شبااااااب .. كفراتي جديدة تحرق حرررق مجنووووووون..

[فلاترون]

السلام عليكم ورحمة الله ..

السالفة وما فيها يا شباب ..

اني قدر الله علي وشريت كفرات فالكون <***** حسبي الله على ابو يمن..

قبل شهرين تقريبا ..

وانا ماني راعي تدعيس كثير مرررة .. فاليوم جربت اكثر من مرة من الصفر تحرق حرق عجيب .. بتقولون كيف ؟؟!!

اذا دعست من صفر يفحط الاول كااااامل ثم يعشق ثاااااااني وايضا يحرق حرق مجنون ثم يعشق ثالث وهو لا زال يحرق ثم اذا انتصف الثالث بدأ يثبت الكفر اذا ثبت رد ثاني وحرق شوي ثم ثبت ..

ومن 40 نفس الفكرة .. والغريب اني جربت مع اف جي وطلع علي وراااااااااااااح بعيييييد مرة وانا جالس احرق في محلي <***** احرق حرق مش طبيعي

والغريب اني جربت في اكثر من شارع وبغيت اصدم تريلة بسبة هالحركة <***** لاف مع شارع مسرع ودعست قبل لا الف لفة كاملة واشوف الموتر حااااااذف يمين بقوة وانا كاسر الطارة يسار لكن ربك ستر ..

الخلاصة ان الكفرات جديدة ومريحة وسرعتها w لكن مشكلتها الوحيدة هي الحرق الشديد ..

مع العلم ان سيارتي بدون تراكشن ..
..

انتظر ردودكم وملاحظاتكم مشكورين ..

فلاترون..

[! . Grande . !]

,

ششف يآحبي لكـ ..
الفآلكون يزلقن وبرضه هآنكوكـ نفس المشكله .. البرجستون حلو وليونه بس مشكلته يمسسح الكفر بسسرعه .. اليوكوهآمآ قآسي يصعرر الكفر بسسرعه وتويو رآيقآت مرهـ بس مطآبهن قوي وقآسي ..
الكفرآت الصح ..
يآدنلوب وآلآ نيتّو .. وغيرهن لآتدور حبي لكـ ..
ليونه .. قوهـ تحمل حرآرهـ .. يعطينكـ عمر آطول .. ولآيزلقن ولآ ششي
وآنتبه لنفسسكـ مره ثآنيه يآبعدي وخل عنكـ المطآير والمطآرحآت ..

.
.

[ماكو فكة]

و عليكم السلام
عزيزي فلاترون

بطبيعة الحال انو اي كفر على الاوريون يحرق
لانو من القوة ما شاء الله
ناهيتك عن الاسفلت اللي موجود عندكم بالرياض " ما شاء الله "
تقول تمشي على سراميك بالرياض كله وكيف ما تبيه يحرق
وهذا يلعب العامل الاكبر للحرق و الصعيق

انا بصراحة و راي شخصي
احب كفرا التويو
لانها مريحة الى ابعد حد
و مطاباته اريح و من جد تهجد موتر باللفات

اتمنى اكون افدتك
بالتوفيق

[%كورولا%]

الله يعينك عليها
لكن أخوي لو تشيك على ضغط الكفرات ممكن تكون مرتفعه

[سامر الليل]

هلا أخوي

لا يوجد " أوريون " بدون تراكشن . كل فئات الاميرة تأتي يتراكشن

أعتقد ان هذا النظام متوقف عندك أو عطلان

مهما كان نوع الكفر من غير المنطقي " تبويش " الاطارات طوال التعشيقة الاولى و الثانيه

من رأيي توديها الوكاله تستفسر واذا طلع السبب فعلا الاطارات

الله يعينك تغيرهم لأن " الجير " في خطر كبير

SAMiR

[مداوي الاوريون]

