صور برادو 2010 من مستودعاعت ابو جميل

amer · 07-01-2009, 02:29 AM

السلام عليكم ورحمة الله وبركاته

اليوم جايبلكم صور برادو 2010 من مستودعات ابوجميل
فيه تغيرات كثيرة ومواصفات منها كاميرا أمامية وخلفية - و شاشتين
مع تغيير الديكور الداخلي والكثير من المواصفات الأخرى
(( لكن الشكل القديم عندي احلى ))
اترككم مع الصورتين

وهذي الواجهة وواضحة عليها التغيرات

اضغط على الصورة لمشاهدتها بالحجم الطبيعي

وهذي الخلفية والتغيرات واضحة

ارائكم وانتقاداتكم

تحياتي

المرهش · 07-01-2009, 02:53 AM

الصور مو موجوده

كوكو اليمن · 07-01-2009, 03:10 AM

الشكل القديم احلى بكثيررررررر

تم تقييمك

تحياتي كوكو اليمن

amer · 07-01-2009, 03:25 AM

اخوي المرهش
الصور طالعه عندي يمكن المشكلة في جهازك
اخوي كوكو اليمن صحيح كلامك الشكل القديم احلى
وشاكر لك على التقييم

دهران · 07-01-2009, 03:36 AM

ياخي ليتك مصور داخلية السيارة ...ونشوف وش التغييرات الموجودة

والله مادري

أحس أنه يبي يصير من الفورتشنر 2009 ((تنفيخ الأنوار والأسطبات الخلفية ))

دهران · 07-01-2009, 03:38 AM

شوفوا ياشباب

من وراء السيارة

مكتوب VX.L

هل هو نوع جديد ؟؟؟؟

دهران · 07-01-2009, 03:40 AM

ويين مساحات الزجاج الخلفي ؟؟؟؟؟؟؟؟؟؟

ابـــ جهاد ـــو · 07-01-2009, 06:57 AM

مشكور اخوي على الموضوع ،،،،، والسبق الجديد ( والثاني خلال اسبوع - بعد موضوع اخونا ( شكيم ) ) ،،،

ملاحظات على السريع :

- اعتماد مبدأ تنفيخ الأسطبات كما في اغلب موديلات تويوتا الجديده - النور العالي والواطي مستقلين عن بعض

- الأسطبات الخلفيه اشوفها تعيسه الشكل وكثيره البروز من الأعلى

- يوجد شاشه سقف وحساسات اماميه و رشاشات انوار اماميه

- الظاهر هذي فئه جديده vx-l بمواصفات اضافيه

- المساحه الخلفيه غير موجوده اسفل الزجاج ( احتمال اصبحت في الأعلى تحت الجناح وخاصه ان الجناح سميك الأرتفاع ،،،، احتمال )

- يد الباب الخلفي غير موجوده !! ممكن تحت اطار النيكل فوق اللوحه - اذا كان كذا فالمرجح الباب بيفتح لفوق !!

- زجاج الباب الخلفي شكله ( والله اعلم ) يفتح مستقلا ،،،، مجرد تخمين ،،

- كلمه لاندكروزر برادو على الدعاميه الأماميه نازله تحت وغير مميزه اللون ( ليست واضحه )

ياليت اذا في صور اضافيه ومن الجوانب ومن الداخل ،،،، ويعطيك الف عافيه ........

ابراهيم.1 · 07-01-2009, 08:32 AM

وجهية الموتر جونان
مادري يا أخوان أحس أنه فيه شبه من الأسكويا من الخلف ولا أنا غلطان
وأشوف فيه حساسات أمامية وخلفية
تسلم أخوي موضوع مميز تستاهل الفايف ستار
تم تقييمك
والله يرزقنا بواحد مثلهـ

ناصر العولقي · 07-01-2009, 08:38 AM

ياخوووووي شكلة برادو معدل هذا شغل صاحبة مو برادو المتوقع ظهورة بشكل متغير تماما ياخي 2002 يختلف تماما عن 2003 بس هذا شكلة معدل مو 2010

طراد القارات · 07-01-2009, 10:18 AM

يا شبااااااااااااااااااااااااااب

الصور مو طالعه عندي

ومتحمس اشوفه

ولد جلفار · 07-01-2009, 10:22 AM

الجناح جمييل فيه اضاءه

يشبه جناح الكروزر الجديد

crash · 07-01-2009, 10:30 AM

حرام يطلع شكل كذا الخلفيه باااااااااايخه وبقوه الاسطبات شوهت المنظر مرره من قدام لابأس فيه بس اذا كذا بيطلع البرادو من جد القديم احلى بكثير

أبوحمد · 07-01-2009, 11:26 AM

والله لو أني ما شفت لاصق زيت تويوتا المعروف ومثلث الضمان اللي على القزاز الامامي ( وارد بن جميل ) ,, كان جزمت أنه صيني ومعدل

هذا شكله ماهو ياباني !!

