تعرفون ابوجهاد ؟؟ هههه | |
|
07-03-2009, 10:58 AM
| رقم المشاركة : 13 (permalink) |
| رد: رجة في السيارة !!!!!!!!! السلام عليكم رحت امس مشوار الى الجبيل ورجعت والله يا اخوان كانك يابو زيد ما غزيت نفس الشي  على فكره الرجه اللي موجوده عندي من الاصل رجة خفيفة وانا اكثر من واحد صادفته يقولي انه الرجه هذي موجوده عنده بس واحد منهم قالي انه راح وكاله البازعي بالرياض ولما قالهم عن الرجه هل تعتبر عاديه ام لا المهندس قاله لا ما تعتبر عاديه | |
|
07-03-2009, 01:05 PM
| رقم المشاركة : 14 (permalink) | |||
| رد: رجة في السيارة !!!!!!!!! اقتباس:
وشفيك على ابوجهاد  ما خليت مركز كفرات الا وقلتله ابوجهاد !!! قصدك اني وهقتك مع هالمراكز صح والله ياخوي عند بريجستون من سنتين مغير كفرات الكامري وامامي دخل هوندا اكورد كفراته ما اذكر ايش ( المهم غير بريجستون ) و سوله ترصيص ( المركز الي على امتداد شارع ابن خلدون - طريق المطار ) ،،، واخوي راح بسيارته من سنه - كفرات تويو وسوو المطلوب ،،،، ما ادري اذا غيروا سياستهم ,,,, المفروض خدمه الترصيص ووزن الأذرعه ما عليها مشكله دام الواحد مو رايح يسوي مطالبه ضمان غير كفرات المركز الي رايح له ..... عموما يا اخوي ،،،، والله حاولت اساعد باللي اعرفه بس ما صابت معي وسودت وجهي وياك ..... سامحنا .... النيه بأذن الله بعد اسبوع تقريبا اركب كفرات جديده دنلوب وبحاول احل مشكله الرجه في نفس الوقت ..... بأوافيكم بالنتائج وقتها ,,,
| ||||
|
07-04-2009, 10:40 AM
| رقم المشاركة : 17 (permalink) |
| رد: رجة في السيارة !!!!!!!!! و عليكم السلام و رحمة الله و بركاته سحايب صيف اقسم بالله انك انت المرجوج، روح اقرب مستشفى و سوي ترصيص لراسك اهااا طيب اذا رحت المستشفى وقالي ما نسوي ترصيص لراسك تبيني اقولهم تعرفون صاموله والا لا ههههههههههههههههههههههههههههههههههههه | |
|
07-09-2009, 01:20 PM
| رقم المشاركة : 18 (permalink) | ||
| رد: رجة في السيارة !!!!!!!!! نفس مشكلتي وديتها لرد كاب ولة فرع بالدمام ورصص التواير وطلع كل شي تمام بالتووفيق
| |||
|
07-09-2009, 08:15 PM
| رقم المشاركة : 20 (permalink) |
| رد: رجة في السيارة !!!!!!!!! السلام عليكم ... مشكلة الرجه بالسياره .. كثير يعاني منها وخصوصاً أصحاب الدفع الرباعي .. قبل كذا .. حصلت معي .. طبعاً عملت ترصيص للكفرات .. وماتغير شيء .. بعدها بأسبوع نفس الشيء وماتغير .. وبعدها بفتره سألت عن أفضل واحد .. وضبطها لي وراحت الرجه .. المهم .. فيه أشياء لاحظتها من خلال إستخدامي الطويل نسبياً للبرادو .. اول شيء .. إذا طلعت رصيف .. او أخذت مطب جامد .. او طلعت للبر بأرض صخرية .. الاحظ رجه قويه .. لكن خلال يوم او يومين .. تختفي .. طبعاً أستنتجت ن الكفرات ( دنلوب ) لينه وتتأثر بالضربات .. طبعاً مايعيبها لكن لازم تحط ببالك أن اي ضربه راح تحس برجه خفيفه بعدها ليوم او يومين وتختفي .. يعني مثلاً .. لو كنت تطلع رصيف بسيارتك .. لو صغير ( مثل المواقف المرصوفه ) او فيه مطب قاسي بطريقك اليومي .. حاول تتجنبه وتشوف يصير معك فرق او لا .. وحاول تعيد تدوير الكفرات ( نفس الي موجود بكتيب السياره ) وشوف تتغير الرجه او لا وطبعاً .. هذا كله بعد ماتكون رصصت الكفرات عن شخص مشهود له بجودة العمل والله يوفقك | |
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
المواضيع المتشابهه | ||||
| الموضوع | كاتب الموضوع | الموقع | مشاركات | آخر مشاركة |
| تحمية السيارة قبل قيادتهاهل هو مطلب رئيسي للحفاظ على السيارة ؟ | ابوصالح | المنتدى العام | 21 | 03-19-2009 01:19 AM |
| صوت في مقدمة السيارة عند 20 إلى 60 في تهدئة السيارة | جوزيف | أفالون AVALON | 9 | 01-08-2009 01:03 PM |
| غسيل السيارة ( بيستم ) يضر السيارة ؟ | ساكن الكوخ | أفالون AVALON | 21 | 12-16-2008 01:33 AM |
| سؤال لاهل الخبرة .. تشغيل المكيف السيارة اثناء تمرين السيارة مضر بالماكينه ؟ | مساعد الحكيم | لاند كروزر LAND CRUISER | 25 | 05-17-2008 11:57 AM |
الساعة الآن 12:34 AM.
تويوتا العربية هي لمالكي ومحبي سيارات تويوتا ولكزس ولا تمثل المواضيع او المشاركات المطروحة رأي الموقع او ادارته بل تمثل وجهة نظر كاتبها
© 2009 Toyota4arab.com, All Rights Reserved.