8888

اخوي سامــر

اعتقد التورينغ مافية تراكشن

وشوف هذا اقتباس من موقع تويوتا

أثناء الإنعطاف يقوم نظام التحكم في ثبات المركبة (‏vsc‏)‏ * بتخفيف الانزلاق الجانبي الزائد للعجلات مما يجعل المركبة تحافظ على قدر من التحكم المريح.
السونارات ( الحساسات) الخلفية والأمامية تستعمل حساسات تعمل بالموجة الفوق الصوتية لإكتشاف العوائق القريبة من السيارة حيث تخبر السائق بذلك عن طريق شاشة العرض واحداث الطنين.
* يوجد في طراز جراندي ‏‎(grande)‎‏ فقط.‏

هــذا والله اعلم


اخووكـ

مــــداوي

[سامر الليل]

هلا أخوي مداوي الاوريون

كلامك صحيح بس اللى تتكلم عنه هو

- نظام ( VSC ) وهو نظام توازن للسيارة عند المنعطفات وهو موجود في فئة " جراندي " فقط

واللى أتكلم عنه أنا هو

- نظام ( TRC ) " نظام الجر " و وظيفته السيطرة على الاطارات عند الانطلاق بقوة كبيرة جداً

وهما نظامين مختلفين تماماً

* بدون هذا النظام يحصل في السيارة ما بحصل الان مع صاحب الموضوع

لأن المحرك و الجير في السياراتين واحد

SAMiR

[Over speed]

الله يعينك ...وأما من ناحية إن التورينق ما فيها تراكشن فأنت صادق والله ....

((للمعلوميه التورينق لا يوجد بها التراكشن ))
توضيح لأاخوي سامر الليل بأن كل الفئات فيها تراكشن
...

انا ما عندي تراكشن

[سامر الليل]

أخوي " أمنيتي الاف جي "

راجع " دليل المالك صفحة 121 " راح تشوف ان نظام التراكشن موجود

ياليت لو يفيدونا أصحاب " التورنج " أكثر

عدم وجود هذا النظام معناه ان الكفرات مستحيل تتحمل قوة ضخ المحرك

SAMiR

[Spark Plugs]

^^^^^^^^^^^^^^^^^^^^^


اخوي ما يحتاج تطالع بالكتلوج ولا بالمواصفات ولا شي


روح اقرب تورنق وشغلها ما حتلاقي فيها اللمبه اللي هي سيارة متزحلقة.......



وخذلك لفه ودوس وشوف ايش راح يسير بس ماني مسؤول عن الاضرار............





التورنق مافيها تراكشن ابدا ..........

[سيارتي عالمي]

اخوي كفرات الفالكون يستخدمونها المفحطين


ركب ماشلان وراااااااااااااح تدعي لي

[كــامـــيـــرون]

الاوريون تورينج مايجي فيها نظام تركشن

وعندك كمان الافلون xl مافيها تراكشن بعد

[فلاترون]

الله يعطيكم العافية جميعا وما قصرتوا على الردود الحلوة ..

mjood/
يا حبي لك انت يا بعدي بس الدنلوب اسرع كفر استهلاكا خصوصا اذا كنت راعي مطارحات ..

انا جربت اليوكوهاما واشوف انها الافضل حتى الان ..

ويسلم لي ردك يا حبيبي..

ماكو فكة/

هلا فيك اخوي .. زي ما قلت انا جربت اكثر من كفر على السيارة بس زي الفالكون ما شفت ..

وبالنسبة لشوارع الرياض والله انك صادق تشوفها من بعيد كأنها قزاز <***** زجاج

بس تبي الصراحة بعض الاحيان طررررب تحس انك في طيارة ..

الف شكر لك على ردك الرايق ..

%كورولا%/

الضغط وانا اخوك طبيعي 35 بس العلة في الكفرات ..

تحياتي لك واشكرك على ردك..

سامر الليل/
هلا بك اخوي سامر ..

وزي ما قالوا الشباب التورينق بدون تراكشن والمقصود بالتراكشن هنا هو مانع الانزلاق يعني من صفر ما يزلق واذا زلق ولعت اللمبة ..

واعتقد ان العلة في الكفرات لاني جربت كذا كفر الفالكون هي اللي تلعب زي كذا ..