الشبك طلع نشاز

الكشافات الأماميه حاطين عدسات بالزوايا الداخليه يمكن تكون للعالي !!

ماغيروا شي بالاصطبات الخلفيه - مجرد بروز وتغيير للأماكن ومن لونها تحس أنها لعبه وليست كرستاليه جميله !!

أنا مقهور من اللي صور ,, لأنه ماجاب صور للسياره من العرض يمكن بعد ضغطوها ؟
وايضا كنا نتمنى صور للداخليه , خاصة نشوف وش الجديد على الطبلون ؟ وشكل القير ؟ والعدادات ؟

الحساسات والكاميرا والـ dvd كلها لصالح البرادو

أحتمال vx.l يعتبر أعلى فئه !

عموما ننتظر وصوله الصالات وباللون الابيض وأضافة الخطوط ونشوف هل نبيع الفورتشنر ونمتلك البرادو الجديد أم لا يستحق ذلك !

طراد القارات · 07-01-2009, 11:31 AM

اخوي ابو حمد الفئه vx-l و gx-l موجوده في اوروبا وانا تواصلت مع روسي يملك vx-l موديله 2006

لكن اخوي ما طلعت الصور حاولت ...

أبوحمد · 07-01-2009, 11:45 AM

رفعتها علشانك أخوي طراد القارات

شوفوا اللي جالس وسط السياره يستكشف

هذي ميزة اللي يشتري أول سياره توصل ,,,, مفكفكينها تفكيك !!

طراد القارات · 07-01-2009, 11:56 AM

مشكووووووووور اخوي ابو حمد جزاك الله خير ربي يوفقك دنيا وآخره

مشكور اخوي امير على الطرح وليتك جبت لنا صور اكثر

بالنسبه الشكل الجديد ...............

الصدام سيئ جدا لو يفكونه يصير شكله افظل

كنت اتوقع يحسنون الخلفيه لكن صارت أسوأ وأسوأ وأسوأ

وكانه اسود من الداخل

الصراحه ودي اصدمه من ورى ببرادوي

بالتوفيق جميعا

amer · 07-01-2009, 12:59 PM

الصور مصورها واحد ومرسلي اياه على الايميل
للي يقولون ليش ما صورتها من الجنب ولا من جوه
ومنورين بطلتكم

الهاشمي الجنوبي · 07-01-2009, 01:09 PM

السلام عليكم
يعيبه الخلفية فقط ولا المقدمة حلوة جدا وننتظر باقي الصور للجوانب ومن الداخل

(( لاندكروزر )) · 07-01-2009, 01:18 PM

هذي صورته مع الجنب من موضوع اخونا شكيم

الاصطبات الخلفيه شكلها قبيح نوعا ما والجناح الامامي مش ولابد

والشبك كذلك طالع كأنه دير ,, والباقي تمام ! ومع الوقت يبي يهضمونه العالم !

المواضيع المتشابهه
الموضوع	كاتب الموضوع	الموقع	مشاركات	آخر مشاركة
وصل وصل 2010 وصل العملاق الجديد برادو 2010	المربث	برادو PRADO	33	07-23-2009 02:36 AM
ماذا عن برادو 2010 ؟	toyota_lexus	برادو PRADO	3	05-16-2009 12:17 PM
برادو 2010 الجديد	من الخفجي	برادو PRADO	14	04-21-2009 10:14 PM
برادو 2010	كامري اسود	برادو PRADO	1	04-08-2009 04:45 PM
برادو Prado 2010	سميحتكو	برادو PRADO	9	02-22-2009 01:43 PM

أدوات الموضوع
مشاهدة صفحة طباعة الموضوع أرسل هذا الموضوع إلى صديق