ونظام trc موجود فقط في الجراندي حتى لو كانت المكينة وحدة والدليل شف الكابريس LTZ والـ LS
تسلم لي ويسلم لي ردك .. شكرا..

مداوي الاوريون/

يعطيك الف عافية على هالمعلومات لكن اعتقد ان الاقتباس يتكلم عن نظام vsc والحساسات فقط ..

على العموم تشرفت بك ..

امنيتي الإف جي/
اهلا وسهلا فيك اخوي وشرفني مرورك..

Spark Plugs/

هلا ومرحبا فيك وفعلا التورينق لا يوجد بها نظام التراكشن ..

سيارتي عالمي/

يعطيك الف عافية وان شاء الله نجرب المشلان..

كــامـــيـــرون/

اهلا وسهلا فيك وتشرفت بمرورك..

[سامر الليل]

هلا شباب

مع تقديري للجميع لكن ان الاوريون " تورنج " بدون - تراكشن - هذي نقطه مب داخله مخي أبد

سواء حطو مؤشر او لأ هذا ماله علاقة...الف نظام بالسيارة مو كل شي لازم يكون له لمبه

ربما اختلاف الطبلون هو سبب المشكله , لو أسوق اوريون " تورنج " راح اقدر احدد فيها ولا لأ

ولين أجرب اهديكم صورة ضوئية من دليل المالك اللى ماحدد النظام بنوع او فئة كما العاده

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

SAMiR

[Spark Plugs]

^^^^^^^^^^^^^^^^^


والله هذي مشكله............



ادا ما تبغا تقتنع كيف نقنعك اخوي..............




تحياتي............

[سامر الليل]

هلا أخوي " سبارك "

والله هذي مشكلة

ياساتر....مشكله مرة وحده !!! الله لا يجيب مشاكل يالغالي

ومين قال اني ما ابي أقتنع ؟؟؟ أنا أبي أتأكد بس...

هذا رايي.... لا يقدم ولا يأخر...مجرد وجهة نظر

و أذا السيارة ما فيها هذا النظام فالشمس ما تغطى بغربال

تحية كبيرة لك...+ أحلى تقييم عربون محبة

SAMiR

[أوريون دمشق]

انشالله أفادوك الشباب أخي فلاترون

بالنسبة لحبيبنا سامر لاتستغرب أبداً مع هالوكالة كل شي يصير

يعني وقفت على التراكشن بالتورينج في 1000 شي ناقص بالفل كامل الجراند<*****< 1000 صيغة مبالغة

وبعدين حسب الي شفناه أغلب التورينج يفحط الكفرات بالأول وهذا دليل أنه مافي تراكشن

الجراند لما تطلع من بقوة من الصفر تحس عزم السيارة راح وهذا هو عمل التراكشن

وهو الموازنة بين تسارع المحرك وثبات العجلات على الأرض

والترجمة الحرفية للنظام : نظام التحكم بالإلتصاق <*****< كأنك طولت

هذا والله أعلم

تحياتي............

[سامر الليل]

هلا أوريون دمشق

يعطيك العافية على هذا الشرح الموجز

* لك منى أحلى تقييم كل مرة تتاح لي الفرصة

SAMiR

["AURION"]

المشاركة الأصلية كتبت بواسطة سامر الليل [عزيزي الزائر يتوجب عليك التسجيل للمشاهدة الرابطللتسجيل اضغط هنا]

هلا أوريون دمشق

يعطيك العافية على هذا الشرح الموجز

* لك منى أحلى تقييم كل مرة تتاح لي الفرصة

samir

مشاء الله عليك ياسامر .. أخلاق من ذهب ..
وأنا أقول كلامك منطقي وتمام ..
بس أحساسي مع الأخوان أنه الأوريون التورينغ بدون trc <*****- هي مو سالفة أحساس ..
بس التورينغ ما سمعنا أنه فيها trc

[أوريون دمشق]

تسلملي ياغالي

والله أخجلتم تواضعنا وهذا شي من بعض ما عندك

على فكرة جربت ابعتلك على الخاص بس.......... كأن الميزة انلغت

تحياتي...........